ມຽນມາ ຫ້າມພາກລັດ-ພາກທຸລະກິດໃຊ້ເງິນຕາຕ່າງປະເທດ ຫວັງສົ່ງເສີມຄ່າເງິນຈາດ

    0
    60

    ທະນາຄານກາງມຽນມາ  ໄດ້ອອກແຈ້ງການ ໃຫ້ບັນດາກະຊວງ,ທະບວງກົມຂັ້ນສູນກາງ ຕະຫຼອດຮອດໜ່ວຍງານຂອງທ້ອງຖິ່ນ ແລະ ພາກທຸລະກິດ ງົດນຳໃຊ້ເງິນຕາຕ່າງປະເທດ ໃນການເຮັດທຸລະກຳທາງການເງິນຢູ່ພາຍໃນປະເທດ ເພື່ອຊ່ວຍບັນເທົາແຮງກົດດັນຕໍ່ຄ່າເງິນຈາດ (ສະກຸນເງິນມຽນມາ) ທີ່ກຳລັງຜັນຜວນຢ່າງໜັກໃນຂະນະນີ້.


    ທ່ານ ວິນ ທໍ ຮອງຜູ້ວ່າການທະນາຄານກາງມຽນມາ ກ່າວວ່າ ໃນໄລຍະຜ່ານມາ ມີຊາວມຽນມາຈຳນວນບໍ່ໜ້ອຍໄດ້ໃຊ້ເງິນຕາຕ່າງປະເທດໃນການຈັບຈ່າຍໃຊ້ສອຍ ຊຳລະຄ່າສິນຄ້າ ແລະ ບໍລິການຕ່າງໆ ຈຶ່ງເຮັດໃຫ້ເກີດມີຄວາມຕ້ອງການເງິນຕາຕ່າງປະເທດຢູ່ມຽນມາເພີ່ມຂຶ້ນ ສ້າງແຮງກົດດັນຕໍ່ອັດຕາແລກປ່ຽນທີ່ກຳລັງຜວນຜວນຢ່າງໜັກໜ່ວງໃນຂະນະນີ້.
    ໃນແຈ້ງການດັ່ງກ່າວບໍ່ພຽງແຕ່ຫ້າມອົງກອນຕ່າງໆ ເຊັ່ນ: ໂຮງແຮມ, ຮ້ານອາຫານ, ຮ້ານຄ້າທົ່ວໄປ, ໂຮງຮຽນນານາຊາດ ນຳໃຊ້ເງິນຕາຕ່າງປະເທດໃນການຊຳລະແລ້ວ ຍັງລວມທັງພາກທຸລະກິດ ແລະ ພາກລັດ.

    ດັ່ງນັ້ນ ບັນດາກະຊວງ, ທະບວງກົມ ແລະ ທ້ອງຖິ່ນຕ້ອງສັ່ງໃຫ້ໜ່ວຍງານຂອງຕົນເອງ ຫ້າມນຳໃຊ້ເງິນຈາດໃນການເຮັດທຸລະກຳທາງການເງິນຢູ່ພາຍໃນປະເທດ ເພື່ອສົ່ງເສີມຄ່າເງິນຈາດ.

    LEAVE A REPLY

    Please enter your comment!
    Please enter your name here