ໂຊກບໍ່ເຂົ້າຂ້າງ ອາຊີບພະນັກງານ ກໍ່ເຫດດຶງສາຍຄໍຄຳ ເຄີຍເຮັດມາແລ້ວ ກັບມາເຮັດອີກສຸດທ້າຍຖືກຈັບໄດ້

0
192

ຜູ້ກໍ່່ເຫດດຶງສາຍຄໍຄຳຢູ່ໜ້າວຽງຈັນເຊັນເຕີ ເຄີຍດຶງມາແລ້ວຮອບໜຶ່ງຢູ່ບ້ານຫ້ອມໃຕ້

ທ່ານ ພັທ ອິນປັນ ຫາດາວເຮືອງ ຮອງຫົວໜ້າກອງບັນຊາການ ປກສ ເມືອງສີສັດຕະນາກ ລາຍງານວ່າ: ເວລາ 15 ໂມງ ຂອງວັນທີ 18 ມີນາ 2022 ຜ່ານມາ ໄດ້ໂຈນຊີງຊັບ ນີ້ ຢູ່ທີ່ຖະໜົນຄູວຽງ ໜ້າສູນການຄ້າວຽງຈັນເຊັນເຕີ ຜູ້ກໍ່ເຫດຊື່ທ້າວ ພະນົມພອນ ອາຍຸ 30 ປີ ອາຊີບພະນັກງານ ບ້ານໂພນສະຫວາດ ເມືອງສີໂຄດຕະບອງ ນວ.

ຜູ້ກ່ຽວໃຫ້ການວ່າ ຕົນເອງໄດ້ຂັບຂີ່ອອກຈາກບ້ານເລາະໄປຕາມຖະໜົນ ພໍຮອດໜ້າສູນການຄ້າວຽງຈັນເຊັນເຕີ ພົບເຫັນ ເປົ້າໝາຍກຳລັງຍ່າງຂ້າມທາງ ຈິ່ງໄດ້ລົງມືດຶງສາຍຄໍຂອງ ນາງ ແລະ ຈະເອົາຕົວຫລົບໜີ ແຕ່ມີພົນລະເມືອງດີ ຈຳນວນຫຼາຍຄົນເຂົ້າສະກັດກັ້ນຈັບສົ່ງຕົວໃຫ້ ກອງບັນຊາການ ປກສ ເມືອງສີສັດຕະນາກ ດຳເນີນຄະດີຕາມກົດໝາຍ.

ກອ່ນໜ້ານີ້ ໃນ ເດືອນ ມີນາ 2022 ຜູ້ກ່ຽວເຄີຍເຄື່ອນໄຫວຍາດຊີງຊັບຜູ້ຍີງນັ່ງຂາຍໝາກເບັງແຄມທາງ ເຂດບ້ານຫອມໃຕ້ ເມືອງຫາດຊາຍຟອງ ໄດ້ສາຍຄຳ 1 ບາດ ແລະ ໄດ້ລົງມືອີກ ແຕ່ເທື່ອນີ້ໂຊກບໍ່ເຂົ້າຂ້າງ ຖືກຈັບໄດ້.