ແຊບອກກັນ ! ໄປໄທ-ມາລາວ (ຄົນລາວ) ໄປງ່າຍ ແລະ ມີຂັ້ນຕອນການຈ່າຍສະເພາະຂ້າມຜ່ານດ່ານຫນອງຄາຍ ຕາມນີ້

    0
    186

    ຈາກໂພສ Lattana Phanasack ໂພສໄວ້ວ່າ ໄປໄທ-ມາລາວ (ຄົນລາວ) ໄປງ່າຍ ແລະ ມີຂັ້ນຕອນການຈ່າຍສະເພາະຂ້າມຜ່ານດ່ານຫນອງຄາຍ ໂດຍບໍ່ລວມຄ່າໃຊ້ຈ່າຍອື່ນໆ.ອອກຈາກລາວໄປໄທ

    1. ໃບວັກຊິນພາສາອັງກິດ(30,000ກີບ) 2. ຈອງໂຮງແຮມກັກໂຕ1ຄືນ ລວມກວດ RT PCR (4,500ບາດ) 3. ຊື້ປະກັນໄພ 7ມື້ (19$)

    4. ລົງທະບຽນ Thailand pass test and go (ລົງກ່ອນໄປ3ມື້) ແລ້ວຈະມີເມວສົ່ງ QR code ມາໃຫ້.5. ປະກອບເອກະສານຄົບແລ້ວ ໄປຂາອອກດ່ານລາວເຈົ້າຫນ້າທີ່ຈະເບີ່ງ Qr Code ແລະ Passport ຫລັງຈາກນັ້ນກໍລໍຖ້າລົດໂຮງແຮມມາຮັບ ໄປດ່ານຂາເຂົ້າຫນອງຄາຍ (ເສຍຄ່າທຳນຽມເລັກຫນ້ອຍ 100ບາດ) ແລ້ວກໍໄປຂຽນຟອມຂາເຂົ້າດ່ານໄທ (ຂຽນທີ່ຢູ່ບ່ອນຈະໄປໃຫ້ລະອຽດ) ຫລັງຈາກນັ້ນລົດຈະຈອດລໍຖ້າໄປສົ່ງເຮົາຢູ່ໂຮງແຮມ.

    ຫມາຍເຫດ: ຖ້າຜົນເປັນລົບສາມາດພັກຜ່ອນໄດ້ຕາມສະບາຍແຕ່ຕ້ອງມີການໃສ່ຜ້າອັດປາກຕະຫລອດເວລາ(ຮັກສາຕົນເອງ)

    ອອກຈາກໄທມາລາວ 1. ຈອງໂຮງແຮມກັກໂຕ2ມື້ ຫລື 48ຊົ່ວໂມງ (390,000ກີບ/ຄືນ) ຖ້າຜົນເປັນລົບແມ່ນສາມາດອອກໄດ້ ແລະ ຕິດຕາມຕົນເອງອີກຢູ່ບ້ານ (ຕ້ອງໃສ້ຜ້າອັດປາກຕະຫລອດເວລາ ຮັກສາຕົນເອງ)

    2. ຊື້ປະກັນໄພ ຫລື ບໍ່ຊື້ກະໄດ້ ( ສ່ວນຂ້ອຍແມ່ນໃຊ້ໂຕທີ່ຊື້ຂ້າມໄປໄທ ເພາະໃນການລົງທະບຽນລາວກຣີນພາດສ ຈະມີໃຫ້ຢັ້ງຍືນ ) 3. ລົງທະບຽນ Lao green pass (ລົງກ່ອນ 3ມື້ຂື້ນໄປ) ຫລັງຈາກນັ້ນຈະມີ ເມວສົ່ງ QR code ມາໃຫ້ເພື່ອໃຊ້ໃນການກັບເຂົ້າລາວ. 4. ມື້ທີ່ເຮົາຈະຂ້າມກັບລາວທີ່ດ່ານຫນອງຄາຍຈະມີຫນ່ວຍສະເພາະກິດມາແຈ້ງຕາມລາຍຊື່ທີ່ເຮົາລົງທະບຽນຂື້ນລົດ ໄດ້ເອກະສານແລ້ວ ກໍໄປຍື່ນພາດສະປອດອອກດ່ານໄທໄດ້ເລີຍ.

    5. ກວດໂຄວິດ RT PCR ຢູ່ດ່ານລາວ (650,000ກີບ) ຮູ້ຜົນພາຍໃນ 48ຊົ່ວໂມງ. 6. ກວດແລ້ວກໍໄປຍື່ນພາດສະປອດເຂົ້າດ່ານລາວ ແລ້ວຈະມີລົດມາຮັບໄປສົ່ງໂຮງແຮມ (500ບາດ).
    ປະມານນີ້ເດີ້ທຸກຄົນ. ແຕ່ອານາຄົດຄາດວ່າຄ່າໃຊ້ຈ່າຍອາດຈະຫນ້ອຍລົງ ແລະ ຂັ້ນຕອນຈະງ່າຍຂື້ນ. ຖ້າໃຊ້ຄຳທີ່ຜິດພາດກໍຂໍໂທດຂໍອະໄພ


    ຈາກ: Lattana Phanasack

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.