ໂອມິຄຣອນບຸກເມືອງ ຫຼາຍຄົນບໍ່ລອດ ຢາຢ່າ ກໍ່ຕິດໄປນຳ

    0
    127

    ໂຄວີດຕອນນີ້ຍັງວາງໃຈບໍ່ໄດ້ເລີຍ ຈະວ່າແນວໃດດີ ມັນງຽບໄປເພາະວ່າຄົນຢ້ານບໍ່ໄຫວແລ້ວ ຖ້າຈະຢ້ານໄປເລື້ອຍໆຄົງໄສ້ແຫ້ງຢ່າງແນ່ນອນຫຼາຍຄົນກໍ່ເລີຍຮຽນຮູ້ທີ່ຈະຢູ່ກັບມັນ ແຕ່ຄືກັບວ່າສາຍພັນໂອມິຄຣອນນີ້ຈະມາໂຫດຕິດໄວ ແລະຕິດຫຼາຍກວ່າສາຍພັນອື່ນໆຜ່ານມາ, ຫຼ້າສຸດນີ້ສາວຕາຄົມຢ່າງ ຢາຢ່າ ອຸຣັສຍາກໍ່ປະກາດວ່າຕົນຕິດເຊື້ອແລ້ວ.

    ໂດຍນາງເອກດັງ ຢາຢ່າ ອຸຣັສຍາ ໄດ້ປະກາດວ່າ ຕົນໄດ້ຕິດເຊື້ອໂຄວິດແລ້ວພາຍຫຼັງໄດ້ສຳຜັດໃກ້ຊິດກັບຜູ້ຕິດເຊື້ອ ແລະຕ້ອງຂໍໂທດທຸກຄົນທີ່ໄດ້ຮັບຜົນກະທົບ ເອີ້ນວ່າສະຖານະການການແຜ່ລະບາດຂອງໂຄວິດ-19 ໃນປະເທດໄທຍັງບໍ່ມີທີທ່າຈະຄີ່ຄາຍ ໂດຍສະເພາະໃນວົງການບັນເທິງທີ່ເຫຼົ່າສິລະປິນດາລາ ເຫັນວ່າທະຍອຍກັນອອກແຈ້ງຂ່າວການຕິດເຊື້ອ.

    ສຳລັບສາວຢາຢ່າເອງແມ່ນໄດ້ທຳການກວດແບບ RT-PCR ຜົນກວດອອກມາ ແມ່ນເປັນບວກ ຕົວດາລາສາວເອງແມ່ນຕ້ອງເຂົ້າຮັກສາຕົວຕາມຂະບວນການ ແລະໃຫ້ແມ່ແຈ້ງຫາຜູ້ໄດ້ພົວພັນໃກ້ຊິດ ເພື່ອທຳການຈຳກັດບໍລິເວນຕາມລະບຽບການບໍ່ໃຫ້ແຜ່ອອກໄປກວ້າງ.

    ສຳລັບປະເທດເຮົາກໍ່ເຫັນວ່າຈຳນວນຜູ້ຕິດເຊື້ອເພີ່ມຂຶ້ນ ຈາກການສຸ່ມກວດຂອງແພດໝໍສ່ວນໃຫຍ່ເປັນສາຍພັນໂອມິຄຣອນ ຈິ່ງຢາກໃຫ້ທຸກຄົນມີຄວາມຕື່ນຕົວປ້ອງກັນໂຕເອງໃຫ້ຫຼາຍຂຶ້ນ.

    LEAVE A REPLY

    Please enter your comment!
    Please enter your name here