ຄະນະສະເພາະກິດ ຮຽກຮ້ອງທຸກພາກສ່ວນສັງຄົມ ຢ່າປະມາດ ຈົ່ງມີສະຕິລະວັງຕົວ ໃນປ້ອງກັນໂຕເອງ

0
112

ຂປລ. ປັດຈຸບັນ, ຕົວເລກຜູ້ຕິດເຊື້ອທົ່ວປະເທດບໍ່ມີແນວໂນມທີ່ຈະຫລຸດລົງ ຕົວເລກຜູ້ຕິດເຊື້ອສູງກວ່າ 500 ຄົນຕໍ່ມື້ ຕິດຕໍ່ກັນຫລາຍວັນ ເພື່ອປ້ອງກັນ ແລະ ສະກັດກັ້ນ ການລະບາດດັ່ງກ່າວ ບໍ່ໃຫ້ມີການຕິດເຊື້ອເພີ່ມສູງຂຶ້ນ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຮຽກຮ້ອງມາຍັງທຸກພາກສ່ວນສັງຄົມ ກໍຄື ປະຊົນລາວບັນດາເຜົ່າ ທົ່ວ

ປະເທດ ຈົ່ງມີສະຕິລະວັງຕົມ ໃນການປ້ອງກັນຕົນເອງ ແລະ ຮ່ວມໃຈກັນມາສັກວັກຊິນປ້ອງກັນໂຄວິ-19 ໃຫ້ບັນລຸເປົ້າ ໝາຍທີ່ໄດ້ກໍານົດໄວ້ ແລະ ປະຕິບັດມາດຕະການປ້ອງກັນຕົນເອງຢ່າງເຂັ້ມງວດ.
ທ່ານ ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ລາຍງານໃນວັນທີ 17 ມີນາ 2022 ນີ້ວ່າ: ມາຮອດວັນທີ 17 ມີນາ 2022 ສປປ ລາວ ກວດພົບຜູ້ຕິດເຊື້ອໂຄວິດ-19 ເພີ່ມ 874 ຄົນ, ໃນນັ້ນຕິດເຊື້ອພາຍໃນ 855 ຄົນ ແລະ ຕິດເຊື້ອນໍາເຂົ້າ 19 ຄົນ, ລວມຜູ້ຕິດເຊື້ອໂຄວິດ-19 ສະສົມທັງໝົດ 149.131 ຄົນ, ເສຍຊີວິດສະສົມ 643 ຄົນ, ປິ່ນປົວຫາຍດີ ແລະ ກັບບ້ານໃນມື້ວານ 67 ຄົນ ແລະ ກໍາລັງປິ່ນປົວ 1.349 ຄົນ.

ສຳລັບການຕິດເຊື້ອພາຍໃນ 855 ຄົນນັ້ນແມ່ນ ຈາກນະຄອນຫລວງວຽງຈັນ 437 ຄົນ, ສະຫວັນນະເຂດ 143 ຄົນ, ຊຽງຂວາງ 69 ຄົນ, ຫົວພັນ 30 ຄົນ, ແຂວງວຽງຈັນ 27 ຄົນ, ບໍລິຄໍາໄຊ 23 ຄົນ, ຄໍາມ່ວນ 19 ຄົນ, ຫລວງພະບາງ 18 ຄົນ, ອຸດົມໄຊ 17 ຄົນ, ສາລະວັນ 13 ຄົນ, ອັດຕະປື 13 ຄົນ, ຈໍາປາສັກ 12 ຄົນ, ບໍ່ແກ້ວ 12 ຄົນ, ຫລວງນໍ້າທາ 8 ຄົນ, ໄຊຍະບູລີ 7 ຄົນ, ຜົ້ງສາລີ 4 ຄົນ, ເຊກອງ 2 ຄົນ ແລະ ໄຊສົມບູນ 1 ຄົນ. ສ່ວນການຕິດເຊືື້ອນໍາເຂົ້າ 19 ຄົນ ແມ່ນຈາກ ສະຫວັນນະເຂດ 6 ຄົນ, ຈໍາປາສັກ 5 ຄົນ, ນະຄອນຫລວງວຽງຈັນ 3 ຄົນ, ຊຽງຂວາງ 4 ຄົນ ແລະ ບໍລິຄໍາໄຊ 1 ຄົນ, ທຸກຄົນໄດ້ເກັບຕົວຢ່າງ ແລະ ເຂົ້າຈໍາກັດບໍລິເວນ ໃນສະຖານທີ່ຄະນະສະເພາະກິດ ກຳນົດໄວ້ກ່ອນຈະກວດພົບເຊື້ອ.
ຂ່າວ: ກິດຕາ