3 ພາກສ່ວນ ມອບເງິນ ແລະ ອຸປະກອນການແພດ ໃຫ້ວິທະຍາຄານປ້ອງກັນຊາດ ໄກສອນ ພົມວິຫານ

0
44

3 ພາກສ່ວນ ມອບເງິນ ແລະ ອຸປະກອນການແພດໃຫ້ວິທະຍາຄານປ້ອງກັນຊາດ ໄກສອນ ພົມວິຫານ

ຂປລ. ໃນວັນທີ 10 ມິຖຸນາ 2022, ວິທະຍາຄານປ້ອງກັນຊາດ ໄກສອນ ພົມວິ ຫານ ໄດ້ຮັບການປະກອບສ່ວນຊ່ວຍເຫລືອອຸປະກອນການແພດ ເພື່ອນໍາໃຊ້ເຂົ້າໃນການປ້ອງກັນ ແລະ ຕ້ານການລະບາດພະຍາດໂຄວິດ-19 ແລະ ເງິນສົດຈຳນວນໜຶ່ງ ເພື່ອນໍາໃຊ້ເຂົ້າໃນການປັບປຸງ ບູລະນະຄ້າຍຄູ ພາຍໃນວິທະຍາຄານດັ່ງກ່າວ, ຕາງໜ້າຮັບໂດຍ ພົນຕີ ຄໍາຫລ້າ ພັນໄຊຍະສຸກ ຫົວໜ້າການເມືອງ ວິທະຍາຄານປ້ອງກັນຊາດ ໄກສອນ ພົມວິຫານ, ມີພາກສ່ວນກ່ຽວຂ້ອງເຂົ້າຮ່ວມ.

ສໍາລັບພາກສ່ວນທີ່ນໍາເງິນສົດມາມອບຄັ້ງນີ້ປະກອບມີ: ນັກສຶກສາບໍາລຸງວຽກງານ ປກສ-ປກຊ ຊຸດທີ 11 ຈໍນວນ 15 ລ້ານກີບ ຕາງໜ້າມອບຂອງທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ ວັດທະນະທໍາ ແລະ ທ່ອງທ່ຽວ, ອົງການປົກຄອງ ນະຄອນຫລວງວຽງຈັນ ມອບເງິນສົດ 100 ລ້ານກີບ ຕາງໜ້າມອບໂດຍທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ ແລະ ກະຊວງສາທາລະນະສຸກ ມອບອຸປະກອນການແພດ ເພື່ອນໍາໃຊ້ເຂົ້າໃນການປ້ອງກັນ ແລະ ຕ້ານການລະບາດ ພະຍາດໂຄວິດ-19 ມູນຄ່າ 136 ລ້ານກວ່າກີບ, ຕາງໜ້າມອບໂດຍ ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ.