ນ້ອງໃບເຂົ້າ ເດັກນ້ອຍຍອດກະຕັນຍູ ລຳບາກເຖິງຕ້ອງທົນຍາກຈົນຈຶ່ງຕ້ອງສູ້ ເພື່ອຄອບຄົວຢູ່ລອດ

    0
    76

    ມີອີກໜຶ່ງເລື່ອງລາວທີ່ໜ້າຊື່ນຊົມເດັກຍອດກະຕັນຍູ ສຸດຍອດນັກສູ້ “ນ້ອງໃບເຂົ້າ” ເດັກຍິງ ກັນກະມົນ ສຸມາພອນ ອາຍຸ 11 ປີ ເຊິ່ງເປັນແມ່ຄ້າຂາຍເຂົ້າໜົມເບື້ອງຊ່ວຍແບ່ງເບົາພາລະພໍ່ແມ່ ຮ້ານຕັ້ງຢູ່ໜ້າວັດຜະດຸງເຂດ ຕ.ສາລາກາງ ອ.ບາງກວຍ ຈ.ນົນທະບຸລີ

    ຕອນນີ້ນ້ອງໃບເຂົ້າເປັນທີ່ຮູ້ຈັກໃນສັງຄົມອອນລາຍ ຫຼັງຈາກເຄີຍໄປອອກລາຍການຊຸບເປີ້ເທັນ ຫຼາຍຄົນເຂົ້າມາຊື່ນຊົມໃນຄວາມເປັນນັກສູ້ ຂະຫຍັນອົດທົນ ຮັກຄອບຄົວ ໂດຍຂະນະໄປອອກລາຍການອາຍຸຫາກໍ່ໄດ້ 10 ປີ ລ່າສຸດຕອນນີ້ນ້ອງອາຍຸ 11 ປີແລ້ວ ຮຽນຢູ່ຊັ້ນ ປ.5 ແລະ ຍັງຄົງສູ້ຊີວິດ ຊ່ວຍແບ່ງເບົາພາລະຂອງພໍ່ແມ່

    ນ້ອງໃບເຂົ້າບອກວ່າ ຄອບຄົວມີກັນ 6 ຄົນ ໂດຍມີພໍ່ແມ່ ຕົວເອງ ແລະ ນ້ອງອີກ 3 ຄົນ ໂດຍເລີ່ມເຮັດເຂົ້າໜົມເບື້ອງຂາຍຊ່ວຍພໍ່ແມ່ຕັ້ງແຕ່ອາຍຸ 7 ປີ ເຊິ່ງຕອນທຳອິດພຽງນຶກສະໜຸກ ລອງຮຽນເຮັດຫຼັງຈາກອມ່ປິດເຕົາ ສ່ວນແມ່ກໍ່ຄອຍຫ້າມ ເພາະຍ້ານຈະໄດ້ຮັບອັນຕະລາຍຈາກຄວາມຮ້ອນ ເນື່ອງຈາກນ້ອງຍັງນ້ອຍ ແຕ່ຄົນເປັນພໍ່ແມ່ເຫັນແລ້ວຊື່ນຊົມ ແລະ ປ່ອຍໃຫ້ເຮັດຈົນຄ່ອງມື ສອນວິທີຕີແປ້ງ ປັ່ນຄີມ ຈົນຄ່ອງມືຊ່ຽວຊານ

    ນ້ອງໃບເຂົ້າ ບອກອີກວ່າ ເລີ່ມເຮັດຢ່າງຈິງຈັງຕອນທີ່ຄອບຄົວມີບັນຫາ ຕ້ອງຍ້າຍອອກຈາກເຮືອນ ບໍ່ມີບ່ອນຢູ່ ພໍ່ແມ່ບໍ່ມີເງິນເຊົ່າຫ້ອງ ຕ້ອງພາກັນມາຢູ່ອາໄສທີ່ຮ້ານຂາຍເຂົ້າໜົມເບື້ອງ ເພາະຕ້ອງເກັບເງິນໄວ້ເປັນທຶນຊື້ເຄື່ອງມາເຮັດເຂົ້າໜົມເບື້ອງຂາຍກ່ອນຊ່ວງໂລກລະບາດກໍ່ຂາຍໄດ້ມື້ລະຫຼັກພັນບາດ ໂດຍສະເພາະຊ່ວງເທດສະການ ກໍ່ຈະຂາຍໄດ້ 3-4 ພັນບາດ ແຕ່ຫຼັງໂລກລະບາດຄົນກໍ່ອອກມາໜ້ອຍລົງລາຍໄດ້ກໍ່ລົດລົງ ບາງມື້ບໍ່ໄກ້ເຖິງ 500 ບາດກໍ່ມີ

    LEAVE A REPLY

    Please enter your comment!
    Please enter your name here