ເສັ້ນທາງດ່ວນ ນະຄອນຫຼວງວຽງຈັນຫົວພັນໃກ້ສູ່ຄວາມຈີງ ລົງນາມເລີ່ມສຶກສາຄວາມເປັນໄປໄດ້

    0
    104

    ເສັ້ນທາງດ່ວນວຽງຈັນ-ຫົວພັນ ລັງໄດ້ຂ່າວແວ່ວໆອາດຈະສ້າງ ປະຊາຊົນແມ່ນມີຄວາມຫວັງຂຶ້ນມາທັນທີເພາະປະຈຸບັນການເດີນທາງໃຊ້ເວລາຫຼາຍກວາ 10 ຊົ່ວໂມງ ທັງຍັງຄົດໂຄ້ງ ເຮັດໃຫ້ເສຍເວລາເດີນທາງ ຂະນະທີ່ການຂົນສົ່ງທາງອາກາດກໍ່ບໍ່ຄືກຄັກເທົ່າທີ່ຄວນ, ການ້ສາງເສັ້ນທາງດ່ວນຈິ່ງເປັນຄວາມຫວັງດຽວທີ່ຢາກໃຫ້ເກີດໄວທີ່ສຸດ.

    ແລະຕາມຂ່າວລາຍງານມື້ນີ້ ແມ່ນໄດ້ມີການເຊັນສັນຍາ ສຶກສາຄວາມເປັນໄປໄດ້ ໃນການພັດທະນາເສັ້ນທາງດ່ວນ ແຕ່ນະຄອນຫຼວງວຽງຈັນ ຫາ ແຂວງຫົວພັນ,ເຊິ່ງຈະແບ່ງອອກເປັນ 3 ໄລຍະທີ 1 ແຕ່ຫຼັກ 21 ເມືອງໄຊທານີ ນະຄອນຫຼວງວຽງຈັນ ຫາ ເມືອງອະນຸວົງ ແຂວງໄຊສົມບູນ; ໄລຍະ 2 ແຕ່ເມືອງອານຸວົງ ແຂວງໄຊສົມບູນ ຫາ ເມືອງແປກ ແຂວງຊຽງຂວາງ ແລະ ໄລຍະທີ 3 ແຕ່ເມືອງແປກ ແຂວງຊຽງຂວາງ ຫາ ຫົວເມືອງ ແຂວງຫົວພັນ.


    ພິທີເຊັນສັນຍາມີຂຶ້ນໃນວັນທີ 4 ເມສາ 2022 ນີ້ທີ່ກະຊວງແຜນການ ແລະການລົງທຶນ ຖ້າຫາກເປັນໄປໄດ້ໂຄງການນີ້ແມ່ນຈະດຳເນີນການກໍ່ສ້າງ ໃນຮູບແບບ BOT ລະຫວ່າງລັດຖະບານແຫ່ງ ສປປ ລາວ ກັບ ບໍລິສັດ ນານາຊິນ ຈຳກັດຜູ້ດຽວ ແລະ ບໍລິສັດ BIG BROTHER 456 COMPANY LIMITED.

    ແນ່ນອນຖ້າໂຄງການນີ້ມີສຳເລັດການສຳຫຼວດ ແລະຖ້າໄດ້ດຳເນີນການກໍ່ສ້າງຕົວຈີງຈະສົ່ງຜົນດີຕໍ່ການພັດທະນາເສດຖະກິດ-ສັງຄົມຂອງບັນດາແຂວງທີ່ຢູ່ຕາມແລວເສັ້ນທາງ ນັບແຕ່ແຂວງໄຊສົມບູນ, ຊຽງຂວາງ ແລະຫົວພັນບໍ່ໜ້ອຍເລີຍ.

    LEAVE A REPLY

    Please enter your comment!
    Please enter your name here