ສະຫະພັນ​ບານເຕະ​ແຫ່ງປະເທດໄທສັ່ງ​ຫ້າມ ​“ອິສະເຣດ ນ້ອຍໃຈບຸນ” ບໍ່ໃຫ້ຫຍຸ້ງກ່ຽວກັບກິລາບານເຕະ 3 ປີ

0
65

ຂ່າວກ່ອນໜ້ານີ້:ຈາກເຫດການທີ່ໂຫດຮ້າຍໃນການແຂ່ງຂັນບານເຕະ ໄທລີກ 3 ຮອບແຊ້ມປ້ຽນລີກ 2021-22 ເຂດລຸ່ມ, ເກມທໍາອິດທີ່ ມະຫາວິທະຍາໄລນອສກຸງເທບ ເປີດບ້ານເອົາຊະນະ ບາງກອກ ເອັຟຊີ 3-0 ເມື່ອວັນທີ 13 ມີນາ 65 ທີ່ຜ່ານມາ ເຊິ່ງມີຈັງຫວະດັ່ງກ່າວມາດ້ວຍການຫຼິ້ນນອກເກມຂອງ ອີຊາເຣັດ ນ້ອຍໃຈບຸນ ໝາຍເລກ 6 ບາງກອກ ເອັຟຊີ, ເຈດຕະນາຟັນສອກໃສ່ໜ້າ ສຸພາສັນ ເຮືອງສຸພານິມິດ ໝາຍເລກ 33 ມະຫາວິທະຍານອສກຸງເທບ ໃນຊ່ວງທົດເວລາ 90+3 ກ່ອນທີ່ຜູ້ຕັດສິນ ວີເພັດ ເທນທອງ ກຳມະການດີກີລະດັບໄທລີກ ຈະໃຫ້ໃບແດງທັນທີ ເພື່ອຂັບໄລ່ ອີຊາເຣັດ ນ້ອຍໃຈບຸນ ອອກຈາກສະໜາມ. ພ້ອມມອບໃບເຫຼືອງໃຫ້ ສຸພາສັນ ເຮືອງສຸພານິມິດ ເນື່ອງຈາກມີການຟາວ์ກ່ອນຄືກັນ ແຕ່ຮູບທີ່ອອກມາ ເຮັດໃຫ້ວົງການບານເຕະໄທເບິ່ງບໍ່ດີໃນທັນທີດ້ວຍການກະທຳທີ່ຂາດສະຕິຂອງແຂ້ງບາງກອກລາຍນີ້

ອີຊາເຣັດ ໃຫ້ສຳພາດຕໍ່ເຫດການດັ່ງກ່າວວ່າ: “ໃນຈັງຫວະນັ້ນມັນເປັນອາລົມຊົ່ວວູບ ຄິດ​ຈະຫຼິ້ນບານຢ່າງດຽວເພາະບານເປັນຝ່າຍຕາມຫຼັງຢູ່ ຂ້ອຍຂໍ​ໂທດທາງ ສຸພາສັນ ເຮືອງສຸພານິມິດ ນັກເຕະທີມ ມະຫາວິທະຍາໄລນອສກຸງເທບ ລວມທັງຜູ້ກອງເຊຍທັງສອງຝ່າຍ, ຍອມຮັບຄວາມຜິດຄົນດຽວທີ່ຂ້ອຍຄິດເລັກນ້ອຍ ເຮັດໂດຍບໍ່ຄິດ.”

“ໃນຈັງຫວະນັ້ນບານໄດ້ອອກໄປແລ້ວ ຂ້ອຍເຫັນວ່ານ້ອງຊາຍມາຫຼິ້ນນອກເກມ. ຂ້ອຍແລ່ນເຂົ້າໄປເບິ່ງວ່ານ້ອງຈະຂໍໂທດຫຼືບໍ່ ແຕ່ລາວບໍ່ໄດ້ຂໍໂທດຂ້ອຍເລີຍ ຂ້ອຍຢູ່ໃນອາລົມຊົ່ວວູບ ມັນໄວຫຼາຍຫຼັງຈາກນັ້ນຂ້ອຍກໍເຮັດມັນ”

ສ່ວນເລື່ອງທີ່ບາງກອກ ເອັຟຊີ ຍົກເລີກສັນຍາໃນທັນທີນັ້ນ ອີຊາເຣັດ ເປີດເຜີຍວ່າ: ຕອນນີ້ບໍ່ໄດ້ວາງແຜນໄວ້ ຂ້ອຍຍັງຄິດບໍ່ອອກຂ້ອຍຕ້ອງການຢູ່ງຽບໆ ແລະ ຢູ່ຄົນດຽວ ສິ່ງທີ່ຂ້ອຍໄດ້ເຮັດແມ່ນຂ້ອນຂ້າງຮຸນແຮງພໍສົມຄວນ ຂ້ອຍຄິດພຽງແຕ່ຈະເຂົ້າໄປຫານ້ອງ ແລະ ຕິດຕໍ່ກັບສະໂມສອນ.

ສຸດທ້າຍນີ້ກໍຢາກຝາກເຖິງນັກເຕະບານຮຸ່ນນ້ອງຢ່າເຮັດຄືຂ້ອຍ ມັນແມ່ນຕົວຢ່າງທີ່ບໍ່ດີ, ຄວນຄວບຄຸມອາລົມຕົນເອງ ແລະ ຄວນມີລະບຽບວິໄນໃຫ້ຫຼາຍຂຶ້ນ.

ຂ່າວລ່າສຸດ: ສະຫະພັນ​ບານເຕະ​ແຫ່ງປະເທດໄທໄດ້​ສັ່ງ​ຫ້າມ ​“ອິສະເຣດ ນ້ອຍໃຈບຸນ” ບໍ່ໃຫ້ຍຸ້ງກ່ຽວກັບກິລາບານເຕະອາຊີບທີ່ທາງສະມາຄົມຈັດຂຶ້ນ ​ເປັນ​ເວລາ 3 ປີໂດຍ​ຄະ​ນະ​ກໍາ​ມະ​ການ​ສອບ​ສວນ​ ມີ​ຄວາມ​ເຫັນ​ເປັນ​ເອກະ​ພາບ​ຕໍ່​ການ​ກະທຳ​ຂອງ​ ອິສະເຣດ ນ້ອຍໃຈບຸນ ເຊິ່ງເປັນນັກ​ກິລາ​ອາຊີບ​ທີ່ຢູ່ໃນຄວາມຮັບຜິດຊອບ​ຂອງສະມາຄົມ​ກິລາ​ບານ​ເຕະ​ແຫ່ງ​ປະ​ເທດ​ໄທ. ເປັນ​ການ​ກະທຳ​ທີ່​ມີ​ເຈດ​ຕະນາ​ຈົງໃຈລະ​ເມີດ​ກົດໝາຍ ໂດຍການທຳຮ້າຍຮ່າງກາຍ​​ຜູ້​ອື່ນ​ດ້ວຍວິທີການທີຮຸນແຮງຈົນໄດ້​ຮັບ​ບາດ​ເຈັບສາຫັດ.