ໂຄງການກໍ່ສ້າງຂົວຂ້າມນໍ້າແນ່ນ ບ້ານດອນເຟື້ອງເມືອງຊຽງຮ່ອນ ສຳເລັດ 70%

0
89

ຂປລ. ແຫລ່ງຂ່າວຈາກ ແຂວງໄຊຍະບູລີ ໃຫ້ຮູ້ວ່າ: ໂຄງການກໍ່ສ້າງ ຂົວຂ້າມ ນໍ້າແນ່ນ ບ້ານດອນເຟືອງ ເມືອງຊຽງຮ່ອນ ມາຮອດປັດຈຸບັນ ສໍາເລັດແລ້ວ 70% ໂຄງ ການດັ່ງກ່າວໄດ້ເລີ່ມລົງມືການກໍ່ສ້າງໃນວັນທີ 27 ທັນວາ 2021 ຜ່ານມາ, ສ້າງເປັນຂົວເບຕົງເສີມເຫລັກ ມີລວງຍາວ 12 ແມັດ, ລວງກ້ວາງ 3,8 ແມັດ ແລະ ລວງສູງ 3 ແມັດ ລວມມູນຄ່າການກໍ່ສ້າງທັງໝົດ 70 ລ້ານກ່

ວາໂດຍແມ່ນທຶນສົມທົບ ລະຫວ່າງ ພາກລັດ ແລະ ປະຊາຊົນພາຍໃນບ້ານດອນເຟືອງ, ໃນນັ້ນ ພາກລັດຊ່ວຍເຫລືອເປັນມູນຄ່າ 50 ລ້ານກີບ ແລະ ທຶນສົມທົບຂອງພໍ່ແມ່ປະຊາຊົນ ເປັນຕົ້ນ ໄມ້ຄ້ຳແບບ, ແຮງງານ ແລະ ເງິນຈໍານວນ 20 ລ້ານກວ່າກີບ ຄາດວ່າຈະສຳເລັດການກໍ່ສ້າງ ໃນຕົ້ນເດືອນເມສາ 2022 ແມ່ນຈະສໍາເລັດ.

ສຳລັບ ການກໍ່ສ້າງແມ່ນປະຊາຊົນພາຍໃນບ້ານເປັນຜູ້ກໍ່ສ້າງ ສ່ວນວິຊາການແມ່ນພາກລັດເປັນຜູ້ຮັບຜິດຊອບ, ຖ້າການກໍ່ສ້າງ ຂົວຂ້າມນໍ້າແນ່ນ ບ້ານດອນເຟືອງ ສຳເລັດ ຈະເຮັດໃຫ້ປະຊາຊົນພາຍໃນບ້ານ ໄດ້ນຳໃຊ້ຂົວເຂົ້າໃນການສັນຈອນ ໄປມາ ແລະ ໄປທຳການຜະລິດໄດ້ຢ່າງສະດວກສະບາຍ.


ໂຄງການກໍ່ສ້າງຂົວຂ້າມນໍ້າແນ່ນ ບ້ານດອນເຟື້ອງເມືອງຊຽງຮ່ອນ ສຳເລັດ 70%

ຂ່າວ: ດອນ ຂຽວພະນາ