ໄພຮ້າຍຂອງສັງຄົມ ເປັນໜີ້ຄວນໃຊ້ ບາດໄດ້ເງິນມາບໍ່ຢາກຈ່າຍຄືນວາງແຜນຢ່າງເລືອດເຢັນຫວັງດັບປິ ດ ຊີ ບເຈົ້າໜີ້

    0
    49

    ຍາມເດືອດຮ້ອນ ເວົ້າອ່ອນເວົ້າຫວານ ເກືອບຊິເລຍປາກເລຍຕີນ ເພື່ອໃຫ້ຄົນອື່ນໃຫ້ເງິນໂຕໃຊ້ ບາດໄດ້ເງິນມາບໍ່ຢາກຈ່າຍຄືນວາງແຜນຢ່າງເລືອດເຢັນຫວັງດັບປິດຊີບເຈົ້າໜີ້ ເພື່ອໃຫ້ຕົນໄດ້ຢູ່ລອດປອດໄພບໍ່ມີໃຜທວງ ແຕ່ເວນກຳມີຈີງສຸດທ້າຍກໍ່ຄານນຳກົ້ນຫັນໄປສູ່ປະຕູຄຸກ ຄົນແບບນີ້ຈົ່ງຂັງລືມເລີຍເດີ້ ໄພຮ້າຍຂອງສັງຄົມ.


    ໃນວັນທີ 8 ມິຖຸນາ 2022 ເຈົ້າຫນ້າທີ່ຕຳຫລວດ ກົມສືບສວນ-ສອບສວນ ກົມໃຫຍ່ຕຳຫລວດ ກະຊວງ ປກສ ຮ່ວມກັບພາກສ່ວນກ່ຽວຂ້ອງ ສາມາດຈັບມືປືນ ແລະ ຜູ້ວ່າຈ້າງ ໃຫ້ຄາດຕະກຳ ປິດຫນີ້ ( ເຈົ້າຫນີ້ ) ຈຳນວນເງິນຫລາຍແສນ ໂດລາສະຫະລັດອາເມລິກາ.
    ເຫດການດັ່ງກ່າວ ເກີດຂຶ້ນໃນວັນທີ 1 ກັນຍາ 2021 ປີຜ່ານມາ ເວລາ 20:40 ໂມງ ໄດ້ມີຄົນຮ້າຍຈຳນວນຫນຶ່ງ ໄດ້ຂີ່ລົດຈັກຄຼີກໄອ ປະກົບລົດຈັກຟີໂນ ແລະ ໃຊ້ປືນຍິງ ທ້າວ ຫຼີວລີ້ຊວນ ສັນຊາດຈີນຢູ່ເສັ້ນທາງປະຕູໄຊ ຫາ ໄຟແດງສີດຳດວນ ເມືອງຈັນທະບູລີ ເຮັດໃຫ້ໄດ້ຮັບບາດເຈັບສາຫັດ; ຈາກນັ້ນຖືກນຳຕົວສົ່ງໂຮງຫມໍ ໄດ້ຮັບການປິ່ນປົວຈົນປອດໄພໃນເວລາຕໍ່ມາ.
    ຫຼັງຈາກເກີດເຫດ ເຈົ້າໜ້າທີ່ໄດ້ຊັນນະສູດສະຖານທີ່ເກີດເຫດ, ເອົາຄໍາໃຫ້ການພະຍານ, ຜູ້ຮູ້ເຫັນ ເຫດການ ແລະ ສາມາດຂຶ້ນເປົ້າໝາຍກະທຳຜິດໄດ້ຈຳນວນໜຶ່ງ. ຕົກມາຮອດວັນທີ 9 ກັນຍາ 2021 ເຈົ້າໜ້າທີ່ກົມ ສືບສວນ-ສອບສວນ ສາມາດຈັບຕົວ ຜູ້ວ່າຈ້າງ ຫຼື ຫົວໂປ່ໂຕການ ຊື່ບັກ ຕີ່ຕີ່ , ຖິ່ນກຳເນີດ ນະຄອນຫຼວງວຽງຈັນ ໂດຍຜູ້ກ່ຽວໄດ້ວ່າຈ້າງ ມືປືນ ຈຳນວນ 3 ບັກ ໃຫ້ມາຄາດຕະກຳທ້າວ ຫຼີວລີ້ຊວນ ( ເຈົ້າຫນີ້ ).

    ໃນນີ້, ຈັບໄດ້ 2 ບັກ ຄື: ບັກໂຕລ້າ ແລະ ບັກໂກ້, ຍັງຕິດຕາມຈັບຕົວ 1 ບັກ. ຜ່ານການສືບສວນ-ສອບສວນ ດຳເນີນຄະດີ ຈື່ງຮູ້ວ່າ ແຮງຈູງໃຈໃນການຄາດຕະກໍາ ທ້າວ ຫຼິວລີ້ຊວນ ໃນຄັ້ງນັ້ນ ເພື່ອປິດໜີ້ໃຫ້ແກ່ບັກ ຕີ່ຕີ່ ( ລູກຫນີ້ ) ເພາະໃນໄລຍະຜ່ານມາຜູ້ກ່ຽວໄດ້ຢືມເງິນນຳຄູ່ກໍລະນີຈຳນວນເງິນຫຼາຍແສນໂດລາສະຫະລັດອາເມລິກາ.

    @ ຫນັງສືພິມຄວາມສະຫງົບ.

    LEAVE A REPLY

    Please enter your comment!
    Please enter your name here