ເມືອງເງິນ ສ້າງຂະບວນການ ເຮັດຄັນຄູກັນນໍ້າຍາງ ບ້ານແກ້ວດອນຄູນ

0
131

ເມືອງເງິນ ສ້າງຂະບວນການ ເຮັດຄັນຄູກັນນໍ້າຍາງ ບ້ານແກ້ວດອນຄູນ

ຂປລ. ແຫລ່ງຂ່າວຈາກ ເມືອງເງິນ ແຂວງໄຊຍະບູລີ ໃຫ້ຮູ້ວ່າ: ໃນວັນທີ 11 ມີນາ 2022 ຜ່ານມານີ້, ຄະນະນຳ ເມືອງເງິນ ໄດ້ນຳພາພະນັກງານ-ລັດຖະກອນ, ທະຫານ, ຕຳຫລວດ ໃນທົ່ວເມືອງ ສ້າງຂະບວນການອອກແຮງງານລວມ ເຮັດຄັນຄູກັນນໍ້າຍາງ ບ້ານແກ້ວດອນຄູນ ເພື່ອເປັນການສ້າງຂະບວນການ ແລະ ຜົນງານ ຄຳນັບຮັບຕ້ອນວັນສ້າງຕັ້ງ ພັກປະຊາຊົນ ປະຕິວັດລາວ ຄົບຮອບ 67 ປີ.

ການເຮັດຄັນຄູກັນນໍ້າ ຄັ້ງນີ້, ໄດ້ໃຊ້ກະສອບຊາຍມາລຽນກັນເປັນແຖວ, ແບບລະ ບົບນໍ້າລົ້ນ, ມີຄວາມກວ້າງ 20 ກວ່າແມັດ ເພື່ອເກັບກັກນໍ້າ ໄວ້ໃຊ້ສອຍໃນຊີວິດປະຈໍາວັນ ຂອງປະຊາຊົນພາຍໃນເມືອງ ແລະ ເພື່ອກະກຽມຄວາມພ້ອມ ໃນການຮັບມືກັບໄພແຫ້ງ ແລ້ງ ໃນສະເພາະໜ້າ ເຊິ່ງແມ່ນໍ້າຍາງ ແມ່ນແມ່ນ້ຳສາຍຫລັກຂອງເມືອງເງິນ.


ເມືອງເງິນ ສ້າງຂະບວນການ ເຮັດຄັນຄູກັນນໍ້າຍາງ ບ້ານແກ້ວດອນຄູນ


ເມືອງເງິນ ສ້າງຂະບວນການ ເຮັດຄັນຄູກັນນໍ້າຍາງ ບ້ານແກ້ວດອນຄູນ

ຂ່າວ: ອິນແປງ ແຫວນຄຳ