ລັດຖະບານອາດຈະບໍ່ອະນຸຍາດໃຫ້ຈັດບຸນປີໃໝ່ລາວຍ້ອນຜູ້ຕິດເຊື້ອພະຍາດໂ ຄ ວິ ດ-19 ເພີ່ມຂຶ້ນ

0
48

ສະພາບການແຜ່ລະບາດຂອງພະຍາດໂຄວິດ-19 ຢູ່ປະເທດລາວເລີ່ມໜ້າເປັນຫ່ວງເພາະວ່າໄດ້ກວດພົບຜູ້ຕິດເຊື້ອ ເພີ່ມຂຶ້ນເປັນຈໍານວນຫຼາຍ ຈາກ 100 ຄົນ, 200 ກວ່າຄົນ, 300 ກວ່າຄົນ, 400 ກວ່າຄົນ, 700 ກວ່າຄົນ ເພີ່ມ ຂຶ້ນເປັນ 848 ຄົນໃນມື້ວັນທີ 16 ມີນາ 2022 ນີ້ ນັ້ນຖືວ່າພະຍາດໂຄວິດ-19 ໄດ້ລະບາດຮອບໃໝ່ເປັນວົງກວ້າງອີກແລ້ວ, ດັ່ງນັ້ນຖ້າສະພາບການແຜ່ລະບາດ ຫຼື ຜູ້ຕິດເຊື້ອພະ ຍາດດັ່ງກ່າວຍັງເພີ່ມຂຶ້ນໃນແຕ່ລະວັນເຊັ່ນໃນປັດຈຸບັນນີ້ ລັດຖະບານອາດຈະບໍ່ອະນຸຍາດໃຫ້ຈັດງານ ບຸນປີໃໝ່ລາວ ຫຼື ບຸນຫົດນໍ້າລາວຄືດັ່ງປີ 2020 ແລະ ປີ 2021 ທີ່ຜ່ານມາກໍເປັນໄດ້.

ຜູ້ຕິດເຊື້ອພະຍາດໂຄວິດ-19 ຢູ່ລາວທີ່ກວດພົບຢູ່ໃນປັດຈຸບັນນີ້ແມ່ນສາຍພັນເດວຕາ ແລະ ສາຍພັນໂອໄມຄຣອນ ຊຶ່ງສາຍພັນໂອໄມຄອນນີ້ເປັນສາຍພັນທີ່ແຜ່ເຊື້ອໄດ້ໄວກວ່າສາຍພັນເດວຕາ ແນ່ນອນວ່າຖ້າປະຊາຊົນລາວຍັງບໍ່ໃສ່ໃຈໃນການປ້ອງກັນ ຕົວເລກຜູ້ຕິດເຊື້ອອາດເພີ່ມຂຶ້ນຂຶ້ນຮອດ 4 ຕົວເລກ ຄືໃນໄລຍະທີ່ຜ່ານມາ ແລະ ອາດເປັນ 5 ຕົວເລກໃນອະນາຄົດອັນໃກ້ນີ້.