ນາຍົກສີລັງກາຍື່ນໃບລາອອກຈາກຕຳແໜ່ງ ຫຼັງບໍ່ສາມາດແກ້ໄຂວິກິດພາຍໃນປະເທດໄດ້

0
71

ນາຍົກລັດຖະມົນຕີ ສີລັງກາ ປະກາດລາອອກຈາກຕຳແໜ່ງ ຫຼັງພະເຊີນການປະທ້ວງຕໍ່ຕ້ານລັດຖະບານດົນເປັນອາທິດ ໂດຍຫຼ້າສຸດເກີດເຫດການປະທະກັນລະຫວ່າງ ຝ່າຍສະໜັບສະໜູນ-ຕໍ່ຕ້ານ ເສຍໍີວິດ 5 ຄົນ ແລະ ບາດເຈັບ 180 ຄົນ.

ໃນວັນທີ 9 ພິຶດສະພາ 2022 ຜູ້ສື່ຂ່າວລາຍງານວ່າ: ການປະທ້ວງການຕໍ່ຕ້ານລັດຖະບານ ໃນສີລັງກາທີ່ທະວີຄວາມຮຸນແຮງຫຼາຍຂຶ້ນ ເຮັດໃຫ້ທາງການປະກາດສະຖານະການສຸກເສີນ ແລະ ກອງທັບລະດົມກຳລັງທະຫານກະຈາຍໄປທົ່ວເມືອງໂຄລຳໂບເພື່ອຄວບຄຸມສະຖານະການ ແຕ່ກັບເຮັດໃຫ້ສະຖານະການຍິ່ງມີຄວາມຮຸນແຮງເພີ່ມຂຶ້ນ ເມື່ອກຸ່ມທີ່ສະໜັບສະໜູນລັດຖະບານປະທະກັບຝ່າຍຕໍ່ຕ້ານ ທີ່ປັກຫຼັກຢູ່ໜ້າທຳນຽບປະທານາທິບໍດີໃນເມືອງໂຄລຳໂບ ເຫດການກໍ່ການຮ້າຍປະທ້ວງເຮັດໃຫ້ມີຜູ້ເສຍຊີວິດ 5 ຄົນ ແລະ ບາດເຈັບ 180 ຄົນ.

ຫຼັງເກີດເຫດການດັ່ງກ່າວ ທ່ານ ມະຫິນທາ ຣາຊປັກສາ ນາຍົກລັດຖະມົົນຕີສີລັງກາ ໄດ້ຍື່ນໃບລາອອກ ໃຫ້ກັບໂກຕາໂບຍາ ຣາຊປັກສາ ປະທານາທິບໍດີ ຊຶ່ງເປັນນ້ອງຊາຍຂອງເຂົາເອງ ພ້ອມລະບຸວ່າ ເພື່ອເປີດທາງໃຫ້ມີການຈັດຕັ້ງລລັດຖະບານເອກະພາບທີ່ໃຫ້ທຸກພັກການເມືອງໄດ້ເຂົ້າມາມີສ່ວນຮ່ວມ.

ທັງນີ້ສີລັງການເກີດການປະທ້ວງທົ່ວປະເທດມາດົນເປັນອາທິດ ເນື່ອງຈາກປະຊາຊົນບໍ່ພໍໃຈການເຮັດວຽກຂອງລັດຖະບານ ທີ່ບໍ່ສາມາດຮັບມືກັບວິກິດການໃນປະເທດໄດ້ ຈຶ່ງເຮັດໃຫ້ເກີດພາວະຂາດແຄນພະລັງງານ ແລະ ນ້ຳມັນ ຄ່າຄອງຊີບສູງ ກາຍເປັນວິກິດທີ່ຮຸນແຮງໃນຮອບ 74 ປີ ນັບຕັ້ງແຕ່ສີລັງກາໄດ້ຮັບເອກະລາດຈາກອັງກິດ.

ທີ່ມາ:Thai PBS