ເຕືອນຝົນຕົກໜັກ! ພາຍຸທ້ອງຖິ່ນພາກເຫຼືອ ແລະພາກໃຕ້ກຽມຮັບມື

    0
    115

    ອຸຕຸເຕືອນຝົນຕົກຫນັກຟ້າຮ້ອງ-ຟ້າເຫຼື້ອມໃນແຕ່ລະພາກ ໄລຍະ​ 28-31​ ມີນານີ້ ຂໍໃຫ້ພໍ່ແມ່ປະຊາຊົນຢ່າປະໝາດ ແລະມີສະຕິຮັບມືຕໍ່ການປ່ຽນແປງຂອງດິນຟ້າອາກາດ ບໍ່ໃຫ້ສົ່ງຜົນກະທົບຕໍ່ຊີວິດ ແລະຊັບສິນ.


    ພະຍາກອນອາກາດອາທິດນີ້ ກົມ​ອຸຕຸນິຍົມ​ ແລະ​ ອຸທົກກະສາດ​ ມີຄຳເຕືອນໃຫ້ເຝົ້າລະວັງສະພາບຝົນຕົກໜັກຟ້າຮ້ອງ -ຟ້າເຫຼື້ອມໃນໄລຍະວັນທີ 28 ຫາ 31 ມີນາ 2022​ ເນື່ອງຈາກມວນອາກາດເຢັນຈາກປະເທດຈີນຈະແຜ່ລົງມາປົກຄຸມຢູ່ທຸກພາກຂອງປະເທດລາວດ້ວຍກຳລັງອ່ອນ ຫາ ປານກາງ.

    ສົມທົບກັບກະລົມຕາເວັນອອກ ແລະ ຕາເວັນອອກສ່ຽງໃຕ້ພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ມີຝົນຕົກຟ້າຮ້ອງ-ຟ້າເຫຼື້ອມໃນລະດັບຄ່ອຍ ຫາ ປານກາງ ແລະ ຕົກໜັກ, ໝາກເຫັບຕົກ ພ້ອມເກີດມີລົມພາຍຸທ້ອງຖີ່ນ ແລະ ຟ້າຜ່າ ເປັນບາງໂອກາດແຂວງພາກເໜືອ ແລະ ພາກໃຕ້.


    ຈິ່ງແຈ້ງເຕືອນເຖິງປະຊາຊົນບັນດາເຜົ່າ, ອຳນາດການປົກຄອງ ແລະ ອົງການຈັດຕັ້ງທຸກພາກສ່ວນ ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ, ຟ້າຮ້ອງ-ຟ້າເຫຼື້ອມ ແລະ ຟ້າຜ່າ, ລົມພາຍຸທ້ອງຖີ່ນທີ່ຈະເຮັດໃຫ້ມີຕົ້ນໄມ້, ເສົາໄຟຟ້າ,ປ້າຍໂຄສະນາຫັກລົ້ມ ແລະ ຫຼັງຄາເຮືອນເປ່ເພ, ພ້ອມໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ເປັນປະຈຳ.

    LEAVE A REPLY

    Please enter your comment!
    Please enter your name here