ຄວາມເປັນແມ່ບໍ່ສິ້ນສຸດ ຍ້ອນຄວາມຮັກສູ້ເພື່ອລູກ ຍ່າງຕີນເປົ່າທຸກມື້ ມື້ລະ 7 ກິໂລ ເພື່ອສົ່ງລູກໄປຮຽນ

    0
    114

    ທີ່ ແຂວງສຸຣາດທານີ ບໍລິເວນຫຼັງຮ້ານສ້ອມແປງລົດຍົນ ເລກທີ່ 67 ມ.4 (ກມ.32) ເມືອງ​ຄີລີ​ລັດ​ນິ​ຄົມ ແຂວງ ສຸຣາດທານີ ພົບກັບ ນາງ ຈູລີ ຮັກສາກຸນ ອາຍຸ 54 ປີ

    ນັກຮຽນ​ໂຮງຮຽນ​ບ້ານ​ທ່າ​ມ່ວງ (​ສູນ​ເດັກ​ພິ​ເສດ) ​ບ້ານ​ບາງ​ມະ​ເດື່ອ ​ເມືອງ​ພູນ​ພິນ ​ເປີດ​ເຜີຍ​ວ່າ: ມີ​ຖານະຍາກຈົນເຮັດອາຊີບ​ເກັບ​ຂີ້​ເຫຍື້ອ ​ແລະ ​ເກັບ​ຂອງ​ເກົ່າ​ຂາຍ ບໍ່​ມີ​ເຮືອນຢູ່

    ໂດຍມີກຸ່ມອາສາສະໝັກຂອງ ລົດ Big Bike ໃນແຂວງສຸຣາດທານີ ເຂົ້າມາຊ່ວຍສ້າງທີ່ພັກເພີ່ມເຕີມຢູ່ຫຼັງບ່ອນຈອດລົດ ຢູ່ທີດິນທີ່ມີຜູ້ໃຊ້ບໍລິການຊົ່ວຄາວ ເຊິ່ງທຸກໆມື້ຈະເອົາລູກຊາຍ

    ຍ່າງຕີນເປົ່າໄປສົ່ງໂຮງຮຽນ, ໄລຍະທາງປະມານ 7 ກິໂລແມັດ, ແລ້ວອອກໄປຊອກຫາຂອງເກົ່າເກັບຂີ້ເຫຍື້ອຕາມເສັ້ນທາງສຸຣາດ-ຕະກົ່ວປາ

    ນາງ ຈູລີ ກ່າວ​ວ່າ ຫລັງ​ຈາກ​ໄດ້​ຮັບ​ບາດ​ເຈັບ​ຈາກ​ຂວດ​ແກ້ວບາດແລ້ວ ມັນ​ເຮັດ​ໃຫ້​ເສັ້ນ​ເອັນ​ຂໍ້​ຕີນ​ເບື້ອງ​ຂວາ​ຍ່າງ​ໄດ້​ຍາກ ແຕ່ຕ້ອງຍ່າງໄປຮັບສົ່ງລູກຊາຍທຸກໆມື້ ບໍ່ສາມາດປອ່ຍໃຫ້ກັບມາເອງ

    ເນື່ອງຈາກວ່າມັນເປັນເດັກພິເສດຖ້າມື້ໃດ ໂຮງໝໍ ສວນສາລາຣົມ ເມືອງ ພູນພິນ ນັດໃຫ້ລູກຊາຍ ໄປກວດ ແລະ ຮັບຢາ ຖ້າວ່າມີເງິນ ພໍທີ່ຈະຂີ່ລົດເມໄປ ແຕ່ສ່ວນໃຫຍ່ບໍ່ມີເງິນພໍທີ່ຈະພາລູກໄປ ເລີຍຕ້ອງຍ່າງໄປ

    ໄປກັບໄລຍະທາງແມ່ນ 60 ກິໂລແມັດ ສວ່ນວັນພັກໃນທ້າຍອາທິດ, ກໍຈະພາລູກຊາຍໄປຍ່າງເລາະຊອກຫາວັດຖຸບູຮານ ແລະ ເກັບຂີ້ເຫຍື້ອເພື່ອຄັດແຍກແລ້ວສົ່ງຂາຍເປັນລາຍໄດ້ເພື່ອລ້ຽງຄອບຄົວ

    “ໂຊກດີມີຜູ້ໃຈບຸນໄດ້ໃຫ້ໃຊ້ພື້ນທີ່ສ້າງທີ່ພັກອາໄສໂດຍມີລາຍໄດ້ຈາກການເກັບຂີ້ເຫຍື້ອຂາຍມື້ລະ 50 ບາດ ສວ່ນລູກຊາຍໄດ້ຮັບເງິນຊ່ວຍເຫຼືອຄົນພິການ 800 ບາດຕໍ່ເດືອນ

    ເຖິງ​ແມ່ນ​ວ່າ​ຈະ​ມີ​ຊີ​ວິດ​ທີ່​ຫຍຸ້ງ​ຍາກ ບໍ່​ເຄີຍທີ່ຈະ​ເອົາ​ເງິນ ອອກມາໃຊ້ ເພາະຕ້ອງການເກັບຮັກສາໄວ້ໃຫ້ລູກຊາຍ ເພາະ​ຖ້າ​ມີ​ຫຍັງ​ຜິດ​ພາດ ລູກ​ຊາຍ​ຈະ​ມີ​ເງິນ ເຊິ່ງທຸກມື້ນີ້ມີລູກຊາຍ ເປັນກຳລັງໃຈສຳຄັນ”

    ນາງ​ຈຸູລີ ກ່າວ​ອີກ​ວ່າ: ​ໃນ​ໄລຍະ​ທີ່​ປະສົບອຸປະຕິເຫດເອັນຂໍ້ຕີນບາດ ບໍ່​ສາມາດ​ອອກ​ໄປເຮັດ​ກິນ​ໄດ້ ຈຶ່ງ​ເປັນ​ໜີ້​ຮ້ານຂາຍເຄື່ອງ​ຂອງ​ກິນ​ຢູ່​ 20.000 ບາດ ​ແລະ

    ເມື່ອບາດແຜຫາຍດີ ກໍໄປເກັບຂີ້ເຫຍື້ອ, ຂອງເກົ່າໄປຂາຍຊົດໃຊ້ຫນີ້ ຍັງຕິດໜີ້ 10,000 ບາດ, ຈິ່ງຢາກໄດ້ລົດເຂັນໃໝ່ທີ່ໃຫຍ່ກວ່າ ແລະສູງກວ່າເກົ່າ ເພື່ອເກັບຂອງເກົ່າໄດ້ຫຼາຍຂື້ນ

    LEAVE A REPLY

    Please enter your comment!
    Please enter your name here