ປັບລົງແອັດຊັງ ລາຄາກາຊວນປັບຂຶ້ນ 310 ກີບຕໍ່ລິດ ມື້ອື່ນເປັນຕົ້ນໄປ

    0
    129

    ແອັດຊັງທຳມະດາປັບລົງລາຄານ້ຳມັນ 20 ກີບຕໍ່ລິດ ຖືວ່າເປັນຕົວເລກທີ່ນ້ອຍໜິດ ແຕ່ກໍ່ຍັງດີກວ່າບໍ່ລົງເລີຍ, ສ່ວນແອັດຊັງພິເສດຜ່ານມາຂຶ້ນຫຼາຍກໍ່ເລີຍໃຫ້ລົງຫຼາຍ 90 ກີບຕໍ່ລິດ, ສຳລັບກາຊວນກ່ອນໜ້ານີ້ຖືກກວ່າຕະຫຼອດຊຸດນີ້ໃຫ່ຢູ່ຂາຂຶ້ນໄປກ່ອນ.

    ອີງຕາມແຈ້ງການສະບັບເລກທີ 0467/ອຄ ລົງວັນທີ 20 ເມສາ 2022 ຂອງກະຊວງອຸດສາຫະກຳ ແລະ ການຄ້າ ໄດ້ແຈ້ງປັບລົງລາຄາຂາຍຍ່ອຍນ້ຳມັນເຊື້ອໄຟປະເພດແອັດຊັງພິເສດ ປັບລົງ 90 ກີບຕໍ່ລິດ, ນໍ້າມັນແອັດຊັງທຳມະດາ 20 ກີບຕໍ່ລິດ ແລະ ແຕ່ປັບຂຶ້ນລາຄາກາຊວນ 310 ກີບຕໍ່ລິດ.

    ຈາກການປັບຫຼຸດລາຄາຄືດັ່ງກ່າວເຮັດໃຫ້ລາຄາຂາຍຍ່ອຍຢູ່ນະຄອນຫຼວງວຽງຈັນ ນ້ຳມັນແອັດຊັງພິເສດຕົກເປັນລິດລະ 19.500 ກີບ, ນ້ຳມັນແອັດຊັງທຳມະດາ 17.150 ກີບ ແລະ ນໍ້າມັນກາຊວນ 17.070 ກີບ/ລິດ.
    ແຂວງອຸດົມໄຊ ນ້ຳມັນແອັດຊັງພິເສດ 19.980 ກີບ/ລິດ, ນ້ຳມັນແອັດຊັງທຳມະດາ 17.630 ກີບ/ລິດ ແລະ ກາຊວນ 17.550 ກີບ/ລິດ
    ແຂວງຫຼວງພະບາງ ນ້ຳມັນແອັດຊັງພິເສດ 19.870 ກີບ/ລິດ, ນ້ຳມັນແອັດຊັງທຳມະດາ 17.520 ກີບ/ລິດ ແລະ ກາຊວນ 17.440 ກີບ/ລິດ


    ແຂວງຊຽງຂວາງ ນ້ຳມັນແອັດຊັງພິເສດ 19.690 ກີບ/ລິດ ນ້ຳມັນແອັດຊັງທຳມະດາ 17.340ກີບ/ລິດ ແລະ ກາຊວນ 17.230 ກີບ/ລິດ
    ແຂວງສະຫວັນນະເຂດ ນ້ຳມັນແອັດຊັງພິເສດ 19.530 ກີບ/ລິດ ນ້ຳມັນແອັດຊັງທຳມະດາ 17.180 ກີບ/ລິດ ແລະ ກາຊວນ 17.100 ກີບ/ລິດ
    ແຂວງຈໍາປາສັກ ນ້ຳມັນແອັດຊັງພິເສດ 19.560 ກີບ/ລິດ ນ້ຳມັນແອັດຊັງທຳມະດາ 17.210 ກີບ/ລິດ ແລະ ກາຊວນ 17.130 ກີບ/ລິດ

    ສ່ວນການຄິດໄລ່ເສຍພັນທະ ແລະ ຄ່າທໍານຽມຕ່າງໆ ແມ່ນໃຫ້ພາກສ່ວນກ່ຽວຂ້ອງຄິດໄລ່ເກັບຕາມທີ່ໄດ້ກໍານົດໄວ້ ໃນໂຄງສ້າງລາຄານໍ້າມັນເຊື້ອໄຟ ສະບັບເລກທີ 0259/ກຄພນ, ລົງວັນທີ 17 ເມສາ2022 ຈົນກວ່າຈະມີການປ່ຽນແປງ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.