ພໍ່ຕູ້ອາຍຸ 108 ປີ ຜູ້ຕິດເຊື້ອໂ ຄ ວິ ດອາຍຸຫລາຍສຸດໃນຈີນ ທີ່ມີອາການຮຸນແຮງ ປິ່ນປົວຫາຍດີແລ້ວ

0
94

ພໍ່ຕູ້ຊາວຈີນອາຍຸ 108 ປີ ຜູ້ຕິດເຊື້ອໂຄວິດ-19 ທີ່ມີອາການຮຸນແຮງ ແລະ ອາຍຸຫລາຍທີ່ສຸດໃນຈີນ ປິ່ນປົວຫາຍດີ ແລະ ອອກຈາກໂຮງໝໍໃນຊຽງໄຮ້ແລ້ວ ຫລັງປິ່ນປົວເຖິງ 32 ວັນ.

ວັນທີ 15 ພຶດສະພາ 2022, ສຳນັກຂ່າວຕ່າງປະເທດລາຍງານວ່າ: ຫລັງການປິ່ນປົວໃນໂຮງໝໍເຖິງ 32 ວັນ ຕອນນີ້ພໍ່ຕູ້ ເຢ່ ໝິງ ອາຍຸ 108 ປີ ໄດ້ຫາຍດີຈາກພະຍາດໂຄວິດ-19 ແລະ ອອກຈາກໂຮງໝໍຊຽງໄຮ້ຜູ່ຕົງໃນວັນທີ 14 ພຶດສະພາຜ່ານມາ ຖືເປັນຜູ້ຕິດເຊື້ອໂຄວິດ-19 ທີ່ມີອາຍຸຫລາຍທີ່ສຸດໃນປະເທດຈີນທີ່ຕິດເຊື້ອໂຄວິດ-19 ທີ່ມີອາການຮຸນແຮງ ແລະ ຫາຍດີເປັນປົກກະຕິ.
ຕາມລາຍງານຈາກສື່ຈີນ People’s Daily ລະບຸວ່າ: ພໍ່ຕູ້ເຢ່ ໝິງ ມີພະຍາດປະຈຳຕົວ ຄືພະຍາດຫລອດເລືອດສະໝອງຕີບ, ພະຍາດຫລອດເລືອດຫົວໃຈ ແລະ ອາການອື່ນໆອີກ ເຊິ່ງຮ່າງກາຍອ່ອນແອເມື່ອເຂົ້າຮັບການປິ່ນປົວໃນໂຮງໝໍດ້ວຍການຕິດເຊື້ອໂຄວິດ-19 ໃນໄລຍະທຳອິດ.

ເພື່ອປິ່ນປົວຜູ້ສູງອາຍຸໃຫ້ດີຍິ່ງຂຶ້ນ, ທາງໂຮງໝໍດັ່ງກ່າວໄດ້ຈັດທີມແພດຜູ້ຊ່ຽວຊານ ທີ່ລວມແພດສາຂາຕ່າງໆ ລວມທັງພະຍາດຫົວໃຈ, ຜູ້ສູງອາຍຸ, ເວດສະສາດລະບົບທາງເດີນຫາຍໃຈ ແລະ ການແພດແຜນຈີນ ເພື່ອປິ່ນປົວຜູ້ຕິດເຊື້ອຕາມພະຍາດປະຈຳຕົວ ແລະ ອາການທີ່ມີຢ່າງເຕັມທີ່ ແລະ ຍ້າຍຜູ້ຕິດເຊື້ອເຂົ້າຫ້ອງໄອຊີຢູໃນເວລາທີ່ເໝາະສົມຕາມອາການ.

ເມື່ອປະມານ 2 ອາທິດກ່ອນໜ້ານີ້, ແມ່ຕູ້ຫວັງ ອາຍຸ 93 ປີ ກໍຫາຍດີຈາກພະຍາດໂຄວິດ-19 ແລະ ອອກຈາກໂຮງໝໍພາກສະໜາມໃນເຂດເມືອງໃໝ່ຫລິນກັ່ງຂອງມະຫານະຄອນຊຽງໄຮ້. Wang Manru ຍິງອາຍຸ 93 ປີ ກໍຫາຍດີຈາກການຕິດເຊື້ອ COVID-19 ແລະ ໄດ້ອອກຈາກໂຮງໝໍຊົ່ວຄາວໃນເຂດ Lingang ຂອງຊຽງໄຮ້.

ຕາມການລາຍງານຂອງສື່ຈີນ ລະບຸວ່າ: ທັງພໍ່ຕູ້ເຢ່ ໝິງ ແລະ ແມ່ຕູ້ຫວັງ ເຄີຍເຮັດວຽກຢູ່ໂຮງໝໍປະຊາຊົນຊຽງໄຮ້ໝາຍເລກ 3 (Shanghai No 3 People’s Hospital) ແລະ ເຂົ້າຮ່ວມເປັນອາສາໃນສົງຄາມເກົາຫລີ ເຊິ່ງຈີນໄດ້ຊ່ວຍເຫລືອ ສປປ ເກົາຫລີ ໃນການສູ້ກັບທະຫານອາເມລິກາ ໄລຍະປີ 1950-1953.