ພາຍຸຝົນແຮງເກີນ ຕົ້ນໄມ້ໃຫຍ່ຈັ້ງບໍ່ຢູ່ລົ້ມລົງໄຟຟ້າເສຍຫາຍສົມຄວນ

    0
    76

    ດັ່ງທີ່ທຸກຄົນຮູ້ວ່າ ພາຍຸມາເທື່ອໃດຄືນຳຄວາມເສຍຫາຍມານຳທຸກຄັ້ງບໍ່ຫຼາຍກໍ່ໜ້ອຍ ເຊິ່ງຊຸດນີ້ຢູ່ນະຄອນຫຼວງວຽງຈັນແມ່ນຝົນແຮງລົມກໍ່ແຮງຢູ່ແຕ່ບໍ່ມີຄວາມເສຍຫາຍຫຍັງ ແຕ່ສະຫວັນນະເຂດຕົ້ນໄມ້ໃຫຍ່ຕ້ານລົມບໍ່ໄຫວລົ້ມລົງຄາທີ່.

    ໂດຍໃນວັນທີ 15 ພຶດສະພາ 2022 ເວລາ 14:22 ໂມງ ເກີດເຫດພາຍຸຝົນລົມພັດແຮງ ເຮັດໃຫ້ຕົ້ນໄມ້ໃຫຍ່ບໍລິເວນໃກ້ໂຮງຫມໍແຂວງສະຫວັນນະເຂດ ຫັກທັບເສົາໄຟຟ້າຫລາຍຈຸດ ເຮັດໃຫ້ປະຊາຊົນໃນເຂດດັ່ງກ່າວບໍ່ມີໄຟຟ້າໃຊ້ .

    ຕໍ່ເຫດການທີ່ເກີດຂຶ້ນ ຄະນະສາຂາລັດວິສາຫະກິດປະກິດໄຟຟ້າລາວ ແຂວງສະຫວັນນະເຂດ ໄດ້ລົງຊີ້ນຳອ້າຍນ້ອງຫ້ອງການຄຸ້ມຄອງລະບົບຕາຂ່າຍ-ບໍລິການ ຂຸ້ນຂ້ຽວສ້ອມແປງລະບົບຕາຂ່າຍ ໃຫ້ກັບມານຳໃຊ້ ແລະ ປ່ອຍກະແສໄຟຟ້າໃຫ້ປະຊາຊົນກັບມາໃຊ້ໄດ້ໄວທີ່ສຸດ.

    ສຳລັບຄວາມເສຍຫາຍແມ່ນບໍ່ມີລາຍງານ ແຕ່ແນ່ນອນຕາມພາບທີ່ເຫັນເສົາໄຟຫຼາຍຕົ້ນຫັກ ລ້ວນເປັນເງິນເປັນຄຳທັງໝົດ.

    ຢ່າງໃດກໍ່ຕາມສຳຄັນທີ່ຄົນບໍ່ເປັນຫຍັງ  ເງິນຄຳຂອງນອກກາຍເສຍຫາຍຫາໃໝ່ໄດ້.

    ເສຍຫາຍຫຼາຍລ້ານ

    LEAVE A REPLY

    Please enter your comment!
    Please enter your name here