ລະວັງ ຢ່າຫຼົງເຊື່ອຄົນເກັບຄ່າທຳນຽມຢູ່ໜ້າດ່ານ Thailand pass ເຮັດຟຣີ ບໍ່ມີຄ່າໃຊ້ຈ່າຍ ແຕ່ຕ້ອງເຮັດໄວ້ລ່ວງໜ້າ

0
74

Thailand pass ເຮັດຟຣີ ບໍ່ມີຄ່າໃຊ້ຈ່າຍ ແຕ່ຕ້ອງເຮັດໄວ້ລ່ວງໜ້າ ຢ່າຫຼົງເຊື່ອຄົນເກັບຄ່າທຳນຽມຢູ່ໜ້າດ່ານ.

ການລົງທະບຽນ Thailand pass ຖືວ່າເປັນອີກໜຶ່ງຊ່ອງທາງທີ່ສ້າງຄວາມສະດວກໃຫ້ກັບນັກທ່ອງທ່ຽວຫຼັງຈາກທີ່ມີການເປີດປະເທດເປັນຕົ້ນມາ, ແຕ່ກໍຍັງມີກຸ່ມຄົນ ທີ່ມັກສວຍໂອກາດກັບນັກທ່ອງທ່ຽວ ຫຼື ຜູ້ທີ່ບໍ່ຮູ້ ໃນການເອີ່ນເສຍຄ່າທຳນຽມໃນການລົງທະບຽນ Thailand pass ຢູ່ໜ້າດ່ານ.

ຈາກເຟສບຸກ TheRipper SocialGroup ໄດ້ໂພສໃນກຸ່ມ ມິດຕະພາບ ໄທ-ລາວ ເພື່ອເປັນການເຕືອນໃຫ້ຮູ້ວ່າ ຍັງມີກຸ່ມຄົນທີ່ສວຍໂອກາດເອີ້ນເກັບຄ່າລົງທະບຽນ Thailand pas ໃນໂພສ ລະບຸວ່າ “ຕອນທີ່ຂ້ອຍກຳລັງຈະຂ້າມໄປ ສປປ ລາວ ທີ່ດ່ານ ໜອງຄາຍ ພໍແຕ່ລົງລົດມາກໍພົບກັບບັນດາຄົນຂັບລົດຮັບຈ້າງບອກວ່າ ຖ້າຍັງບໍ່ລົງທະບຽນ Thailand pass ຢູ່ດ່ານຈະໃຫ້ເຮັດເສຍຄ່າ

ເຮັດ 500 ບາດ ແຕ່ຖ້າເຮັດກັບທົວເສຍ 250 ບາດ ແຕ່ຂ້ອຍລົງທະບຽນຜ່ານເວັບເອງແລ້ວ ພໍມາຮອດດ່ານ ເຈົ້າໜ້າທີ່ເວົ້າຈານຳດີຫຼາຍ ບໍ່ຄືກັບຄົນຂັບລົດບາງຄົນບອກວ່າ ເຈົ້າໜ້າທີ່ໃນດ່ານບັງຄັບໃຫ້ລົງທະບຽນໄວ້ເລີຍ, ພໍຮອດດ່ານເຈົ້າໜ້າທີ່ບໍ່ໄດ້ບອກແບບນັ້ນເລີຍ ແຖມຍັງແນະນຳການລົງທະບຽນຜ່ານເວັບນຳ, ບໍ່ມີການບັງຄັບໃຫ້ລົງໃນເອກະສານ ແລະ ບໍ່ມີເອີ້ນເກັບຄ່າໃຊ້ຈ່າຍໃດໆ ເລີຍ ຖ້າຜູ້ໃດຈະມາທ່ຽວ ແນະນຳໃຫ້ຖາມຂໍ້ມູນກັບເຈົ້າໜ້າທີ່ໂດຍກົງເລີຍ”.

ທີ່ມາ InsideLaos