ສະລົດໃຈ ເມື່ອຄູ່ບ່າວສາວປິ ດ ຊີ ບໂຕເອງ ຄາບ້ານພັກທີ່ແຂວງບໍ່ແກ້ວ

    0
    100

    ຄວາມຮັກເປັນສິ່ງສວຍງາມແຕ່ຮັກບໍ່ເປັນກໍ່ເປັນພິດໄພຕໍ່ຊີວິດຢ່າງຄາດບໍ່ເຖິງ ເປັນຕົ້ນແມ່ນສົງສານຄົນທີ່ລ້ຽງດູ ຖະໜຸຖະໜອມຈົນໃຫຍ່ໂຕ ພໍໄປພົບເພດກົງກັນຂ້າມລະກາຍເປັນຄົນຫູໜວກຕາບອດ ລືມສີ້ນທຸກຢ່າງແມ່ນກະທັ້ງຮັກໂຕເອງຈິ່ງເຖິງຂັ້ນປິດຊີບກັນໃຫ້ສິ້ນຈາກໂລກນີ້.

    ເຫດການເກີດຂຶ້ນໃນວັນທີ 04.06.2022 ເວລາ 02:03ນາທີ ໜ່ວຍກູ້ຊີບອົງການກາແດງແຂວງບໍ່ແກ້ວໄດ້ຮັບແຈ້ງເຫດຜ່ານເບີ 084 1625 ວ່າມີຄົນຍິງກັນເສຍຊີວິດ ຢູ່ທີ່ບ້ານ ຫ້ວຍຊາຍໃຕ້ (ເຂດລ້ອງຫວຽດ) ເມືອງ ຫ້ວຍຊາຍ ແຂວງບໍ່ແກ້ວ ເມື່ອໜ່ວຍກູ້ຊີບອົງການກາແດງແຂວງບໍ່ແກ້ວໄປຮອດສະຖານທີ່​ເກີດເຫດພົບເຫັນຜູ້ເສຍຊີວິດ 02ຄົນ​.

    ຜູ້ເສຍຊີວິດ:ທ້າວ ແອ່ນຄຳ ອາຍຸ28ປີ.ຢູ່ບ້ານ ສີດອນແຍງ ເມືອງ ຕົ້ນເຜິ້ງ ແຂວງບໍ່ແກ້ວ ມີຮອຍລູກປືນຍິງເຂົ້າຫົວສອດແຕ່ເບື້ອງຊ້າຍຫາເບື້ອງຂວາ ຜູ້ເສຍຊີວິດ: ນາງ ຕຸ້ຍ ອາຍຸປະມານ 18-20 ປີ ຢູ່ບ້ານ ພິມົນສິນ ເມືອງຫ້ວຍຊາຍ ແຂວງບໍ່ແກ້ວ ມີຮອຍລູກປືນຍິງເຂົ້າຫົວສອດແຕ່ຂວາຫາຊ້າຍ.

    ຕາມລາຍງານ ຂອງເຈົ້າຫນ້າທີ່ວ່າ : ຄືນເກີດເຫດ ຮັບແຈ້ງມາທາງໂທລະສັບວ່າມີເຫດຄົນເສຍຊີວິດ; ຈາກນັ້ນ ຈິ່ງລົງສະຖານທີ່ເກີດເຫດ ພົບວ່າ ຢູ່ຫ້ອງ 555 ຂອງເຮືອນພັກດັ່ງກ່າວ ມີຊາຍ – ຍິງ ນອນ ເສຍຊີວິດຢູ່ ຄຽງກັນບົນຕຽງ ໂດຍຖືກຍິງ ດ້ວຍອາວຸດປືນທັງສອງຄົນ.


    ຈາກການກວດກາ ຜູ້ເສຍຊີວິດ ຊື່ທ້າວ ທ່າວ ແອ່ນຄຳ ອາຍຸ 27 ປີ, ພະນັກງານສັງກັດກຳລັງປະກອບອາວຸດ ບ້ານດອນແຍງ ເມືອງຕົ້ນເຜິ້ງ ແລະ ນາງ ຕຸ້ຍ ອາຍຸ 21 ປີ, ນັກສຶກສາ ບ້ານພິມົນສິນ ເມືອງຫ້ວຍຊາຍ.
    ຢູ່ໃນສະຖານທີ່ເກີດເຫດ ພົບປືນສັ້ນ 1 ກະບອກ, ລູກປືນ 2 ລູກ ແລະ ກະສອບລູກປືນ 2 ປອກ, ຄາດວ່າ ຜູ້ກໍ່ເຫດໃຊ້ປືນກະບອກດັ່ງກ່າວ ປິດຊີບຕົນເອງ ແລະ ຍັງບໍ່ຊາບສາເຫດ, ແຮງຈູງໃຈ ທີ່ລົງມືລັ່ນໄກປືນໃນຄັ້ງນີ້.
    ຢ່າງໃດ ກໍຂໍສະແດງຄວາມເສຍໃຈ ຕໍ່ຍາດ ແລະ ຄອບຄົວຂອງຜູ້ເສຍຊີວິດ.

    LEAVE A REPLY

    Please enter your comment!
    Please enter your name here