ເຜີຍວັກຊິນສອງຊະນິດທີ່ຄວນສັກໃຫ້ເດັກ 6-12 ເພື່ອຄຸ້ມກັນໂ ຄ ວິ ດ19

    0
    147

    ເຊື້ອພະຍາດໂຄວິດ19 ເປັນເຊື້ອພະຍາດທີ່ແຜ່ລະບາດກັບຄົນ ດັ່ງນັ້ນ ຂຶ້ນຊື່ວ່າເປັນມະນຸດທຸກຄົນລ້ວນແລ້ວແຕ່ມິຄວາມສ່ຽງທີ່ຈະຕິດກັນໝົດ ບໍ່ເລືອກຜູ້ໃຫຍ່, ເດັກນ້ອຍ, ຜູ້ສາວບ່າວນ້ອຍ ເມື່ອຮູ້ແນວນັ້ນຕ້ອງຮັກສາຕົນເອງໃຫ້ດີ ພໍ່ແມ່ຜູ້ປົກຄອງຕ້ອງເບິ່ງລູກໃຫ້ດີ ໂດຍສະເພາະເດັກນ້ອຍ ນັ້ນໝາຍຄວາມວ່າຄວນພາເຂົາເຈົ້າໄປຮັບວັກຊິນຕາມທີ່ຈຸດບໍລິການຕ່າງໆ.

    ຈາກການໃຫ້ຂໍ້ມູນຂອງສູນຂ່າວສານການແພດສຸຂະສຶກສາ ກ່ຽວກັບວັກຊິນ 2 ຊະນິດ ເຊິ່ງເປັນວັກຊິນແນະນຳທີ່ສາມາດສັກໃຫ້ເດັກນ້ອຍທີ່ມີອາຍຸ 6-12 ປີ ເຊິ່ງໄດ້ແກ່ ຊິໂນແວັກ ແລະ ຊີໂນຟາມ ເນື່ອງຈາກທັງສອງວັກຊິນນີ້ແມ່ນໄດ້ຮັບການຮັບຮອງຈາກອົງການອະນາໄມໂລກແລ້ວ.

    ເຖິງຢ່າງໃດກໍ່ຕາມການສັກວັກຊິນ ກໍ່ຍັງຄົງເປັນທາງເລືອກທີ່ດີສຸດແລ້ວ ເພື່ອຫຼຸດຜ່ອນອາການຮຸນແຮງ ແລະ ການເສຍຊີວິດ ຈາກການຕິດເຊື້ອພະຍາດໂຄວິດ19 ດັ່ງນັ້ນຜູ້ປົກຄອງຈຶ່ງບໍ່ຄວນຖືເບົາກັບລູກຫຼານຕົນເອງ ບໍ່ພຽງແຕ່ລູກຫຼານ ແມ່ນແຕ່ຕົວຜູ້ປົກຄອງເອງ ກໍ່ຄືທຸກຄົນແມ່ນຕ້ອງບໍ່ປະໝາດໂດຍເດັດຂາດ ດັ່ງຄຳຂວັນ ຈາກສູນຂ່າວສານການແພດສຸຂະສຶກສາ ກໍ່ຄືກະຊວງສາທາລະນະສຸກທີ່ວ່າ: ບໍ່ມີໃຜປອດໄພ ຖ້າທຸກຄົນບໍ່ປອດໄພ.

    ຂໍ້ມູນຈາກ: ສູນຂ່າວສານການແພດສຸຂະສຶກສາ

    ຮູບພາບປະກອບຈາກ:  ວິທະຍຸກະຈາຍສຽງ ແຂວງສະຫວັນນະເຂດ

    LEAVE A REPLY

    Please enter your comment!
    Please enter your name here