ຍັງບໍ່ໄດ້ຮັບການແກ້ໄຂ ຫາງສຽງຈາກປະຊາຊົນ ສຽງຈາກດົນຕີ ແລະ ສຽງເພງ ລົບກວນໃນເວລາຍາມຄ່ຳຄືນຈາກຮ້ານອາຫານ

0
77

ຊີໄດ້ແຕ່ສຽງຈົ່ມບໍ? (ວິດີໂອນີ້ຖ່າຍສົດໃນເວລາປະມານ 11 ໂມງປາຍ)

ສະບາຍດີ ທຸກຄົນໆ. ຄືນນີ້ຂ້າພະເຈົ້ານອນບໍ໋ຫຼັບເນື່ອງຈາກໄດ້ຮັບຄື້ນສຽງຈາກດົນຕີ ແລະ ສຽງເຟງ ພ້ອມດ້ວຍສຽງໂຄສົກບັນຍາຍຢ່າງຄືກຄື້ນ ຈາກຮ້ານອາຫານ ປະກາຍເພັດ2, ທີ່ຕັ້ງຢູ່ບ້ານໜອງໄຮ, ຮ່່ອມ01,ເມືອງຫາດຊາຍຟອງ, ນະຄອນຫຼວງວຽງຈັນ, ເຖີງແມ່ນວ່າ ຂ້າພະເຈົ້າໄດ້ໄປລົມກັນທາງຮ້ານອາຫານເພື່ອໃຫ້ຜ່ອນສຽງລົບກວນ ແລະ ຊອກວິທີແກ້ໄຂ້ເພື່ອບໍ່ໃຫ້ມີສຽງລົມກວນຕໍ່ຜູ້ທີ່ຢູ່ອາໃສໃນບໍລິເວນນັ້ນ, ໂດຍສະເພາະກໍ່ແມ່ນຄອບຄົວຂອງຂ້າພະເຈົ້າ ກໍ່ຕາມແຕ່ບັນຫາກໍ່ຍັງບໍ່ໄດ້ຮັບການແກ້ໄຂ. ນອກຈາກນັ້ນ, ຂ້າພະເຈົ້າກໍ່ເຄີຍຕິດຕໍ່ໃຫ້ນາຍບ້ານ ແລະ ພາກສ່ວນທີ່ກ່ຽວຂ້ອງອື່ນໆ

ເພື່ອມາແກ້ໄຂ, ແຕ່ບັນຫາກໍ່ຍັງເໜືອນເດີມ (ບໍ່ໄດ້ຖືກແກ້ໄຂ). ແຕ່ສີ່ງທີ່ສໍາຄັນ ແລະ ໜ້າສົນໃຈໄປກວ່ານັ້ນ, ທາງນະຄອນຫຼວງວຽງຈັນ ກໍ່ໄດ້ອອກຄໍາສັ່ງສະບັບເລກທີ 03/ຈນວ, ລົງວັນທີ 16 ມີນາ 2022 ວ່າດ້ວຍ ການຫ້າມເປີດເຄື່ອງຂະຫຍາຍສຽງດົນຕີ ແລະ ເສບດົນຕີສົ່ງສຽງເນືອງນັນລົບກວນຄົນໃນຄອບຄົວ ແລະ ເຮືອນຂ້າງຄຽງ. ເມື່ອຂ້າພະເຈົ້າໄດ້ຮັບຄໍາສັ່ງສະບັບນີ້ ແລະ ຂໍ້ມູນຄ້າຍຄືກັນນີ້ຜ່ານທາງສັງຄົມອອນລາຍ ກໍ່ຮູ້ສືກດີໃຈ,ເຫັນຄວາມສໍາຄັນ ແລະ ມີຄວາມເຊື້ອໜັ້ນຕໍ່ອໍານາດການປົກຄອງທີ່ກ່ຽວຂ້ອງ, ໂດຍສະເພາະແມ່ນອໍານາດການປົກຄອງນະຄອນຫຼວງວຽງຈັນເຊີ່ງຍາມໃດ

