ອັບເດດຂ່າວລົດ ທີ່ເກີດໄຟໄໝ້ຢູ່ທາງດ່ວນ ວັງວຽງ-ວຽງຈັນ ເກີດຈາກສາເຫດນີ້

    0
    111

    ແອັດມິນ ສຶກສາ-ໄອທີ ໄດ້ນຳສະເໜີຂ່າວໄປແລ້ວກ່ຽວກັບ ລົດກະບະເກີດໄຟໄໝ້ຢູ່ເສັ້ນທາງດ່ວນວຽງຈັນ-ວັງວຽງ ໃນຕອນສວາຍມື້ວັນທີ 22 ພຶດສະພານີ້ ເຊິ່ງຕາມການລາຍງານຂອງບໍລິສັດທາງດ່ວນແຈ້ງວ່າທີ່ຈີງເກີດຈາກອາຍຸຂອງໂຕລົດນັ້ນລະ.

    ໃນວັນທີ 22 ພຶດສະພາ ເວລາປະມານ 11:46, ລົດກະບະຄັນໜຶ່ງໄດ້ຂັບຂີ່ທີ່ທາງດ່ວນນະຄອນຫຼວງວຽງຈັນວັງວຽງ, ຢູ່ທິດທາງວັງວຽງໄປຫາວຽງຈັນຈຸດກິໂລແມັດທີ ZK36+500 ລົດເກີດເຫດໄຟໄໝ້ກະທັນຫັນຂຶ້ນເອງ. ຜູ້ຂັບຂີ່ໄດ້ຈອດລົດໄວ້ເລນສຸກເສີນຈາກນັ້ນໂທເບີສຸກເສີນຂໍຄວາມຊ່ວຍເຫຼືອ, ລໍຖ້າການຊ່ວຍເຫຼືອ.

    ພາຍຫຼັງພະນັກງານກວດທາງຂອງບໍລິສັດຮ່ວມທຶນພັດທະນາທາງດ່ວນ ລາວ-ຈີນ ຈຳກັດໄດ້ຮັບສາຍແຈ້ງຊ່ວຍເຫຼືອແລ້ວ, ກໍ່ປະສານງານຫາໜ່ວຍງານດັບເພີງ, ຕຳຫຼວດ, ພະຍາບານ ແລະ ອື່ນໆທັນທີ, ພ້ອມທັງຮີບຮ້ອນເດີນທາງເຂົ້າຊ່ວຍເຫຼືອທີ່ຈຸດເກີດເຫດ.

    ເນື່ອງຈາກໄຟໄໝ້ແຮງ, ເມື່ອພະນັກງານກວດທາງເຖີງສະຖານທີ່ເຫີດເຫດກໍ່ຊີ້ນຳລົດທາງດ້ານຫຼັງໃຫ້ຖອຍລົດລົບຫຼີກທັນທີ, ພ້ອມທັງດຳເນີນການລະບາຍລົດທີ່ຢູ່ໃກ້ຄຽງ, ເພື່ອເປີດຊ່ອງທາງສຸກເສີນໃຫ້ກັບລົດດັບເພີງ. ຜ່ານການຊ່ວຍເຫຼືອກູ້ໄພໂດຍດ່ວນເປັນເວລາປະມານເຄິ່ງຊົ່ວໂມງ, ໄຟໄໝ້ໄດ້ຮັບການຄວບຄຸມ.

    ເນື່ອງຈາກໄດ້ຈັດການຢ່າງຖືກຕ້ອງ, ອຸປະຕິເຫດໄຟໄໝ້ຄັ້ງນີ້ຈຶ່ງບໍ່ໄດ້ເຮັດໃຫ້ຄົນບາດເຈັບເສຍຊີວິດ, ບໍ່ໄດ້ເຮັດໃຫ້ລົດຕິດເປັນເວລາດົນ ແລະ ບໍ່ໄດ້ຢຸດຈອດເປັນແຖວຍາວ.


    ສຳລັບສາເຫດທີ່ເກີດໄຟໄໝ້ຄັ້ງນີ້ ຕຳຫຼວດຈາລະຈອນໄດ້ຕັດສິນສາເຫດເກີດລະບົບສາຍໄຟເກົ່າແກ່, ອຸປະຕິເຫດຄັ້ງນີ້ເຈົ້າຂອງລົດແມ່ນຮັບຜິດຊອບເອງທັງໝົດ.

    LEAVE A REPLY

    Please enter your comment!
    Please enter your name here