ຝົນຕົກ ແລະ ລົມພັດແຮງຢູ່ເມືອງຫົງສາ ເສຍຫາຍເກືອບ 45 ລ້ານກີບ.

0
163

ຝົນຕົກ ແລະ ລົມພັດແຮງຢູ່ເມືອງຫົງສາ ເສຍຫາຍເກືອບ 45 ລ້ານກີບ.ອີງຕາມບົດລາຍງານຫ້ອງການແຮງງານ ແລະ ສະຫວັດດີການສັງຄົມ ເມືອງຫົງສາ ແຂວງໄຊຍະບູລີ ກ່ຽວກັບ

ເຫດການ ຝົນຕົກໜັກ ແລະ ລົມພັດແຮງໃນວັນທີ 12 ເມສານີ້, ໃຫ້ຮູ້ວ່າ: ເວລາ ປະມານ 15 ໂມງ ຢູ່ເມືອງຫົງສາ ໄດ້ເກີດມີຝົນຕົກໜັກ, ລົມພັດແຮງ ແລະ ຟ້າຮ້ອງ. ເຮັດໃຫ້ຫ້ອງການ,

ຮ້ານຂາຍຜັກ-ໝາກໄມ້ຢູ່ພາຍໃນຕະຫຼາດ ແລະ ເຮືອນຂອງປະຊາຊົນ ໄດ້ຮັບຄວາມເສຍຫາຍຈໍານວນໜຶ່ງ.ຕໍ່ກັບສະພາບການດັ່ງກ່າວ ທາງຄະນະກໍາມະການຄຸ້ມຄອງໄພພິບັດຂັ້ນເມືອງ ໄດ້ສົມທົບກັບ

ຄະນະບ້ານ ທີ່ມີຄອບຄົວປະຊາຊົນຖືກຜົນກະທົບ. ໄດ້ລົງກວດກາ, ເກັບກໍາຂໍ້ມູນ ແລະ ປະເມີນຜົນເສຍຫາຍຕົວຈິງ ເຫັນວ່າ: ມີບ້ານທີ່ໄດ້ຮັບຜົນກະທົບທັງໝົດ ຈໍານວນ 3 ບ້ານ. ມີ 22

ຄອບຄົວ, ຫ້ອງການບ້ານ 3 ຫຼັງ, ວັດ 2 ຫຼັງ, ຫ້ອງການຂອງລັດ 1 ຫ້ອງການ ແລະ ຮ້ານຂາຍເຄື່ອງຢູ່ຕະຫຼາດ ຈໍານວນ 8 ຮ້ານ. ລວມມູນຄ່າເສຍຫາຍທັງໝົດ 44,960,000 ກີບ.

ຂ່າວ: ກິດຕິສັກ ບົວໄລ
ພາບ: ຫ້ອງການ ຮສສ ເມືອງ