ສາມີມີຄອບຄົວໃໝ່ ແຖມຖິ້ມໜີ້ໄວ້ໃຫ້ ແມ່ລ້ຽງດ່ຽວ ເຮັດເຄັກສູ້ເພື່ອລູກ ສູ່ລາຍໄດ້ 200 ລ້ານໃນ 3​ ເດືອນ

    0
    109

    ໃຜຈະໄປຄາດຄິດວ່າ ຊີວິດທີ່ກຳລັງດຳເນີນໄປໄດ້ດ້ວຍດີ ຈະຕ້ອງມາສະດຸດລົງເພາະບັນຫາຈາກຄົນພາຍນອກ ແຕ່ລາວຄົນນີ້ກັບບໍ່ຍອມແພ້ ລຸກຂຶ້ນມາສູ້ເພື່ອລູກໆ ທັງ 3​ ຄົນ ເຖິງຕ້ອງກາຍມາເປັນ ແມ່ລ້ຽງດ່ຽວ ດ້ວຍທັກສະແລະໄອເດຍທີ່ສ້າງສັນ ເຮັດໃຫ້ມື້ນີ້ລາວສາມາດຢືນໄດ້ດ້ວຍແຄງຂາຕົວເອງ

    ແມ່ລ້ຽງດ່ຽວ ນາງປະພາພອນ ໄຊຍະມາດ ຫຼື ເຜິ້ງ ກຳມະການຜູ້ຈັດການບໍລິສັດ ຫອມມົນເບເກີລີ້ ຈຳກັດ ຜູ້ຜະລິດແລະຈຳໜ່າຍເບເກີລີ້ແບຣນ ຫອມມົນ ດ້ວຍຄວາມວ່າ ໃນອະດີດເຄີຍເປັນແມ່ຄ້າຂາຍສົ່ງເສື້ອຜ້າແຟຊັ່ນ ຈົບການສຶກສາພຽງຊັ້ນມັດທະຍົມສືກສາປີທີ່ 6 ເຄີຍຖືກໂກງໝົດຕົວ ຊີວິດລຳບາກໃນຊ່ວງມີລູກຄົນທຳອິດ ອາໄສມັກກິນເຂົ້າໜົມເຄັກ ຫາສູດທາງອິນເຕີເນັດ ແລະລົງທຶນເຮັດເຄັກຂາຍ ໃສ່ຊື່ຍີ່ຫໍ້ວ່າ Sweet’n Soft ເລາະຂາຍຕາມຕະຫຼາດນັດ ໃນລາຄາ 3​ ອັນ 100 ບາດ ກະແສຕອບຮັບດີເກີນຄາດ ສົ່ງຍີ່ປົ໊ວທົ່ວປະເທດ

    ກິດຈະການດຳເນີນໄປໄດ້ດ້ວຍດີ ຈົນກະທັ້ງເດືອນມີນາ 2560 ຄອບຄົວນີ້ເກີດບັນຫາຝ່າຍສາມີໄປມີຄອບຄົວກັບຜູ້ຍິງຄົນໃໝ່ ນອກຈາກຍັງມີໜີ້ສິນທາງທຸລະກິດທີ່ຕ້ອງຊົດໃຊ້ອີກຫຼາຍລ້ານບາດ ຄອບຄົວລະຫອງລະແຫງມາຕັ້ງແຕ່ປີ 2556 ກະທັ້ງປີ 2560 ຂ້ອຍຕັດສິນໃຈຢ່າຮ້າງຂາດກັບສາມີ ເຊິ່ງອະດີດສາມີໄດ້ດຶງເອົາລູກນ້ອງ ຄົນງານ ລູກຄ້າ ພ້ອມກັບໄປສ້າງແບຣນເຄັກທີ່ມີຄວາມຄ້າຍກັບແບຣນ Sweet’n Soft ແຖມຍັງຈຳໜ່າຍໃນລາຄາຖືກກ່ວາ ຊ່ວງທີ່ເກີດວິກິດ ເຜິ້ງເຖິງກັບເສຍຫຼັກໄປເລີຍ ຕ້ອງນຳໃຊ້ໜີ້ທີ່ເກີດຂຶ້ນໃນອະດີດ ລາວອາໄສຕັ້ງສະຕິ ຄິດສະເໝີວ່າ່ຕ້ອງສູ້ເພື່ອລູກໆ ແລະຄອບຄົວ ສູ້ເພື່ອລູກນ້ອງ ຈາກນັ້ນເລີ່ມຕົ້ນໃໝ່ ໃຊ້ຕົ້ນທຶນທີ່ມີຢູ່ ສ້າງເນື້ອສ້າງຕົວເລີ່ມຕົ້ນໃໝ່ອີກຄັ້ງ

