ເຕືອນດ້ວຍຄວາມຫວັງດີ ບໍ່ຢາກໃຫ້ສູນເງິນແບບນີ້ເສຍເງີນ ແລກ 6 ໂຕເລກໄດ້ມາ 0 ກີບ

    0
    156

    ຄວາມຫວັງອັນຍິ່ງໃຫຍ່ໃນການເປັນເສດຖີ 400 ລ້ານຈາກການລົງທຶນພຽງ 1000 ກີບນັ້ນ ກຳລັງເປັນທີ່ຕິດອົກຕິດໃຈຂອງປະຊາຊົນລາວແຕ່ເໜືອຮອດໃຕ້ ແລະນັ້ນໄດ້ກາຍເປັນຊ່ອງວ່າງໃຫ້ຄົນບໍ່ດີສວຍໂອກາດໂກງເງິນນຳຄົນມັກງ່າຍທີ່ຄິດບໍ່ຖີ່ຖ້ວນ ດ້ວຍການຍອມຈ່າຍເງິນເພື່ອແລກກັບໂຕເລກສ່ຽງດວງໃນມູນຄ່າເທື່ອລະຫຼາຍລ້ານ.

    ທີ່ຜ່ານມາມີຫຼາຍຕໍ່ຫຼາຍຄົນທີ່ບໍ່ຄິດພິຈາລະນາຫຍັງຫຼາຍເຫັນແຕ່ວ່າໄດ້ 6 ໂຕເລກຊະນະແລ້ວຈະຖືກຫວຍ 400 ລ້ານກໍ່ຍອມໂອນເງິນໄປໃຫ້ພວກມີດສາຊີບໂດຍບໍ່ລັງເລ ບາງຄົນເປັນເງິນກ້ອນສຸດທ້າຍໃນຊີວິດ ແລະເປັນເງິນທີ່ຫາດ້ວຍຄວາມຍາກລຳບາກມາຫຼາຍປີ ກໍ່ຍອມໂອນໃຫ້ເພື່ອແລກກັບ 400 ລ້ານ ສຸດທ້າຍໄດ້ແຕ່ເຊັດນ້ຳຕາ ສົ່ງຂໍ້ຄວາມໄປກໍບໍຕອບນົບໄຫວ້ຂໍຄວາມເຫັນໃຈກໍ່ບໍໄດ້ຫຍັງກັບຄືນມາ ຕ້ອງຍອມຮັບວ່າ ໄລຍະຫຼັງໆມານີ້ການຕົວະຍົວະຫຼອກລວງໃຫ້ເຫຍື່ອໂອນເງິນເພື່ອແລກເອົາເລກເດັດ 6 ໂຕເລກ ມີຜູ້ເສຍຫາຍເປັນຈຳນວນຫຼວງຫຼາຍ.


    ຕາມຂ່າວ ປກສ ລາຍງານວ່າ ຫຼ້າສຸດ ໄດ້ມີຜູ້ເສຍຫາຍຫຼາຍຄົນໄດ້ຮ້ອງຮຽນມາເພຈໜັງສືພິມຄວາມສະຫງົບເພື່ອຂໍຄວາມຊ່ວຍເຫຼືອໃນການດຳເນີນຄະດີຕໍ່ກຸ່ມຄົນບໍ່ດີທີ່ແອບອ້າງເປັນພະນັກງານລັດວິສາຫະກິດຫວຍພັດທະນາລາວ ຕົວະໃຫ້ຜູ້ເສຍຫາຍໂອນເງິນເພື່ອແລກກັບເລກ 6 ຕົວເລກທີ່ຈະອອກໃນທຸກງວດ, ເຊິ່ງຜູ້ເສຍຄົນໜຶ່ງໄດ້ຫຼົງເຊື່ອໂອນເງິນໄປໃຫ້ ເສຍຫາຍ 30 ລ້ານກີບ ແລະ ອີກຄົນໜຶ່ງແມ່ນເສຍຫາຍ 16 ລ້ານກີບ ແລະ ຍັງມີຜູ້ເສຍຫາຍອີກຈຳນວນຫຼວງຫຼາຍ.
    ຕໍ່ກັບເຫດການດັ່ງກ່າວ,ກ່ອນໜ້ານີ້ ລັດວິສາຫະກິດຫວຍພັດທະນາລາວ ກໍໄດ້ອອກແຈ້ງການເຕືອນໄພວ່າ: ປັດຈຸບັນໄດ້ມີກຸ່ມຄົນບໍ່ຫວັງດີ ສ້າງເຟສບຸກປອມ ໂຄສະນາເຜີຍແຜ່ແອບອ້າງເອົາຮູບພາບ, ເຄື່ອງໝາຍການຄ້າ, ກາປະທັບ ຂອງບໍລິສັດລັດວິສາຫະກິດຫວຍພັດທະນາລາວ ໂພສລົງທາງສື່ອອນລາຍ ເຊັ່ນ: Facebook, whatsApp, line, massager ແລະ ອື່ນໆ ເພື່ອຕົວະຍົວະຫວັງເອົາເງິນຜູ້ທີ່ຫຼົງເຊື່ອ.

    ດ້ວຍຮູບການຕົວະວ່າ ສາມາດຮູ້ຜົນອອກເລກລາງວັນ 6 ໂຕເລກ ກ່ອນການອອກຫວຍແຕ່ລະຄັ້ງ ໂດຍໃຫ້ໂອນເງິນລົງທະບຽນຄ່າບອກຂໍ້ມູນໃນຈຳນວນຫຼາຍລ້ານກີບ ເຊິ່ງເກີດຄວາມເສຍຫາຍຕໍ່ຜູ້ຫຼົງເຊື້ອ ແລະ ກະທົບຕໍ່ພາບພົດ ແລະ ຊື່ສຽງຂອງບໍລິສັດລັດວິສາຫະກິດຫວຍພັດທະນາລາວ. ແລະບໍແມ່ນການກະທຳຂອງພະນັກງານບໍລິສັດລັດວິສາຫະກິດຫວຍພັດນາ.


    ສະນັ້ນ, ຖ້າທ່ານໃດມີຄວາມເສຍຫາຍ ກໍຂໍໃຫ້ນຳຫຼັກຖານເຂົ້າແຈ້ງຄວາມຕໍ່ເຈົ້າໜ້າທີ່ທີ່ກ່ຽວຂ້ອງ ຢູ່ກອງບັນຊາການ ປກສ ເມືອງ, ປກສ ແຂວງທີ່ທ່ານອາໄສຢູ່ໃຫ້ໄວເທົ່າທີ່ໄວໄດ້ ເພື່ອຕິດຕາມຫາຜູ້ກະທຳຜິດມາລົງໂທດຕາມລະບຽບກົດໝາຍ.

    ເວລາລົມກັບເວລາບໍຖືກແລ້ວໄປຂໍຮ້ອງມັນຄົນລະເລື່ອງເດີ້

    LEAVE A REPLY

    Please enter your comment!
    Please enter your name here