ເຈົ້າໜ້າທີ່ຕຳຫຼວດຈະລາຈອນ ປກສ ແຂວງວຽງຈັນ ມອບລົດຈັກຄືນເຈົ້າຂອງເດີມ

    0
    46

    ໃນວັນທີ 9 ມິຖຸນາ 2022 ນີ້ ເຈົ້າໜ້າທີ່ພະແນກຕຳຫຼວດຈະລາຈອນ ຫ້ອງຕຳຫຼວດ ປກສ ແຂວງວຽງຈັນ ໄດ້ມອບລົດຈັກຄືນເຈົ້າຂອງເດີມເຊິ່ງລົດຄັນດັ່ງກ່າວແມ່ນລົດຂອງທ່ານ ຮອ ພອນວິໄລ ເດດວົງສາ ປະຈໍາການຢູ່ກອງພັນປ້ອງກັນເຄື່ອນທີ່ ກະຊວງປ້ອງກັນຄວາມສະຫງົບ ທີ່ຖືກຄົນບໍ່ດີລັກໄປໃນປີ 2017 ຜ່ານມາ.

    ໃນວັນວັນທີ 18 ກຸມພາ 2022 ເຈົ້າໜ້າທີ່ຕໍາຫຼວດຈະລາຈອນ ປກສ ແຂວງວຽງຈັນ ໄດ້ລົງປະຈຳປ້ອມບ້ານໂພນໄຊ ເມືອງໂພນໂຮງ ແຂວງວຽງຈັນ ເພື່ອກວດກາການສັນຈອນ ໃນນັ້ນໄດ້ກວດລົດຈັກ ຍີ່ຫໍ້ ຮອນດ້າລຸ້ນ ເວບ 100 ສີແດງດໍາບໍ່ຕິດປ້າຍທະບຽນ ບໍ່ມີເອກະສານ ກໍງລັງມູ່ງໜ້າໄປເມືອງວັງວຽງ ເຊີ່ງຂັບຂີ່ໂດຍ ທ້າວ ບຸນລ້ຽງ ອາຊີບ ຂັບລົດ ຢູ່ບ້ານຄອນເລືອງ ເມືອງເຟືອງ ແຂວງວຽງຈັນ ເຈົ້າທີ່ຈື່ງໄດ້ກັກລົດຄັນດັ່ງກ່າວພ້ອມທັງສຶບສວນ-ສອບສວນ,  ທ້າວ ບູນລ້ຽງ ໄດ້ໃຫ້ການຕໍ່ເຈົ້າທີີ ວ່າ: ລົກຈັກຄັນກ່າວແມ່ນລົດຂອງເມຍ ຈາກນັ້ນເຈົ້າໜ້າທີ່ຈື່ງໄດ້ປະສານທາງໂທລະສັບ ຫາເມຍຜູ້ກ່ຽວ ຊື່ ນາງ ນ້ອຍ ນາງ ນ້ອຍ ຈື່ງເວົ້າວ່າລົດຈັກຄັນດັ່ງກ່າວແມ່ນໄດ້ຊື້ນຳ ທ້າວ ແກ້ວ ປະຊາຊົນ ບ້ານຜາບ່ອງ ເມືອງຫີນເຫີບ ແຂວງວຽງຈັນ  ຊື້ໃນລາຄາ 10 ລ້ານກີບ ບໍ່ມີເອກະສານ ສະນັ້ນຕົກມາ ວັນທີ 26 ເມສາ 2022 ຈື່ງຮູ້ວ່າລົດຄັນດັ່ງກ່າວແມ່ນຂອງ ທ້າວ ວັນນະເດດ ບ້ານ ສີດຳດວນ ເມືອງຈັນທະບູລີ ນະຄອນຫຼວງ ວຽງຈັນ 

    ສະນັ້ນມາໃນວັນທີ 9 ມີຖຸນາ 2022 ເຈົ້າໜ້າທີ່ພະແນກຕຳຫຼວດຈະລາຈອນ ປກສ ແຂວງວຽງຈັນ ຈຶ່ງໄດ້ນຳເອົາລົດຈັກຄັນດັ່ງກ່າວມາມອບຄືນໃຫ້ເຈົ້າຂອງເດີມ ຕາງໜ້າມອບລົດຈັກດັ່ງກ່າວໂດຍແມ່ນ ທ່ານ ພັຕ ກົງຈັນ ສີວິໄລວົງ ຮອງຫົວໜ້າພະແນກຕໍາຫຼວດຈະລະຈອນ ຫ້ອງຕຳຫຼວດ ປກສ ແຂວງວຽງຈັນ ຕາງໜ້າຮັບໂດຍແມ່ນ ທ່ານ ຮອ ພອນວິໄລ ເດດວົງສາ ມີພະນັກງານກ່ຽວຂ້ອງເຂົ້າຮ່ວມເປັນສັກຂີພະຍານ.

    ໂອກາດດຽວກັນນີ້ເຈົ້າຂອງຊັບກໍ່ໄດ້ສະແດງຄວາມຂອບອົກຂອບໃຈມາຍັງເຈົ້າໜ້າທີ່ ທີ່ໄດ້ເອົາໃຈໃສ່ປະຕິບັດໜ້າທີ່ວຽກງານຈົນສາມາດເກັບກູ້ລົດຈັກຄືນມາໄດ້ ແລະ ທ່ານ ພັຕ ກົງຈັນ ສີວິໄລວົງ ຮອງຫົວໜ້າພະແນກຕໍາຫຼວດຈະລະຈອນ ຫ້ອງຕຳຫຼວດ ປກສ ແຂວງວຽງຈັນ ຍັງໄດ້ຮຽກຮ້ອງໃຫ້ເຈົ້າຂອງຊັບຈົ່ງເອົາໃຈໃສ່ໃນການປົກປັກຮັກສາວັດຖຸສິງຂອງທີ່ມີຄ່າໄວ້ໃຫ້ດີເພື່ອບໍ່ໃຫ້ຄົນບໍ່ດີສວຍໂອກາດລັກຊັບຂອງທ່ານພ້ອມນັ້ນຍັງໄດ້ຮຽກຮ້ອງໃຫ້ພໍ່ແມ່ປະຊາຊົນບັນດາເຜົ່າຈົ່ງຊ່ວຍກັນເປັນຫູເປັນຕາຊ່ວຍເຈົ້າໜ້າທີ່ ແລະ ບໍ່ຄວນຊື້-ຂາຍລົດຈັກທີ່ບໍ່ມີເອກະສານຄົບຖ້ວນຢ່າງເດັດຂາດ.

    ຂ່າວ ປກສ ແຂວງວຽງຈັນ: ຈັນດາລາ

    LEAVE A REPLY

    Please enter your comment!
    Please enter your name here