ເກີດແຜ່ນ​ດິນ​ໄຫວ​ຢູ່​ ປະເທດຍີ່ປຸ່ນ, ຂະໜາດ 7.3 ຣິກເຕີ ຜູ້ເສຍຊີວິດຢ່າງນ້ອຍ 4 ຄົນ

0
167

ຊ່ວງເດິກຂອງວັນທີ 16 ທີ່ຜ່ານມາ,ໄດ້ເກີດແຜ່ນ​ດິນ​ໄຫວ​ຢູ່​ ປະເທດຍີ່ປຸ່ນ, ຂະໜາດ 7.3 ຣິກເຕີເຮັດໃຫ້ ມີຜູ້ເສຍຊີວິດຢ່າງນ້ອຍ 4 ຄົນ ແລະ ຫຼາຍຮ້ອຍຄົນໄດ້ຮັບບາດເຈັບ
ແລະ ມີລາຍງານໄຟຟ້າດັບ ກະທົບກວ່າ 2 ລ້ານຫລັງຄາເຮືອນ ສະເພາະ ໃນ ໂຕກຽວ ກະທົບກວ່າ 7ແສນ ຫລັງຄາເຮືອນ

ແຜ່ນດິນໄຫວເກີດຂຶ້ນຕອນ ປະມານ 23:36 ຕາມເວລາໃນປະເທດຍີ່ປຸ່ນ ຫລື 21: 36 ຕາມເວລາໃນປະເທດ ລາວ ມີຈຸດສູນກາງ ເລິກລົງໄປ 57 ກິໂລແມັດ ນອກຊາຍຝັ່່ງເມືອງ ຟຸກຸຊິມະ ໂດຍທາງພາກເໜືອຂອງ ຟຸກຸຊິມະ ມີລາຍງານລົດໄຟ ຕົກລາງ ແຕ່ບໍມີຜູ້ບາດເຈັບແຕ່ຢ່າງໃດ

ເບື້ອງຕົ້ນມີລາຍງານຜູ້ເສຍຊີວິດ 4 ຄົນ ແລະ ບາດເຈັບ 120 ຄົນໄດ້ຍົກເລີກແຈ້ງເຕືອນ ສຶນາມິ ເນື່ອງຈາກພົບວ່າ ຄື້ນ ສູງ ພຽງ 30 ຊັງຕີແມັດ ຈາກທີ່ຄາດໃວ້ 100 ຊັງຕີແມັດ
ທາງລັດຖະບານ ຍີ່ປຸ່ນ ກຳລັງຮວບຮວມ ຂໍ້ມູນ ຂອງຜູ້ທີ່ໄດ້ຮັບຜົນກະທົບ ເພື່ອຕິດຕໍ່ ແລະ ຊ່ວຍເຫລືອ ແລະ ຍັງຈະເພີ່ມ ມາຕະການ ເຝົ້າ ລະວັງລະດັບສູງ ເພາະມີຄວາມເປັນໄປໄດ້ທີ່ຈະມີແຜນດິນໄຫວ ຊ້ຳ