    ຂ້ອຍຍັງມີໂຮງງານ ມີລູກນ້ອງເຫຼືອຢູ່ຈຳນວນໜຶ່ງ ທີ່ສຳຄັນເຊື່ອໝັ້ນໃນຝີມືການເຮັດເຂົ້າໜົມເຄັກທີ່ສະສົມມາດົນ ຕັ້ງໃຈວ່າຈະສູ້ໃໝ່ອີກຄັ້ງ ພາຍໃຕ້ແບຣນທີ່ຊື່ວ່າ ຫອມມົນ ເປັນເຂົ້າໜົມເຄັກລາຄາ 3 ອັນ 100 ບາດ ແຕ່ຄິດຄົ້ນແລະພັດທະຍາສູດພິເສດໃຫ້ສາມາດເກັບໄດ້ດົນເຖິງ 1 ເດືອນດ້ວຍການແຊ່ແຂງແລ້ວລົດຊາດຍັງຄືເກົ່າ ມີໜ້າໃຫ້ລູກຄ້າເລືອກຊື້ເຖິງ 50 ໜ້າ ສູດນ້ຳຕານນ້ອຍອັນລະ 10​ ກຣາມ ໄຂມັນຕ່ຳ ໃຊ້ວິບຄີມຊະນິດ 0% ໄຂມັນທຣານສ໌ ຄວາມປອດໄພແລະດີຕໍ່ສຸຂະພາບຂອງລູກຄ້າ

    ນອກຈາກສ້າງແບຣນໃໝ່ ເຜິ້ງ ຍັງແກ້ບັນຫາເລື່ອງລູກຄ້າທີ່ຖືກຍາດໄປ ດ້ວຍວິທີລົງພື້ນທີ່ໄປຫາຕົວແທນຕາມຕະຫຼາດນັດເອງ ຈັດສຳມະນາໃຫ້ຄວາມຮູ້ເລື່ອງການລົງທຶນຮ້ານເຄັກຕາມຈັງຫວັດ ເຮັດການຕະຫຼາດອອນໄລນ໌ຫຼາຍຂຶ້ນ ທັງຊື້ໂຄສະນາ ເຮັດຄິບ ຜົນປະກົດວ່າໄລຍະເວລາພຽງ 3 ເດືອນ ຍອດຂາຍເພີ່ມຂຶ້ນ 2 ເທົ່າຕົວ ລາຍໄດ້ທະຍານກ່ວາ 200 ລ້ານ

    ປັດຈຸບັນຫອມມົນເບເກີລີ້ຍັງຂະຫຍາຍກິດຈະການຮູບແບບແຟຣນໄຊສ໌ ເນັ້ນລົງທຶນນ້ອຍລາຄາ 2,590 ບາດ ຈະໄດ້ຮັບຊຸດເຄັກແລະອຸປະກອນການຂາຍຄົບຊຸດ ປະກອບໄປດ້ວຍ 1.ເຄັກ 100 ອັນ ຄະໜ້າໄດ້ 2.ປ້າຍຮ້ານຫອມມົນເບເກີລີ້ 3.ກ່ອງໂຟມເກັບຄວາມເຍັນຄຸນນະພາບສູງ 4.ຫຍ້າທຽມປູໂຕະ 5.ຖົງ 1 ແພັກ 6.ຊ້ອນ 1 ແພັກ 7.ກ່ອງສາມຫລ່ຽມບັນຈຸເຄັກພ້ອມຂາຍ 8.ບ່ອນຕັກເຄັກ

    ດ້ວຍສັນຊາດຕະຍານຄວາມເປັນແມ່ຕ້ອງສູ້ເພື່ອລູກ 3 ຄົນແລະຄອບຄົວ ປັ້ນແບຣນ ຫອມມົນ ບໍລິຫານກິດຈະການສະໄຕລ໌ແມ່ລ້ຽງດ່ຽວ ລຸຍຂາຍແຟຣນໄຊສ໌ລົງທຶນນ້ອຍ ອາໄສໄລຟ໌ສະໄຕລ໌ຄົນຍຸກໃໝ່ປ່ຽນໄປ ມັກກິນເບເກີລີ້ ບາງຄົນກິນເປັນມື້ເຊົ້າຄູ່ກັບນົມ ຫຼື ຊາ ກາເຟ ເລີຍເບິ່ງວ່າ ທຸລະກິດຍັງເຕີບໂຕໄດ້ອີກ

    LEAVE A REPLY

    Please enter your comment!
    Please enter your name here