ຖົ່ວລຽນ ແລະໝາກພ້າວໄທ ເຖິງຕະຫຼາດຈີນຊຸດທຳອິດ ດ້ວຍເສັ້ນທາງລົດໄຟລາວ-ຈີນ

    0
    58

    ເປັນໄປຕາມທີ່ວາງແຜນໄວ້ ຕໍ່ຈາກນີ້ໄປ ສປປ ລາວຈະເປັນປະເທດທາງຜ່ານ ຂອງການຂົນສົ່ງ, ລາຍໄດ້ຈາກຂະແໜງໂລຈິດສະຕິກຈະຂຶ້ນມາຢູ່ແຖວໜ້າຂອງລາຍໄດ້ແຫ່ງຊາດ ແລະຖ້າປະຊາຊົນສາມາດໝູນໃຊ້ທ່າແຮງພາຍໃນໃຫ້ເກີດປະໂຫຍດສູງສຸດລາວກໍ່ຈະໄດ້ຫຼາຍຢ່າງຈາກເສັ້ນທາງລົດໄຟລາວ-ຈີນ ຂໍຢ້ຳຈະຖີ້ມໃສ່ພາກລັດບໍ່ໄດ້ເນື່ອງຈາກລັດເປັນພຽງຂົວຕໍ່ລະຫວ່າງລັດດ້ວຍກັນ ເພື່ອເປີດທາງໃຫ້ປະຊາຊົນ ນັກທຸລະກິດເຮັດການຄ້າຮ່ວມກັນແຕ່ບໍ່ແມ່ນລັດລົງມືເອງ.

    ຕາມລາຍງານຂອງສື່ໄທແມ່ນໝາກທົ່ວລຽນ ແລະ ໝາກພ້າວຂອງໄທຊຸດທຳອິດໄດ້ສົ່ງໄປຍັງຕະຫຼາດ ສປ ຈີນຮອດຈຸດໝາຍປາຍທາງເປັນທີ່ຮຽບຮ້ອຍແລ້ວ ໃຊ້ໄລຍະເວລາທັງໝົດ 3 ວັນເຄິ່ງ.

    ສຳລັນັກຂ່າວຊີນຫົວໄດ້ລາຍງານວ່າ ໝາກໄມໄທຖືກຂົນສົ່ງຈາກນະຄອນຫຼວງວຽງຈັນຂອງລາວ ໄປຍັງມົນທົນຢູນນານ ຕະເວັນຕົກສ່ຽງໃຕ້ຂອງຈີນ ສ່ວນໜຶ່ງຂອງການເດີນທາງ ແມ່ນຜ່ານເສັ້ນທາງລົດໄຟລາວ-ຈີນ ເປັນຫາກໍ່ນຳໃຊ້ເສັ້ນທາງນີ້ເປັນຄັ້ງທຳອິດ.

    ສຳລັບການຂົນສົ່ງໝາກໄມ້ຊຸດທຳອິດໄປຍັງ ສປ ຈີນ ຂອງໄທໃນຄັ້ງນີ້ ມີໝາກທົ່ວຖົ່ວລຽນ 40 ໂຕ່ນ, ໝາກພ້າວ 20 ໂຕນ ຂົນສົ່ງຈາກໄທຮອດລາວເມື່ອບໍ່ດົນມານີ້ ກ່ອນຈະນຳມາຂົນສົ່ງຕໍ່ຜ່ານເສັ້ນທາງລົດໄຟລາວ-ຈີນ ໄປຍັງສະຖານີນາເຕີຍ ແຂວງຫຼວງນ້ຳທາຂອງລາວ ເຊິ່ງມີຊາຍແດນຕິດກັບ ສປ ຈີນຈາກນັ້ນຈິ່ງຂ້າມແດນໄປຍັງປາຍທາງທີ່ກຳນົດໄວ້.

    ບໍລິສັດລົດໄຟລາວ-ຈີນ ຈຳກັດ ຜູ້ຮັບຜິດຊອບການດຳເນີນງານທາງລົດໄຟໃນສ່ວນຂອງລາວຄາດວ່າ ຈະຂົນສົ່ງຜົນຜະລິດຄຸນນະພາບສູງຈາກໄທໄປສປ ຈີນ ຕໍ່ໄປຢູໂຣບ ຜ່ານທາງລົດໄຟຂ້າມຊາຍແດນໃນອະນາຄົດດ້ວຍປະລິມານຫຼາຍຂຶ້ນ.

    ທ່ານ ອານຸສັກ ສາຍພານິດ ນາຍົກສະມາຄົມຖົ່ວລຽນໄທເຜີຍວ່າ ເປັນໂອກາດທີ່ດີ ໃນການແກ້ໄຂບັນຫາການຂົນສົ່ງໝາກໄມ້ໄທໄປສູ່ຈີນ ໂດຍການຂົນສົ່ງຖົ່ວລຽນ ແລະໝາກພ້າວຊຸດນີ້ ໃຊ້ເວລາປະມານ 3 ວັນເຄິ່ງກໍ່ເຖິງຈຸດໝາຍປາຍທາງທີ່ປະເທດຈີນແລ້ວ ນັບເປັນບາດກ້າສຳຄັນຂອງການຂົນສົ່ງໝາກໄມ້ໄທ ໂດຍສະເພາະຖົ່ວລຽນ ແລະໝາກມັງຄຸດທີ່ກຳລັງຈະມີຜົນຜະລິດໃນປະລິມານຫຼາຍພາຍໃນເດືອນເມສານີ້.


    ການຂົນສົ່ງໝາກຖົ່ວລຽນໄປຈີນຜ່ານລົດໄຟຄວາມໄວສູງລາວ-ຈີນ ຈະມີຄວາມພິເສດເພາະຈ້ອງຂົນສົ່ງດ້ວຍວິທີພິເສດ ຕິດຕັ້ງລະບົບຄວາມເຢັນໃຫ້ຕູ້ຄອນເທນເນີ້ ໃຊ້ເຄື່ອງທຳຄວາມເຢັນຂະໜາດ 40 ຟຸດ ຕິດຕັ້ງເຄື່ອງກຳເນີດໄຟຟ້າ ເຕີມນ້ຳມັນເຕັມຖັງຈະສາມາດຮັກສາຄວາມເຢັນໄດ້ຍາວນານເຖິງ 140 ຊົ່ວໂມງ ຖືວ່າເປັນຂະບວນການທີ່ບໍ່ທຳມະດາ ເຮັດໃຫ້ຕະຫຼາດປາຍທາງໄດ້ບໍລິໂພກສິນຄ້າສົດຂຶ້ນ.

    LEAVE A REPLY

    Please enter your comment!
    Please enter your name here