ເຊົາຂໍເງິນແມ່ຕັ້ງແຕ່ອາຍຸ 14 ສາວໄທເປີດຮ້ານມາມ່າຕົ້ມຍຳໝໍ້ໄຟ ໂກຍເງິນເຄິ່ງແສນບາດຕໍ່ເດືອນ

    0
    130

    ບໍ່ວ່າເລື່ອງໃດກໍ່ຕາມ ຫາກໃຈມຸ່ງໝັ້ນແທ້ກໍ່ຄວ້າຄວາມສຳເລັດໄດ້ບໍ່ຍາກ! ເຊັ່ນດຽວກັບ ນາງສາວ ປະວະລິດສະລາ ເຊີງຮູ້ ຫຼື ມິ້ງ ສາວໄວລຸ້ນອາຍຸພຽງແຕ່ 20 ແຕ່ລາວສາມາດພາຕົວເອງປະສົບຄວາມສຳເລັດເລື່ອງ ການຮຽນ ຄວບຄູ່ ການງານ ເລີກຂໍເງິນແມ່ແລະຫາເງິນໃຊ້ເອງມາຕັ້ງແຕ່ອາຍຸ 14 ປີ ຈົນມີຖານະທາງເສດຖະກິດທີ່ໝັ້ນຄົງ ໄດ້ເປັນເຈົ້າຂອງຮ້ານມາມ່າຕົ້ມຍຳໝໍ້ໄຟຕິດ Top 5 ຂອງຕະຫຼາດໃນໄວພຽງແຕ່ 18 ປີ!

    ມິ້ງເຜີຍວ່າ ເທັກນິກຄວາມສຳເລັດທີ່ເກີດຈາກຄວາມພະຍາຍາມລ້ວນໆ ນອກຈາກນີ້ລາວຍັງເປັນນິຍາມຂອງຄຳວ່າ ປະສົບຄວາມສຳເລັດໃນຊີວິດ ທີ່ບໍ່ໄດ້ໝາຍເຖິງຄວາມສຳເລັດສະເພາະໜ້າທີ່ການງານເທົ່ານັ້ນ ແຕ່ລາວເປັນແບບຢ່າງຂອງບຸກຄົນທີ່ຫຼັກຄິດ ມີວິໄສທັດໃນການດຳເນີນຊີວິດ ດູແລຕົນເອງແລະຄອບຄົວໃຫ້ມີຄວາມສຸກອີກດ້ວຍ

    ຕົນເລີ່ມຂາຍເຄື່ອງອອນລາຍຜ່ານອິນສະຕາແກຣມ ຕັ້ງແຕ່ຮຽນຢູ່ ມ.2 ພໍຮຽນ ມ.3 ກໍ່ນຳເຂົ້າເສື້ອຜ້າຈາກຈີນມາຂາຍ ເຮັດເອງ ຮຽນຮູ້ເອງທຸກຢ່າງ ເພາະບໍ່ຢາກຂໍເງິນແມ່ຕອນນັ້ນແມ່ໃຫ້ເງິນລົງທຶນມາ 1 ພັນບາດ ຕົນຕໍ່ຍອດຫາມາເລື້ອຍໆ ຈົນເຖິງທຸກມື້ນີ້ມີເງິນເກັບດູແລຕົວເອງໄດ້ດີໃນສ່ວນຂອງຕົວເອງ ຢາກໄດ້ຫຍັງກໍ່ຊື້ດ້ວຍເງິນທີ່ຫາມາເອງ ທັງໂນ໊ດບຸກ ໂທລະສັບ ກະເປົ໋າ ຄ່າກິນ ຄ່າຢູ່ ຄ່າໃຊ້ຈ່າຍສ່ວນຕົວຕ່າງໆ ຕົນບໍ່ເຄີຍຂໍເງິນແມ່ໃຊ້ມາ 7-8 ປີ ຕັ້ງແຕ່ອາຍຸ 14​ແລ້ວ

    ນັ້ນຄືຈຸດເລີ່ມຕົ້ນຂອງມິ້ງລູກສຸດທ້ອງທີ່ເກີດໃນຄອບຄົວຖານະປານກາງ ບໍ່ມີໃຜເກັ່ງຄ້າຂາຍ ບໍ່ມີໃຜເກັ່ງເລື່ອງທຸລະກິດ ພໍ່ແລະແມ່ເປັນພະນັກງານບໍລິສັດເອກະຊົນ ທີ່ເລີ່ມສ້າງດ້ວຍຕົວເອງ ແບ່ງເບົາພາລະພໍ່ແມ່ ດ້ວຍເງິນທຶນແມ່ 1,000 ບາດ ໃນເວລາພຽງ 2-3 ອາທິດຕໍ່ມາ ເຮັດໃຫ້ລາວມີເງິນເກັບກ້ອນທຳອິດໃນຊີວິດ 5,000 ບາດ