ກໍ່ເອົາໃຈໃສ່ເບີ່ງແຍງຄວາມສະຫງົບສຸກຂອງປະຊາຊົນບ້ານເມືອງ. ຄໍ່າຄືນນີ້, ຂ້າພະເຈົ້າໄດ້ເຂົ້ານອນປະມານ 11 ໂມງຍັງ ແລະ ກໍ່ເຊືອບຫຼັບໄປປະມານ 30 ນາທີຍ້ອນຄວາມອິດເມື່ອຍຈາກການເຮັດວຽກໝົດມື້ ແຕ່ເມື່ອຮູ້ເມືອມືນຕາຂື້ນມາກໍ່ຍັງໄດ້ຍີນສຽງດົນຕີ ແລະ ສຽງເຟງຟົດສະໜັນ ພ້ອມດ້ວຍສຽງໂຄສົກຊວນແຂກຕໍາຈອກ. ຂ້າພະເຈົ້າໄດ້ເປີດເບີ່ງຄໍາສັ່ງໃນໂທລະສັບມືຖື ແລະ ອ່ານເບີ່ງ, ແລະ ເຫັນວ່າຢູ່ໃນຂໍ້ ຄ, ໄດ້ລະບຸເບີ່ງສາຍດ່ວນໄວ້. ດັ່ງນັ້ນ, ເລີຍໂທຕິດຕໍ່ຫາເບີໂທລະສັບສາຍດ່ວນດັ່ງກ່າວຫຼາຍຄັ້ງ,ແຕ່ບໍ່ມີຄົນຮັບໂທລະສັບທັງໆທີ່ເບີສາຍດ່ວນນັ້ນມີຮອດສາມເບີ. ຕໍ່ກັບບັນຫາດັ່ງກ່າວນີ້, ຂ້າພະເຈົ້າພຽງແຕ່ຢາກຖາມວ່າ:

1. ພວກສ່ວນທີ່ກ່ຽວຂ້ອງໄດ້ມີຄວາມພ້ອມແລ້ວບໍໃນການຈັດຕັ້ງປະຕິບັດຄໍາສັງດັ່ງກ່າວນີ້?

2. ມີຄົນຈໍານວນໜື່ງອາດຈະເປັນຜູ້ໄດ້ຮັບຜົນກະທົບຄືກັນກັບຂ້າພະເຈົ້າ. ທ່ານຄິດວ່າການຈັດຕັ້ງປະຕິບັັດຄໍາສັ່ງນີ້ມີປະສິດທິພາບບໍ? (ໄດ້ຮັບໜາກຜົນບໍ?), ໝາຍຄວາມວ່າມັນສາມາດຊ່ວຍແກ້ໄຂໄດ້ບໍ?

ສໍາລັບຂ້າພະເຈົ້າແລ້ວເຫັນການອອກຄໍາສັ່ງນີ້ແມ່ນດີທີ່ສຸດຖ້າຫາກມັນໄດ້ຖືກຈັດຕັ້ງປະຕິບັດຢ່າງຈີງຈັງ. ແຕ່ຖ້າການຈັດຕັ້ງປະຕິບັດບໍ່ມີປະສິດທິພາບຫຼື ສັ່ງອອກມາຊື່ໆເຮັດຫຍັງກໍ່ບໍ່ໄດ້, ສະພາບຍັງຄືເກົ່າ, ຂ້າພະເຈົ້າຄິດວ່າຍົກເລີກດີກວ່າເພາະວ່າປະຊາຊົນ, ໂດຍສະເພາະແມ່ນຄອບຄົວທີ່ໄດ້ຮັບຜົນກະທົບມີຄວາມຄອງຄອຍ ແລະ ຄວາມຫວັງຈາກການຈັດຕັ້ງປະຕິບັດຄໍາສັ່ງນີ້, ແຕ່ທີ່ສໍາຄັນໄປກວ່ານັ້ນ, ຄວາມສັດທາ ແລະ ຄວາມເຊື່ອໜັ້ນຂອງສັງຄົມໜ່ອຍລົງ (ຫຼາຍຄົນຈົ່ມວ່າ “ຄໍາສັ່ງອອກມາກະເທົ່ານັ້ນລະ”) ຖ້າອອກມາແລ້ວ ແລະ ເຮັດບໍ່ໄດ້ ມື້ນີ້ເດີກແລ້ວ, ຂໍໄປນອນກ່ອນ. ມື້ໜ້າຈະມາຈົ່ມສູ່່ຟັງຕື່ມຖ້າບັນຫາຍັງບໍ່ທັນໄດ້ແກ້ໄຂ

ຄລິບວິດີໂອ