ເດືອນ​ພຶດສະພາ​ ສປປ​ ລາວ​ ຂາດດຸນ​ການຄ້າ​ 48​ ລ້ານໂດລາ​ ຫຼຸດລົງຈາກເດືອນຜ່ານມາ

0
124

ເດືອນ​ພຶດສະພາ​ ສປປ​ ລາວ​ ຂາດດຸນ​ການຄ້າ​ 48​ ລ້ານໂດລາ​ ຫຼຸດລົງຈາກເດືອນຜ່ານມາ

ສູນຂໍ້ມູນຂ່າວສານທາງດ້ານການຄ້າ ຂອງ ສປປ ລາວ ໄດ້ລາຍງານໃຫ້ຮູ້ວ່າ: ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຈໍາເດືອນພຶດສະພາ ປີ 2022 ບັນລຸໄດ້ປະມານ 1.000 ລ້ານໂດລາສະຫະລັດ. ໃນນັ້ນ, ມູນຄ່າການສົ່ງອອກ ມີປະມານ 481 ລ້ານໂດລາສະຫະລັດ, ມູນຄ່າການນໍາເຂົ້າ ມີປະມານ 529 ລ້ານໂດລາສະຫະລັດ ແລະ ຂາດດຸນການຄ້າປະມານ 48 ລ້ານໂດລາສະຫາລັດ.​

ສຳລັບສິນຄ້າສົ່ງອອກຫຼັກປະກອບມີ: ຄຳປະສົມ, ຄຳແທ່ງ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ, ແຮ່ທອງ, ເຍື່ອໄມ້ ແລະ ເສດເຈ້ຍ, ຢາງພາລາ, ໝາກກ້ວຍ, ເຄື່ອງນຸ່ງຫົ່ມ, ຝຸ່ນ (ປຸຍ), ເກີບ, ນໍ້າຕານ ແລະ ຝຸ່ນ (ປຸຍ). ໝວດສີນຄ້ານໍາເຂົ້າຫຼັກປະກອບມີ: ພາຫະນະທາງບົກ (ນອກຈາກລົດຈັກ,ລົດໄຖ), ນ້ຳມັນກາຊວນ, ອຸປະກອນກົນຈັກ (ນອກຈາກເຄື່ອງກົນຈັກພາຫະນະ),

ແກ້ວປະເສີດ ຫຼື ເຄິ່ງປະເສີດ, ຊິ້ນສ່ວນອາໄຫຼ່ລົດ (ລວມທັງຢາງ, ແວ່ນ, ໂສ້…), ເຫຼັກ ແລະ ເຄື່ອງທີ່ເຮັດດ້ວຍເຫຼັກ, ເຫຼັກກ້າ, ເຄື່ອງໃຊ້ທີ່ເຮັດດ້ວຍພລາສະຕິກ, ນ້ຳມັນແອັດຊັງ, ແອັດຊັງພິເສດ, ຝຸ່ນ (ປຸຍ) ແລະ ຜະລິດຕະພັນທາງເຄມີ.

ທີ່ມາຂ່າວ: ສູນຂໍ້ມູນຂ່າວສານທາງດ້ານການຄ້າ ຂອງ ສປປ ລາວ