    ຕົນເປັນຄົນມີຄວາມພະຍາຍາມແລະຕັ້ງໃຈຫຼາຍ ເລີຍເຮັດໃຫ້ມີເງິນກ້ອນທຳອິດໃນຊີວິດຫຼາຍຂະໜາດນັ້ນມັນຂ້ອນຂ້າງຍາກແລະຕ້ອງຕັ້ງໃຈແທ້ໆ ແລ້ວຕົນກໍ່ພະຍາຍາມເຮັດທຸກຢ່າງດ້ວຍຕົວເອງ ລົງຮູບເອງ ຄິດເອງວ່າເຮັດແນວໃດໃຫ້ເກີດຄວາມໜ້າເຊື່ອຖື ໃຫ້ມີເງິນຫຼາຍຂຶ້ນ ທຸກມື້ຫຼັງເລີກຮຽນຕົນຈະຮີບເຮັດວຽກບ້ານໃຫ້ສຳເລັດຢູ່ໂຮງຮຽນ ຫຼືໃຫ້ແລ້ວພາຍໃນ 8 ໂມງ ກ່ອນແມ່ມາຮັບຢູ່ເຮືອນນ້າ ພໍມາເຖິງເຮືອນ 8 ໂມງ ກໍ່ຈະນັ່ງຮ້ອຍກຳໄລແພັກເຄື່ອງສົ່ງລູກຄ້າ ນອນທ່ຽງຄືນ ເຊົ້າພໍໄປສົ່ງໄປສະນີໃຫ້

    5 ປີຕໍ່ມາ ເດືອນມີນາ ພ.ສ 2560 ຈາກເງິນ 1,000 ບາດຂອງແມ່ ມິ້ງສາມາດຕໍ່ຍອດຈົນໄດ້ເປີດຮ້ານອາຫານ ມາມ່າຕົ້ມຍຳໝໍ້ໄຟ ຂອງຕົວເອງ ດ້ວຍເງິນລົງທຶນ 6 ຫຼັກຕົ້ນໆ ຢູ່ຕະຫຼາດລ່ຽງເມືອງ ຈ.ນົນທະບຸລີ ໃນໄວພຽງ 19 ປີ ເປີດຂາຍ 17.30-23.30 ນ. ສະເພາະວັນສຸກ ເສົາ ອາທິດ ສ້າງລາຍໄດ້ 5-6 ໝື່ນ/ເດືອນ ທີ່ຕ້ອງແລກມາດ້ວຍຄວາມເໝື່ອຍ ເພາະລາວບໍ່ເຄີຍເຮັດອາຫານເລີຍ ແຕ່ດ້ວຍຄວາມເຊື່ອໝັ້ນໃນຕົວເອງວ່າເຮັດໄດ້ແລະຢາກເຮັດ

    ທຸກຢ່າງຈຶ່ງເລີ່ມຈາກສູນ ແຕ່ດ້ວຍຝີມືຂອງລາວ ບວກກັບຄວາມພະຍາຍາມເປັນແຮງພັກດັນລາວລົງມືສ້າງດ້ວຍຕົວເອງທຸກຢ່າງ ເພື່ອລົດຕົ້ນທຶນ ອາທິ ເຮັດຄົວ ລ້າງຈານ ເກັບຈານ ເສີບ ທຳຄວາມສະອາດ ຮັບອໍເດີ້ ຄິດເງິນ ເກັບເງິນ ກະທັ້ງຮ້ານໄດ້ຮັບຄວາມນິຍົມຫຼາຍຂຶ້ນ ຈຶ່ງຈ້າງພະນັກງານ 3 ຄົນ ຄື ແມ່ຄົວ ພະນັກງານລ້າງຈານ ແລະ ເສີບທຸກມື້ວັນພະຫັດຫຼັງເລີກຮຽນຕ້ອງໄປຊື້ເຄື່ອງເອງຢູ່ຕະຫຼາດ ຫ້າງ ວັນສຸກເອົາເຄື່ອງມາລົງໄວ້ທີ່ຮ້ານ ເລີກຮຽນ 3-4 ໂມງ ກໍ່ມາເປີດຮ້ານ ແລະຢູ່ຈົນຮ້ານປິດ ກ່ວາຈະກັບເຖິງເຮືອນກໍ່ເປັນເວລາ 1​ ໂມງເຊົ້າ ຫຼັງປິດຮ້ານຄືວັນອາທິດກັບເຮືອນພັກຜ່ອນ ເຊົ້າວັນຈັນກໍ່ໄປຮຽນ

    ໃຜທີ່ມີຄວາມຝັນ ຫຼືຢູ່ໄວດຽວກັບມິ້ງ ໃຫ້ໂຟກັສສິ່ງທີ່ຢາກເຮັດແລະຈັດລຳດັບຄວາມສຳຄັນໃຫ້ດີ ຮັກຕົວເອງໃຫ້ຫຼາຍໆ ພະຍາຍາມເຮັດໃນສິ່ງທີ່ຄິດວ່າດີແລະຢາກຈະເຮັດ ພໍຮັກຕົວເອງສິ່ງດີໆ ກໍ່ເຂົ້າມາໃນຊີວິດ ມິ້ງ ເດັກໄທທີ່ຝ່າຟັນແລະພາຕົວເອງມາປະສົບຄວາມສຳເລັດໃນຊີວິດ ອະດີດເຈົ້າຂອງຮ້ານອາຫານໃນໄວພຽງ 20 ປີຖິ້ມທ້າຍ

    LEAVE A REPLY

    Please enter your comment!
    Please enter your name here