ມາຮູ້ຈັກ ໂ ຄ ວິ ດ-19 ສາຍພັນໂອໄມຄຣອນ ທີ່ລະບາດໃນປັດຈຸບັນ ລວມເຖິງອາການໃນແຕ່ສາຍພັນ

    0
    237

    ຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດພະຍາດໂຄວິດ-19 ຖະແຫຼງຂ່າວໃນວັນທີ28 ມີນາ 2022ວ່າ: ປະເທດຂອງພວກເຮົາ ປັດຈຸບັນ ການລະບາດສ່ວນໃຫຍ່ ກໍ່ແມ່ນມາຈາກສາຍພັນໂອໄມຄຣອນ, ສະນັ້ນ ມື້ີນີ້ ຂ້າພະເຈົ້າ ຈະມາປຽບທຽບ ໃຫ້ບັນດາຮັບຊາບ ແລະ ເຫັນເຖິງຄວາມແຕກຕ່າງ ຂອງໂອໄມຄຣອນ ທັງ 3 ສາຍພັນ ໄດ້ແກ່ ໂອໄມຄຣອນ ສາຍພັນ BA.1, BA.2 ແລະ BA.2.2 ໃຫ້ບັນດາທ່ານຮັບຊາບ ຄືດັ່ງນີ້:

    1. ໂອໄມຄຣອນ BA.1 ຖືກຄົ້ນພົບຄັ້ງທຳອິດ ທີ່ທະວີບອາຟຣິກາໃຕ້ ໃນເດືອນພະຈິກ ປີ 2021. ຂໍ້ສັງເກດແມ່ນ ບໍ່ຄ່ອຍສະແດງອາການ ເຖິງໄດ້ຮັບການສັກວັກຊີນແລ້ວ ກໍ່ສາມາດຕິດເຊື້ອໄດ້. ອາການທີ່ສາມາດພົບໄດ້ ປະກອບມີ: ອ່ອນເພຍ, ເມື່ອຍງ່າຍ, ປວດຕາມຕົນໂຕກ້າມຊ້ີ້ນ, ບໍ່ຄ່ອຍມີໄຂ້, ໄອເລັກນ້ອຍ, ເຈັບຄໍ ແລະ ເຫື່ອອອກຫຼາຍຕອນກາງຄືນ.
    2. ໂອໄມຄຣອນ BA.2 ຖືກຄົ້ນພົບຄັ້ງທຳອິດ ໃນເດືອນມັງກອນ ປີ 2022, ຂໍ້ສັງເກດ ກໍ່ຄື ສາມາດແຜ່ລະບາດໄດ້ງ່າຍ ແລະ ໄວກວ່າເກົ່າ ເຖິງ 10% ແຕ່ອາການບໍ່ຮຸນແຮງ.
    3. ໂອໄມຄຣອນ BA.2.2 ຖືກຄົ້ນພົບຄັ້ງທຳອິດ ທີ່ຮ່ອງກົງ ໃນເດືອນມີນາ ປີ 2022, ຂໍ້ສັງເກດ ກໍ່ຄື ພົບວ່າມີຜູ້ເສຍຊີວິດເພິ່ມສູງຂຶ້ນ; ສາຍພັນ BA.2.2 ແຕກຕ່າງຈາກ ໂອໄມຄຣອນ ສາຍພັນ BA.1 ແລະ BA.2 ຄືການລະບາດເພິ່ມຂຶ້ນກວ່າ ທຸກສາຍພັນປະມານ 35% ແລະ ພົບຜູ້ເສຍຊີວິດໃນຮ່ອງກົງສູງສຸດ ຕິດອັນດັບໂລກ.

    ເຖິງແມ່ນວ່າ ສາຍພັນ ໂອໄມຄຣອນ ຈະມີອາການທີ່ບໍ່ຮຸນແຮງຫຼາຍ ແຕ່ທຸກຄົນກໍ່ບໍ່ຄວນປະໝາດ ເຖິງຈະໄດ້ຮັບການສັກວັກຊີນຄົບໂດສ ຫຼື ເຂັມກະຕຸ້ນແລ້ວກໍ່ຕາມ ແຕ່ທ່ານກໍ່ຍັງສາມາດຕິດເຊື້ອໄດ້. ດ່ັງນັ້ນ, ວິທີທີ່ດີທີ່ສຸດ ນອກຈາກການສັກວັກຊີນ ກໍ່ຄື ການເພິ່ມທະວີ ການປ້ອງກັນຕົນເອງຢ່າງເຂັ້ມງວດ ໃສ່ຜ້າປິດປາກດັງທຸກຄັ້ງ ເມື່ອອອກຈາກບ້ານ ຫຼື ຢູ່ໃນສະຖານທີ່ແອອັດ, ພະຍາຍາມຫຼີກລ້ຽງ ສະຖານທີ່ ທີ່ມີຄົນຢູ່ຈຳນວນຫຼາຍ ແລະ ໝັ່ນລ້າງມືດ້ວຍສະບູ່ ຫຼື ເຈວລ້າງມືຂ້າເຊື້ອ ໃຫ້ກາຍເປັນນິໄສ ເພື່ອປ້ອງກັນຕົນເອງ ແລະ ຄົນອ້ອມຂ້າງໃຫ້ຫ່າງໄກຈາກເຊື້ອພະຍາດໂຄວິດໃຫ້ຫຼາຍທີ່ສຸດ.


    ໂຄວິດໂອໄມຄຣອນ ສາມາດແຜ່ກະຈາຍຈາກຄົນສູ່ຄົນ ໄດ້ທາງລະອອງຝອຍ, ຂີ້ກະເທີ່, ນ້ຳລາຍ ໂດຍຜ່ານການສຳຜັດຕາ, ດັງ, ປາກ. ສະນັ້ນ, ຖ້າຫາກທ່ານ ມີປະຫວັດເດີນທາງໄປສະຖານທີ່ສ່ຽງ ຄວນກວດດ້ວຍຊຸດເຄື່ອງກວດແບບໄວ ATK, ໝັ່ນສັງເກດອາການຂອງຕົນເອງ ຫາກບໍ່ດີຂຶ້ນ ຄວນໄປພົບແພດ. ສຳລັບ ຜູ້ສູງອາຍຸ ຫຼື ຜູ້ທີ່ມີພະຍາດປະຈຳໂຕ ຄວນຮີບຮ້ອນໄປພົບແພດ ເພື່ອໃຫ້ແພດປະເມີນອາການ ແລະ ຕິດຕາມອາການຢ່າງໃກ້ຊິດ.

    LEAVE A REPLY

    Please enter your comment!
    Please enter your name here