ຕະລຶງ ຄົ້ນພົບແຂ້ວບູຮານອາຍຸຫລາຍກວ່າ 150.000 ປີ ທີ່ຖ້ຳງູເຫົ່າ ແຂວງຫົວພັນ

    0
    167

    Art and Culture of Laos ນຳສະເໜີ ເຜົ່າພັນມະນຸດທີ່ເກົ່າແກ່ເຜົ່າຫນຶ່ງຂອງໂລກໃນປະເທດລາວ ເຊິ່ງມີການພິສູດແລ້ວວ່າແມ່ນແຂ້ວຂອງເດັກນ້ອຍຍິງແດນິໂຊແວນ ມີການປະມານອາຍຸຂອງເດັກນ້ອຍ ແມ່ນຢູ່ໃນລະຫວ່າງ 3.5-8.5 ປີ ເພາະຍັງມີການພົບເຫັນຊິ້ນແຂ້ວ ທີ່ຢູ່ໃນໄລຍະຂອງການພັດທະນາເຕີບໃຫຍ່ ແລະມີການເສຍຊີວິດໄປໂດຍບໍ່ຮູ້ສາເຫດ

    .

    ນັກວິເຄາະ-ວິໄຈເລີກເຂົ້າໄປ ແລ້ວຄົ້ນພົບວ່າເດັກນ້ອຍຄົນນີ້ຄົງຈະມີຊີວິດຢູ່ໃນໄລຍະ 131,000 – 164,000 ປີ ໃນເຂດຮ້ອນຊຸ່ມຕອນແຂວງຫົວພັນ ໃນປະເທດລາວເຮົາ ໂດຍແຂ້ວຫຍ້ຳນີ້ມີຄວາມຄ້າຍຄືກັບແຂ້ວຂອງຄົນແດນີໂຊແວນ ທີ່ມີການຄົ້ນພົບມາກ່ອນທີ່ເຂດພູພຽງຕິເບດ ເຊິ່ງເປັນດິນແດນແຫ່ງດຽວທີີມີການຄົ້ນພົບຊາວແດນິໂຊແວນ ນັ້ນເອງ.

    .


    ຄົນແດນນິໂຊແວນ ແມ່ນໄດ້ຮັບການຍອມວ່າເປັນເຜົ່າພັນມະນຸດບູຮານ ເມື່ອທົດສະວັດຜ່ານມາ ເພາະໄດ້ມີການຄົ້ນພົບຊອກຟອດຊິວ ໃນຖ້ຳແດນນິໂຊວາ ບໍລິເວນເຂດພູເຂົາອັນໄຕ ເຂດຊີບີຣີ ແຕ່ການຄົ້ນພົບນີ້ ເຮັດໃຫ້ພວກເຮົາຮູ້ແລ້ວວ່າພວກເຂົາເຫລົ່ານັ້ນ ໄດ້ມີການເດີນທາງອອກໄປໄກກວ່າທີ່ຮາບສູງຕິເບດ

    .


    ດັ່ງນັ້ນ ຈຶ່ງໝາຍຄວາມວ່າໃນດິນແດນປະເທດລາວເຮົານີ້ ແມ່ນເປັນຖິ່ນທີ່ຢູ່ຂອງມະນຸດທີ່ດຳຣົງຊີວິດ ມາແຕ່ດຶກດຳບັນ ເປັນດິນແດນທີ່ມີແຫລ່ງວັດທະນະທັມ ທີ່ເກົ່າແກ່ຂອງໂລກເຮົາແຫ່ງຫນຶ່ງ ແລະພວກເຮົາຄົນລາວເອງ ກໍ່ເປັນເຜົ່າພັນທີ່ມີການສຶບເຊື້ອມາຈາກພວກເຂົາເຫລົ່ານີ້ ບໍ່ແມ່ນຄົນໃດກໍ່ຄົນຫນຶ່ງແນ່ນອນເນາະ ?

    .

    ຈາກ: Art and Culture of Laos

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.