ມອບເງິນອຸດໜູນໃຫ້ຄອບຄົວຜູ້ເສຍຊີວິດຂອງນາຍ ແລະພົນທະຫານກອງບັນຊາການທະຫານແຂວງຫຼວງພະບາງ

    0
    46

    ຂ່າວສານຫລວງພະບາງ ລາຍງານວ່າ: ພິທີມອບເງິນອຸດໜູນໃຫ້ຄອບຄົວຜູ້ເສຍຊີວິດຂອງນາຍ ແລະພົນທະຫານຢູ່ກອງບັນຊາການທະຫານແຂວງຫຼວງພະບາງ ໄດ້ຈັດຂື້ນໃນຕອນບ່າຍຂອງວັນທີ 5 ເມສາ 2022 ນີ້ທີ່ຫ້ອງປະຊຸມຂອງຫ້ອງການເມືອງ. ໂດຍການເປັນປະທານ ຂອງສະຫາຍ ພັນໂທ ວິລະສິນ ມິດຕະພອນ ຄະນະພັກກອງບັນຊາການ ຮອງກອງບັນຊາການ ຫົວໜ້າຫ້ອງການເມືອງທະຫານແຂວງ, ມີພະແນກການທີ່ກ່ຽວຂ້ອງພາຍໃນຫ້ອງການເມືອງ, ຕະຫຼອດຮອດຄອບຄົວຜູ້ທີ່ເສຍຊີວິດຂອງນາຍ ແລະ ທະຫານເຂົ້າຮ່ວມ.


    ໃນນີ້ມີຄອບຄົວຂອງນາຍ ແລະ ພົນທະຫານ ແລະ ພະນັກງານບໍານານຜູ້ເສຍຊີວິດຈໍານວນ 5 ຄົນເປັນຈໍານວນເງີນ 376.529.820 ກີບ. ( ສາມຮ້ອຍເຈັດສິບຫົກລ້ານຫ້າແສນຊາວເກົ້າພັນແປດຮ້ອຍຊາວກີບ. ) ໂດຍແມ່ນ ສະຫາຍ ພັນໂທ ວິລະສິນ ມິດຕະພອນ ຄະນະພັກກອງບັນຊາການ ຮອງກອງບັນຊາການ ຫົວໜ້າຫ້ອງການເມືອງທະຫານແຂວງຫຼວງພະບາງ ເປັນຜູ້ໃຫ້ກຽດຂື້ນມອບເງີນຈໍານວນດັ່ງກ່າວໃຫ້ຄອບຄົວຂອງນາຍ ແລະ ພົນທະຫານທີ່ເສຍຊີວິດຢ່າງສົມກຽດ ແລະ ພ້ອມທັງໂອ້ລົມຕໍ່ພິທີ ເຊິ່ງສະຫາຍໄດ້ກ່າວວ່າ.

    ການມອບເງິນໃຫ້ຄອບຄົວຂອງນາຍ ແລະ ພົນທະຫານຜູ້ທີ່ເສຍຊີວິດຢູ່ກອງບັນຊາການທະຫານແຂວງຫຼວງພະບາງ ໃນຄັ້ງນີ້ແມ່ນແນວທາງປະຕິບັດນະໂຍບາຍຂອງພັກ – ລັດທີ່ມີຕໍ່ນາຍ ແລະພົນທະຫານທີ່ໄດ້ມີຜົນງານຄຸນງາມຄວາມດີປະກອບສ່ວນເຂົ້າໃນພາລະກິດປົກປັກຮັກສາ ແລະສ້າງສາພັດທະນາປະເທດຊາດ ຕໍ່ກັບຜົງານຄຸນງາມຄວາມດີດັ່ງກ່າວການຈັດຕັ້ງພັກ – ລັດຂັ້ນເທິງຈຶ່ງໄດ້ປະຕິບັດນະໂຍບາຍຢ່າງຖືກຕ້ອງ ແລະ ສອດຄ່ອງສົມເຫດ, ສົມຜົນ.

    ສະຫາຍ ຫົວໜ້າຫ້ອງການເມືອງທະຫານແຂວງ ຍັງໄດ້ຮຽກຮ້ອງໃຫ້ບັນດາຄອບຄົວຜູ້ທີ່ເສຍຊີວິດຂອງນາຍ ແລະພົນທະຫານຢູ່ກອງບັນຊາການທະຫານແຂວງຫຼວງພະບາງ ໃນຊຸດນີ້ຈົ່ງພ້ອມກັນນໍາເອົາເງິນຈໍານວນດັ່ງກ່າວ ໄປໝູນໃຊ້ເຂົ້າໃນການສ້າງສາພັດທະນາເສດຖະກິດແກ້ໄຂຊີວິດການເປັນຢູ່ຂອງຄອບຄົວໃຫ້ດີຂື້ນ. ເພີ່ມທະວີຄວາມສາມັກຄີພາຍໃນໃຫ້ແໜ້ນແຟ້ນສົມກັບວ່າກອງທັບກັບປະຊາຄືປາກັບນໍ້າ ແລະພ້ອມກັນນໍາເອົາເງີນຈໍານວນດັ່ງກ່າວໄປນໍາໃຊ້ເຂົ້າໃນການສ້າງສາພັດທະນາເສດຖະກິດແກ້ໄຂຊີວິດ ການເປັນຢູ່ຂອງຄອບຄົວໃຫ້ຮັ່ງມີເຂັ້ມ ແຂງ, ກາຍເປັນຄອບຄົວຕົວແບບ ແລະ ສາມາດຫຼຸດພົ້ນອອກຈາກຄວາມທຸກຍາກໄດ້ເທື່ອລະກ້າວ.

    ໂດຍ: ໄຊຍະສອນ ລັດຕະນະວົງ.

    LEAVE A REPLY

    Please enter your comment!
    Please enter your name here