ແຈ້ງເຕືອນຍັງຈະມີຝົນຕົກລົມແຮງອີກ 2 ວັນຂ້າງໜ້າ

    0
    137

    ສອງຄືນຜ່ານມາຟ້າຝົນລົມແຮງກະຈາຍໄປທົ່ວຫຼາຍແຂວງລວມທັງນະຄອນຫຼວງວຽງຈັນ ແລະກົມອຸຕຸເຕືອນສະພາບການດັ່ງກ່າວນັ້ນຍັງຈະແກ່ຍາວໄປອີກ 2 ວັນໂດຍສະເພາະໃຫ້ບັນດາແຂວງທາງພາກເໜືອ ແລະພາກໃຕ້ຕ້ອງມີສະຕິເຝົ້າລະວັງເປັນພິເສດ.

    ມວນອາກາດຮ້ອນຍັງສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ ພ້ອມດຽວກັນໃນໄລຍະວັນທີ 1 – 2 ພຶດສະພາ ບໍລິເວນຄວາມກົດດັນສູງຂອງອາກາດເຢັນຈາກປະເທດຈີນຈະແຜ່ລົງມາປົກຄຸມເຂດພາກເໜືອ ແລະ ພາກກາງ ສົມທົບກັບກະແສລົມຕາເວັນອອກສ່ຽງໃຕ້ພັດປົກຄຸມ.


    ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມ, ຟ້າຜ່າ, ໝາກເຫັບຕົກ ແລະ ລົມພັດແຮງ ຢູ່ບາງທ້ອງຖິ່ນແຂວງພາກເໜືອ ແລະ ພາກໃຕ້ ໃນໄລຍະ 1 – 3 ວັນຕໍ່ໜ້ານີ້.

    ດັ່ງນັ້ນ, ຈຶ່ງແຈ້ງເຕືອນເຖິງອຳນາດການປົກຄອງທຸກພາກສ່ວນ ແລະ ປະຊາຊົນທີ່ອາໃສໃນເຂດພາກເໜືອ, ນະຄອນຫຼວງວຽງຈັນ ແລະ ແຕ່ແຂວງຄຳມ່ວນລົງ ຫາ ພາກໃຕ້ ຈົ່ງມີສະຕິລະມັດລະວັງຕໍ່ສະພາບອາກາດຮ້າຍແຮງດັ່ງກ່າວ ທີ່ຈະເຮັດໃຫ້ມີຕົ້ນໄມ້ ປ້າຍໂຄສະນາ ເສົາໄຟຟ້າ ຫັກລົ້ມ ແລະ ຫຼັງຄາເຮືອນເປ່ເພ, ແລະ ບໍ່ໃຫ້ໄປຢູ່ກ້ອງຕົ້ນໄມ້ໃຫຍ່ ແລະ ເດີ່ນກາງແຈ້ງ ເວລາມີຝົນຕົກ ເພື່ອຫຼີກລ່ຽງຜົນກະທົບຈາກຟ້າຜ່າ.

    LEAVE A REPLY

    Please enter your comment!
    Please enter your name here