ໃນສະຖານະການວິກິດນ້ຳມັນແພງ ແລະ ຊອກໃສ່ຍາກແບບນີ້ ຢ່າລືມເຫັນໃຈ ພະນັກງານປ້ຳນ້ຳມັນເດີ້

0
93

ເຫັນໃຈ ພະນັກງານປ້ຳນ້ຳມັນ. ໃນສະຖານະການວິກິດນ້ຳມັນແພງ ແລະ ຊອກໃສ່ຍາກແບບນີ້ ນອກຈາກຈະເຫັນໃຈປະຊາຊົນຜູ້ທີ່ໄປຕໍ່ຄິວລໍຖ້າໃສ່ນ້ຳມັນກັນແລ້ວ, ຜູ້ທີ່ຄວນເຫັນໃຈກໍຄື ພະນັກງານໃສ່ນ້ຳມັນ ທີ່ຕ້ອງໄດ້ອົດທົນຢືນໃສ່ນ້ຳມັນໃຫ້ລູກຄ້າທີ່ມາລໍຖ້າໃສ່ນ້ຳມັນເປັນເວລາຫຼາຍຊົ່ວໂມງ.

ຈາກການສອບຖາມ ພະນັກງານປ້ຳນ້ຳມັນແຫ່ງໜຶ່ງໃນເຂດ ເມືອງ ໄຊທານີ ໃຫ້ຮູ້ວ່າ ໃນສະຖານະການແບບນີ້ການບໍລິການອາດຈະບໍ່ຖ່ວງທັນ ອາດຈະຊ້າແນ່ ເພາະລົດຕໍ່ຄິວຫຼາຍ, ສ່ວນການໃສ່ໃຫ້ຜູ້ທີ່ມານຳຫຼັງກ່ອນນັ້ນ ທາງເຮົາເອງກໍບໍ່ຮູ້ວ່າໃຜມາກ່ອນເພາະມັນຫຼາຍຄົນ ມີແຕ່ຄົນທີ່ມາຕໍ່ຄິວກ່ອນທວງເອົາ.

ຖ້າຖາມວ່າເມື່ອຍບໍ່ກັບສະຖານະການແບບນີ້ ມັນກໍເມື່ອຍເປັນທຳມະດາ, ແຕ່ບາງ ເທື່ອກໍເຄີຍມີຄົນເວົ້າໃຫ້ເຮົາແບບສຽງບໍ່ມ່ວນໃສ່ຕອນເພິ່ນມາໃສ່ນ້ຳມັນ ເຮົາກໍບໍ່ໄດ້ຕອບໂຕ້ຫຍັງມີແຕ່ຕ້ອງໄດ້ອົດທົນເຮັດໜ້າທີ່ເຮົາຕໍ່ໄປ.

ໃນໄລຍະນີ້ກໍເປັນຊ່ວງວິກິດ ໃຜກໍຢາກໃສ່ນ້ຳ ແຕ່ກໍຢາກໃຫ້ເຫັນໃຈພະນັກງານແນ່, ບໍ່ແມ່ນວ່າພວກເຮົາຊິບໍ່ໃສ່ໃຫ້ ຖ້າມາຮອດຕາມກຳນົດເວລາປໍ້າຍັງເປີດ ຫຼື ນໍ້າມັນທາງເຮົາຍັງ ແລະ ທີ່ສຳຄັນຄວນຕໍ່ຄິວໃຫ້ເປັນລະບຽບເພື່ອຄວາມສະດວກໃນການໃສ່ນ້ຳມັນ.

ພວກເຮົາເຫັນໃຈລູກຄ້າທຸກທ່ານທີ່ມາຕໍ່ຄິວດົນເພື່ອລໍຖ້າໃສ່ນ້ຳມັນ ແຕ່ສຳລັບພະນັກງານເຮົາແລ້ວ ບາງມື້ແຮງຢືນຢູ່ເປັນ 6-7 ຊົ່ວໂມງ ແຖມບໍ່ໄດ້ພັກອີກ.

ທີ່ມາ: InsideLaos