ຕາດູຕົນເດ້ ຫຼານນ້ອຍຜູ້ອາພັບເຫຼືອພໍ່ຄົນດຽວກໍ່ຕາຍປະ ຕ້ອງມາອາໄສວັດຢູ່

    0
    164

    ຊາຍຄົນໜຶ່ງທີ່ເສຍຊີວິດຢ່າງປິດສະໜາ ແລະຖືກນຳໄປໃສ່ໂຮງເຢັນຂອງໂຮງໝໍ ເຊິ່ງມີສາວນ້ຳທິບໄດ້ຊ່ວຍເງິນມ້ຽນຄາບເສຍຄ່າໃຊ້ຈ່າຍໃຫ້ທັງໝົດ ໂດຍມີມູນນິທິຊ່ວຍເຫຼືອຄົນທຸກຍາກ ແຫ່ງ ສປປລາວ ເປັນທຸລະໃຫ້ ແຕ່ຕອນນີ້ຍັງລູກຊາຍບໍ່ມີທີ່ໄປ ໄດ້ອາໄສວັດເປັນທີ່ເພິ່ນ ແລະພະອາຈານໄດ້ປະກາດຫາຍາດພີ່ນ້ອງຜູ້ຈະມາຮັບໄປອຸປະກາລະ.


    ພະອາຈານບອກວ່າ ໃນເບຶ້ອງຕົ້ນ ຄິດວ່າຈະບໍ່ເອົາລົງເຟສ ແຕ່ພໍຄິດດີໆ ແລ້ວຖ້າເອົາລົງເຟສ ກໍ່ອາດຈະເປັນປາກກະບອກສຽງໜຶ່ງ ຊ່ວຍເຈົ້າໜ້າທີ່ ຫຼືພາກສ່ວນທີ່ກ່ຽວຂ້ອງ ໃນການສຶບຫາຍາດຕິພີ່ນ້ອງ ຂອງຫຼານນ້ອຍຄົນນີ້…ຜູ້ທີ່ມີຊີວິດເຕັມໄປດ້ວຍບັນຫາແລະອຸປະສັກ ຂາດຄວາມອົບອຸ່ນຈາກຄອບຄົວ ຕ້ອງພັດພາກຈາກຜູ້ເປັນແມ່ຕັ້ງແຕ່ຮຽນຢູ່ຊັ້ນປ1,ຕ້ອງອາໄສຢູ່ກັບຜູ້ເປັນພໍ່,ບໍ່ມີໂອກາດໄດ້ຮຽນໜັງສືຕໍ່ ແລະຕ້ອງມາສູນເສຍພໍ່ຜູ້ໃຫ້ກຳເນີດອີກ.

    ເລຶ້ອງມີຢູ່ວ່າ: ໃນຕອນເຊົ້າຂອງວັນທີ 26 ກຸມພາ2022 ທີ່ຜ່ານມາ ໄດ້ມີປະຊາຊົນທີ່ອາໄສຢູ່ຫ້ອງແຖວ ເຂດຮ່ອມ8ບ້ານດອນໜູນ ເມືອງໄຊທານີ ນະຄອນຫຼວງວຽງຈັນ ໄດ້ລາຍງານຕໍ່ອາກາດການປົກຄອງບ້ານວ່າ: ມີປະຊາຊົນນອນເສຍຊີວິດຄາຫ້ອງແຖວ ທາງອຳນາດການປົກຄອງບ້ານ ກໍ່ໄດ້ສົມທົບກັບ ປກສ ກຸ່ມບ້ານໄຊ ແລະ ກອງພິສູດຫຼັກຖານຂອງເມືອງ ລົງເກັບກຳຂໍ້ມູນ ແລະສັນລະສູດສົບ ກໍ່ໄດ້ພົບວ່າ: ຜູ້ທີ່ເສຍຊີວິດ ແມ່ນຊື່: ທ. ຊາຍ ອາຍຸປະມານ40ປີ,ເດີນທາງມາ2ຄົນກັບລູກ ມາແຕ່ເມືອງງອຍ ແຂວງຫຼວງພະບາງ ມາເຊົ່າຫ້ອງແຖວແຫ່ງນີ້ ເປັນເວລາ27ວັນ (ຕາມການບອກເລົ່າ ຈາກລູກແລະຄົນໃນຫ້ອງແຖວເພາະບໍ່ພົບເອກະສານຢັ້ງຢືນຕົວຕົນຕິດໂຕ).

