ລາຍລະອຽດເພີ່ມຕື່ມ ຈັບພວກກໍ່ເຫດຍິງລົດຢູ່ທາງດ່ວນວຽງຈັນ-ວັງວຽງໄດ້ແລ້ວ

0
89

ອີງຕາມຂໍ້ມູນທີ່ຍັງບໍ່ເປັນທາງການຈາກເຈົ້າໜ້າທີ່ເມືອງຫີນເຫີບແຂວງວຽງຈັນ ໄດ້ລາຍງານວ່າ: ກຸ່ມຄົນບໍ່ດີທີ່ກໍ່ເຫດຍິງລົດສາມຄັນຢູ່ທາງດ່ວນວຽງຈັນ-ວັງວຽງນັ້ນ ແມ່ນລົດຄົນລາວສອງຄັນ ແລະ ລົດຄົນຈີນ ໜຶ່ງຄັນ ເຮັດໃຫ້ມີຜູ້ບາດເຈັບຈຳນວນໜຶ່ງ, ເຊິ່ງປະຈຸບັນທາງເຈົ້າໜ້າທີ່ທຸກພາກສ່ວນສາມາດຕິດຕາມ ແລະ ຈັບຜູ້ກໍ່ເຫດໄດ້ແລ້ວ.

ເຈົ້າໜ້າທີ່ດັ່ງກ່າວໄດ້ກ່າວວ່າ ເປັນກຸ່ມຄົນທີ່ພົວພັນກັບຢາເສບຕິດ ແລະ ຍ້ອນສາເຫດດັງກ່າວຈຶ່ງກໍ່ເຫດໃນຄັ້ງນີ້ໄດ້. ແຕ່ເຖິງຢ່າງໃດກໍ່ຕາມ ທາງເຈົ້າໜ້າທີ່ທັງສູນກາງ ແລະ ທ້ອງຖິ່ນໄດ້ເອົາກຳລັງກຳລັງລົງ

ສືບສວນ-ສອບສວນຫາສາເຫດທີ່ແທ້ຈິງໃຫ້ໄດ້.ອີງຕາມຂໍ້ມູນຈາກໜັງສືພິມຄວາມສະຫງົບໄດ້ລາຍງານໃນເວລາ 15ໂມງ ຂອງມື້ວານນີ້ວ່າ: ເກີດເຫດຄົນຮ້າຍລັດຍິງລົດຢູ່ເຂດປາກອຸໂມງທາງດ່ວນເບື້ອງ

ເມືອງຫີນເຫີບ. ຕາມການບອກເລົ່າຂອງພີ່ນ້ອງຄົນເຈັບ ເຫດການໄດ້ເກິດໃນເວລາປະມານ 12:30 ຂອງວັນທີ 05 ພຶດສະພາ 2022 ມີຄົນຮ້າຍປະມານ 2 ຄົນລັດຍິງລົດຢູ່ປາກອຸໂມງທາງດ່ວນ

ວຽງຈັນ-ວັງວຽງເບື້ອງຫີນເຫີບ ລົດທີ່ຖືກຄົນຮ້າຍຍິງມີລົດຟອດ ໜຶ່ງຄັນ ຜູ້ໂດຍສານໄດ້ຮັບບາດເຈັບສາຫັດ, ຕໍ່ມາຍິງລົດເກັງໜຶ່ງຄັນ ເຮັດໃຫ້ສອງພໍ່ລູກບາດເຈັບເລັກນ້ອຍ. ຕໍ່ກັບເຫດການດັ່ງກ່າວ, ເຈົ້າໜ້າທີ່ກຳລັງເກັບກຳຂໍ້ມູນຫຼັກຖານ ແລະ ເລັ່ງໄລ່ຈັບຕົວຜູ້ກໍ່ເຫດມາລົງໂທດ. ລາຍລະອຽດ ພວກເຮົາຈະລາຍງານຕາມຫຼັງ.

ຂ່າວ-ພາບ: ໜັງສືພິມຄວາມສະຫງົບ