ຢາພື້ນເມືອງຈີນໄດ້ຮັບການຍອມຮັບຈາກສາກົນນັບມື້ຫຼາຍຂຶ້ນ

0
114

ຂ່າວສານຊີອາໄອລາຍງານ ຫວ່າງກ່ອນໜ້ານີ້ບໍ່ດົນ ນີ້ໃຫ້ຮູ້ວ່າ: ອົງການອະນາໄມໂລກໄດ້ປະກາດບົດລາຍງານກ່ຽວກັບຜົນການປະເມີນຂອງນັກວິຊາການ ໂດຍໄດ້ຢືນຢັນຄວາມປອດໄພ ແລະ ປະສິດທິຜົນຂອງ ຢາພື້ນເມືອງຈີນໃນການປິ່ນປົວພະຍາດໂຄວິດ-19 ແລະ ສົ່ງເສີມໃຫ້ປະເທດສະມາຊິກຂອງອົງການອະນາໄມໂລກຈົ່ງພິຈາລະນາກ່ຽວກັບຄວາມອາດເປັນໄປໄດ້ທີ່ນຳໃຊ້ຢາພື້ນເມືອງຈີນມາປິ່ນປົວພະຍາດໂຄວິດ-19 ພາຍໃນຂອບຂອງລະບົບສາທາລະນະສຸກ ແລະ ຂອບການຕິດຕາມຄຸ້ມຄອງຂອງປະເທດຕົນ.

ໃນກອງປະຊຸມຂ່າວທີ່ຈັດຂຶ້ນເມື່ອທ້າຍອາທິດຜ່ານມາ, ທ່ານ ຈ້າວລີຈ່ຽນ ໂຄສົກກະຊວງການຕ່າງປະເທດຈີນຊີ້ໃຫ້ເຫັນວ່າ ບົດລາຍງານດັ່ງກ່າວໄດ້ຢືນຢັນຢ່າງຈະແຈ້ງຕໍ່ບົດບາດຂອງຢາພື້ນເມືອງຈີນໃນການຕ້ານພະຍາດໂຄວິດ-19 ຊຶ່ງເປັນການສະແດງໃຫ້ເຫັນວ່າ ແພດ ແລະ ຢາພື້ນເມືອງຈີນກຳລັງໄດ້ຮັບການຍອມຮັບຈາກສາກົນນັບມື້ນັບຫຼາຍຂຶ້ນ.

ຈີນຍິນດີສືບຕໍ່ຮ່ວມກັບປະເທດຕ່າງໆໃນໂລກ ແລະອົງການອະນາໄມໂລກເສີມຂະຫຍາຍທ່າແຮງ ແລະ ບົດບາດພິເສດຂອງຢາພື້ນເມືອງຕ່າງໆ ຊຶ່ງລວມທັງຢາພື້ນເມືອງຈີນ ເພື່ອປະກອບສ່ວນຂອງຕົນເອງເຂົ້າໃນການປົກປ້ອງຊີວິດ ແລະ ສຸຂະພາບຂອງປະຊາຊົນປະເທດຕ່າງໆ.