ສາວນ້ອຍມະຫັດສະຈັນ ເຮັດທຸລະກິດສຳເລັດສຸດປັງກຽມກະສຽນອາຍຸ 15 ປີ ທີ່ແທ້ເຮັດອາຊີບນີ້

    0
    160

    ເມື່ອວັນທີ່ 6 ທັນວາ ທີ່ຜ່ານມາເວັບໄຊນິວຍອກໂພສ ເຜີຍເລື່ອງລາວຈອງພິກຊີ ເຄີຕິສ ເດັກຍິງນັກປະກອບການລຸ້ນເຍົາວະຊົນອາຍຸພຽງ 10 ປີ ຈາກນະຄອນຊິດນີປະເທດອອສເຕເລຍ ລາວໄດ້ຮັບການຊື່ນຊົມ ແລະ ຖືກເອີ້ນວ່າເປັນສາວນ້ອຍມະຫັດສະຈັນ ເມື່ອທຸລະກິດສ່ວນຕົວຂອງລາວປະສົບຄວາມສຳເລັດໄດ້ຢ່າງໜ້າທຶ້ງ

    ພິກຊີເລີ່ມຕົ້ນເຮັດທຸລະກິດຕັ້ງແຕ່ເມື່ອປີ 2554 ໂດຍໄດ້ຮັບຄວາມຊ່ວຍເຫຼືອຈາກໂຣຊີ ແມ່ຂອງລາວ ທຸລະກິດແລກເປັນເຄື່ອງປະດັບ ແລະ ເຄື່ອງຫຼິ້ນ ໃສ່ຊື່ວ່າ Pixie’s Bows ຈາກນັ້ນໃນເດືອນພຶດສະພາປີດຽວກັນ ກໍ່ຕາມມາດ້ວຍທຸລະກິດເຄື່ອງຫຼິ້ນ ຊື່ວ່າ Pixie’s Fidgets ເຊິ່ງມັນປະສົບຄວາມສຳເລັດຢ່າງເຫຼືອເຊື່ອ

    ໂດຍສິນຄ້າເຄື່ອງຫຼິ້ນທີ່ເປົ່າຟອງສະບູ່ຫຼາກຫຼາຍສີສັນຂາຍໝົດກ້ຽງໃນ 48 ຊົ່ວໂມງແລກ ແລະ ພຽງເດືອນແລກເດືອນດຽວທີ່ສິນຄ້າຂອງ Pixie’ Fidgets ອອກວາງຈຳໜ່າຍກໍ່ມີຍອດຂາຍຫຼາຍເຖິງ 200,000 ໂດລາ ໃນຂະນະທີ່ທຸລະກິດເຄື່ອງປະດັບຜົມ Pixie’ s Bows ກໍ່ໄປໄດ້ງາມເຊັ່ນດຽວກັນ ໂດຍສະເພາະຊ່ອງທາງຈຳໜ່າຍທາງອອນລາຍ ສາວນ້ອຍພິກຊີກໍ່ສາມາດເປັນພີເຊັນເຕີດ້ວຍຕົນເອງ ລາວໂປຣໂໝດສິນຄ້າຜ່ານທາງໂຊຊຽວເທິງບັນຊີອິນສະຕາແກຣມຂອງລາວທີ່ມີຜູ້ຕິດຕາມເກືອບ 100,000 ຟອລໂລເວີ້

    ໂຣຊີ ເຜີຍວ່າ ທັງສອງກິດຈະການ ທັງ Pixie’s Bows ແລະ Pixie’s Fidgets ຄາດວ່າຈະມີລາຍໄດ້ 21 ລ້ານໂດລາ ໃນ 10 ປີຂ້າງໜ້າ ດ້ວຍຜົນປະກອບການແລະແນວໂນ້ມການເຕີບໂຕຂອງທຸລະກິດຂອງລູກສາວ ໂຣຊີຄາດວ່າ ລູກສາວສາມາດກະສຽນຢຸດເຮັດວຽກໄດ້ຕັ້ງແຕ່ອາຍຸ 15 ປີ

    ທັງນີ້ທັງນັ້ນ ໂຣຊີ ເຜີຍຢ່າງພູມໃຈວ່າ ສິ່ງທີ່ຄຸ້ມຄ່າທີ່ສຸດສຳຫຼັບສິ່ງທີ່ເກີດຂຶ້ນນີ້ບໍ່ແມ່ນເລື່ອງຂອງເງິນ ແຕ່ຄືການທີ່ລາວໄດ້ເຝົ້າເບິ່ງຄວາມມຸ່ງໝັ້ນຕັ້ງໃຈ ແລະ ຄວາມຄິດທີ່ສຽບແຫຼມທາງທຸລະກິດຂອງລູກສາວ ມັນຄືຈິດວິນຍານຂອງຜູ້ປະກອບການທີ່ລາວມີຕັ້ງແຕ່ອາຍຸຍັງນ້ອຍ ເຊິ່ງຂ້ອຍບໍ່ເຄີຍມີມັນຕອນຂ້ອຍອາຍຸ 14 ຂ້ອຍໄດ້ແຕ່ເຮັດວຽກທີ່ແມັກໂດນັລ ເພາະນັ້ນຄືສິ່ງທີ່ຄົນເຮັດໃນສະໄໝຂອງຂ້ອຍ ໂຣຊີ ກ່າວ

    ຂະນະທີ່ທາງດ້ານພິກຊີ ກ່າວວ່າ ລາວວາງແຜນທີ່ຈະໃຊ້ລາຍໄດ້ຂອງລາວເພື່ອລ້ຽງແມ່ຢາກໃຫ້ແມ່ໄດ້ໄປຊັອບປິ້ງແລະໄປທ່ຽວມື້ພັກຜ່ອນທີ່ດີ ລູກຈະໄປຫາເສື້ອຜ້າໃໝ່ໃຫ້ແມ່ ເພາະແມ່ບໍ່ມີເສື້ອຜ້າດີໆເລີຍມື້ນີ້ ໝູ່ຂອງລູກບອກວ່າ ຄອບຄົວຂອງເຂົາກຳລັງຈະໄປທ່ຽວປາຣີໃນຊ່ວງຄິສມາດ ແລະ ລູກຄິດວ່ານັ້ນວິເສດຫຼາຍ ລູກເລີຍບອກແມ່ວ່າ ລູກຄິດວ່າເຮົາຄວນໄປທ່ຽວສະຖານທີ່ມັກກັນ ເຊິ່ງນັ້ນກໍ່ຄື ເກາະຟິຈິ

    LEAVE A REPLY

    Please enter your comment!
    Please enter your name here