ຕົວເລກຜູ້ຕິດເຊື້ອພະຍາດໂ ຄ ວິ ດ-19 ອາດຈະເພີ່ມຂຶ້ນຮອດ 4 ຕົວເລກ

0
174

ເມື່ອເບີ່ງຕົວເລກຜູ້ຕິດເຊື້ອພະຍາດໂຄວິດ-19 ຢູ່ປະເທດລາວແລ້ວເຫັນວ່າມີການເພີ່ມຂຶ້ນໃນແຕ່ລະວັນຈາກທີ່ມີຜູ້ຕິດເຊື້ອພະຍາດດັ່ງກ່າວ 100 ກວ່າຄົນ ແລະ ຕໍ່າກວ່າ 300 ກວ່າຄົນເກືອບ 1 ເດືອນ, ແຕ່ ໄລຍະ 2 ວັນທີ່ຜ່ານມາຄືມື້ວັນທີ 11 ແລະ 12 ມີນາ 2022 ນັ້ນ ຈຳນວນຜູ້ຕິດເຊື້ອໄດ້ເພີ່ມຂຶ້ນຫຼາຍກວ່າ 400 ຄົນແລ້ວໃນຂອບເຂດທົ່ວປະເທດ ແລະ ຍັງມີຜູ້ເສຍຊີວິດຈາກພະຍາດດັ່ງກ່າວເກືອບທຸກໆວັນ, ນັ້ນອາດເປັນສັນຍານທີ່ບົງບອກວ່າປະເທດລາວອາດຈະປະເຊີນກັບການລະບາດຂອງພະຍາດດັ່ງກ່າວຮອບໃໝ່ ຫຼື ຕົວເລກຜູ້ຕິດເຊື້ອອາດຈະຮອດ 4 ຕົວເລກອີກຄັ້ງໜຶ່ງກໍເປັນໄດ້.

ສາເຫດທີ່ເຮັດໃຫ້ມີຈໍານວນຜູ້ຕິດເຊື້ອນັ້ນອາດແມ່ນຍ້ອນໄດ້ມີການຜ່ອນຜັນຫຼາຍມາດຕະການເຊັ່ນ: ອະນຸຍາດໃຫ້ຈັດງານບຸນປະເພນີ, ຈັດງານດອງ, ເປີດຮ້ານອາຫານ ແລະ ອື່ນໆ ແຕ່ທຸກໆມາດຕະການຜ່ອນຜັນນັ້ນໆຕ້ອງປະຕິບັດມາດຕະການປ້ອງກັນພະຍາດດັ່ງກ່າວທີ່ທາງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂພະຍາດໂຄວິດ-19 ວາງອອກ, ແຕ່ປະຊາຊົນນັ້ນເອງທີ່ບໍ່ປະຕິບັດໂດຍຍັງພົບເຫັນປະຊາຊົນຈໍານວນຫຼາຍທີ່ບໍ່ໃສ່ໃຈໃນການປ້ອງກັນພະຍາດນີ້ເຊັ່ນ: ບໍ່ໃສ່ຜ້າອັດປາກ-ດັງ, ບໍ່ຮັກສາໄລຍະຫ່າງ, ບໍ່ໝັ່ນລ້າງມືດ້ວຍເຈວ ຫຼື ສະບູ, ນອກຈາກນັ້ນຍັງມີປະຊາຊົນອີກຈໍານວນໜຶ່ງທີ່ບໍ່ໃສ່ໃຈໃນການໄປສັກວັັກຊິນ ແລະ ອື່ນໆ ຈຶ່ງເຮັດໃຫ້ຕົວເລກຜູ້ຕິດເຊື້ອເພີ່ມຂຶ້ນ.

ຮອດປັດຈຸບັນນີ້, ປະເທດລາວມີຜູ້ຕິດເຊື້ອສະສົມຈາກພະຍາດໂຄວິດ-19 ແລ້ວຫຼາຍກວ່າ 144.000 ຄົນ ແລະ ເສຍຊີວິດແລ້ວຫຼາຍກວ່າ 600 ຄົນ.