    ຜ່ານການສັນລະສູດສົບພົບວ່າບໍ່ມີບາດແຜ ຖືກທຳຮ້າຍຮ່າງກາຍແຕ່ຢ່າງໃດ ພາກສ່ວນທີ່ກ່ຽວຂ້ອງນຶ່ງສັນນິຖານວ່າ “ນອນໄຫຼຕາຍ” ທາງພາກສ່ວນທີ່ກ່ຽວຂ້ອງຈຶ່ງຕົກລົງມອບສົບໃຫ້ບ້ານ ແລະເຈົ້າຂອງຫ້ອງແຖວ ເປັນຜູ້ທຳພິທີ ໃນທາງສາດສະໜາ ; ບ້ານຈຶ່ງໄດ້ປຶກສາກັບຄະນະນຳຂັ້ນເມືອງ ເພິ່ນຈຶ່ງແນະນຳໃຫ້ປະສານຫາ ມູນນິທິຊ່ວຍເຫຼືອຄົນທະກຍາກ ແຫ່ງ ສປປລາວ (ກູ້ໄພ1623) ທາງມູນນິທິຈຶ່ງໄດ້ ນຳເອົາສົບ ໄປເກັບໄວ້ໃນຫ້ອງເຢັນ ໃນໂຮງໝໍມະໂຫສົດ ເພື່ອລໍໃຫ້ຍາດພີ່ນ້ອງມາພົວພັນ (ປະຈຸບັນສົບລາວ ທາງມູນນິທິກໍ່ໄດ້ປະກອບພິທີຊາປະນະກິດສົບແລ້ວ ໃນວັນທີ ໃນວັນທີ29ເດຶອນມີນາ2022ຜ່ານມາ).


    ສ່ວນ ທ່າວອ້າຍ ຜູ້ເປັນລູກຊາຍ ອາຍຸ ປະມານ 10ປີ ແມ່ນໄດ້ນ້ຳມາມອບໃຫ້ກັບ ອາຕະມາ (ພຣະອາຈານ ສຸນິກອນ ວັດສີຊົມຊື່ນ ບ້ານດອນໜຸນ) ເພື່ອລໍຖ້າຍາດພີ່ນ້ອງມາພົ່ວພັນເອົາໄປເບິ່ງແຍງດູແລຕໍ່ ນັບຕັ້ງແຕ່ມື້ນັ້ນ (ວັນທີ26ກຸມພາ2022) ຈົນຮອດມື້ນີ້ ກໍ່ເປັນເວລາ 38 ວັນພໍດີ ແຕ່ກໍ່ຍັງບໍ່ມີຍາດພີ່ນ້ອງມາພົ່ວພັນເລີຍ ຊ່ວງໄລຍະເວລາທີ່ທີ່ຫຼານນ້ອຍໄດ້ມາຢູ່ນຳ ກໍເຮັດທຸກຢ່າງເທົ່າທີ່ຈະເຮັດໄດ້ ໃຫ້ຄວາມຮັກໃຫ້ຄວາມອົບອຸ່ນ ແລະໃຫ້ໄດ້ຮຽນໜັງສື ເຮັດໜ້າທີ່ຄວາມເປັນພໍ່ເປັນແມ່ໃຫ້ທັງໝົດ.
    ດັ່ງນັ້ນ ອາຕະມາຈຶ່ງຂໍໃຊ້ພື້ນທີ່ນີ້ ປະກາດຫາຍາດຕິພີ່ນ້ອງ ຖ້າຫາກແມ່ນລູກຫຼານ , ຍາດຕິພີ່ນ້ອງ ຫຼືບຸກຄົນໃດຫາກຮູ້ຍາດຕິພີ່ນ້ອງ ຂອງມ້າງ ອ້າຍ ນີ້ ຂໍໃຫ້ຕິດຕໍ່ພົ່ວພັນມາຫາ ທາງອຳນາດການປົກຄອງບ້ານດອນໜູນ ຫຼື ຕິດຕໍໂອລົມກັບອາຕະມາໂດຍກົງເລີຍກໍ່ໄດ້ ໂທ: 020 99333208 (ພຣະອາຈານ ສຸນິກອນ ຈະເລີນສຸກ)

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.