ຈັບໄດ້ຄາເຮືອນ..!! ຊົມເຊີຍ…ພົນລະເມືອງດີແຈ້ງເຈົ້າໜ້າທີ່ ສາມາດຈັບໂຕຜູ້ຄ້າ ພ້ອມກັບຂອງກາງ.

    0
    183

    ເຈົ້າໜ້າທີ່ ໜ່ວຍງານສະກັດກັ້ນ ແລະ ຕ້ານ ຢ າ ເ ສ ບ ຕິ ດ ກອງບັນຊາການ ປກສ ເມືອງຫາດຊາຍຟອງ ນະຄອນຫຼວງວຽງຈັນ ໃຫ້ຮູ້ວ່າ: ພາຍຫຼັງມີພົນລະເມືອງດີແຈ້ງ ໃນໄລຍະຕົ້ນເດືອນກຸມພາ 2022 ຜ່ານມາວ່າ: ມີກຸ່ມຄົນເຄື່ອນໄຫວຄ້າ-ຂາຍ ຢ າ ເ ສ ບ ຕິ ດ ຢູ່ເຂດບ້ານຖີ່ນເພຍ ເມືອງຫາດຊາຍຟອງ ຈິ່ງໄດ້ຈັັດຕັ້ງກໍາລັງວິຊາສະເພາະລົງກວດກາ ພົບວ່າມີມູນຄວາມຈິງ, ຮອດວັນທີ 25 ກຸມພາ 2022, ເຈົ້າໜ້າທີ່ ກໍໍໄດ້ກັກຕົວເປົ້າໝາຍຄ້າຂາຍຢາເສບຕິດ 1 ຄົນ ຢູ່ເຮືອນຂອງຜູ້ກ່ຽວຄື: ທ້າວ ກິດຕະກອນ ຫຼື ໂບ້ ອາຍຸ 30 ປີ ປະຊາຊົນ ຢູ່ບ້ານຖີ່ນເພຍ ພ້ອມຂອງກາງ ຢ າ ບ້ າ 516 ເມັດ ມາສອບສວນ.

    ຜ່ານການສອບສວນ ຂອງເຈົ້າໜ້າທີ່ຜູ້ກ່ຽວໄດ້ໃຫ້ການຮັບສາລະພາບວ່າ: ຜ່ານມາເຄີຍຖືກສານຕັດສິນຕັດອິດສະຫຼະພາບ 5 ປີ ໃນຂໍ້ຫາຄ້າຂາຍ ຢ າ ເ ສ ບ ຕິ ດ ປະຕິບັດໂທດແຕ່ວັນທີ 02 ມີຖຸນາ 2016 ຮອດວັນທີ 02 ມີຖຸນາ 2021, ກໍ່ໄດ້ຮັບການປ່ອຍຕົວ, ຫຼັງຈາກນັ້ນ ໄລຍະເດືອນ 11 ປີ 2021, ໄດ້ເລີ່ມພົວພັນຄ້າຂາຍ ຢ າ ເ ສ ບ ຕິ ດ ອີກ ສ່ວນຢາບ້າແມ່ນຊື້ຢູ່ຮ້ານອິນເຕີເນັດ ກາເຟ ນໍາຊາຍ ບໍ່ຮູ້ຊື່ ແລະ ທີ່ຢູ່ ພາຍຫຼັງໄດ້ຢາບ້າມາແລ້ວ ກໍ່ເອົາມາຂາຍໃຫ້ກຸ່ມຄົນທີ່ຕ້ອງການຊື້ ຄັ້ງລ່າສຸດເດືອນ 1 ປີ 2022 ໄດ້ສັ່ງຊື້ຢາບ້າອີກ ຈໍານວນ 600 ເມັດ ໂດຍຈຸດນັດສົ່ງຢາບ້າ ແມ່ນເສັ້ນທາງເຂດປະຕູໄຊ ແລະ ໄດ້ນໍາເອົາໄປຂາຍ ເຫຼືອຢາບ້າ 516 ເມັດ ກໍ່ຖືກເຈົ້າໜ້າທີ່ກັກຕົວ.

    ປັດຈຸບັນ ຄະດີດັ່ງກ່າວ ເຈົ້າໜ້າທີ່ພວມເລັ່ງສືບສວນ-ສອບສວນ ເພື່ອຂະຫຍາຍຜົນຊອກຫາກຸ່ມແກ້ງທີ່ຮ່ວມຂະບວນການມາດໍາເນີນຄະດີຕາມຂັ້ນຕອນຂອງກົດໝາຍ.

    LEAVE A REPLY

    Please enter your comment!
    Please enter your name here