ມອບ-ຮັບ ຕູ້ຮັບຄຳຄິດເຫັນຈາກສັງຄົມ ກ່ຽວກັບການຊົມໃຊ້ ໄຟຟ້າ

    0
    145

    ໃນຕອນບ່າຍ, ຂອງວັນທີ 23 ກຸມພາ 2022 ທີຫ້ອງປະຊຸມຂອງ ລັດວິສາຫະກິດໄຟຟ້າລາວ ສາຂາແຂວງຫຼວງພະບາງ ໄດ້ເປີດກອງປະຊຸມເຜີຍແຜ່ ວຽກງານນະໂຍບາຍ, ຈັນຍາບັນ, ວຽກງານກວດກາວຽກງານຄຸ້ມຄອງລະບົບໄຟຟ້າ ຂອງລັດວິສາຫະກິດໄຟຟ້າລາວ ແລະ ມອບ-ຮັບ ຕູ້ຮັບຄຳຄິດເຫັນຈາກສັງຄົມ.


    ໂດຍການເປັນປະທານຂອງທ່ານ ຄຸນ ບົວແພງພັນ ຜູ້ຊ່ວຍອຳນວຍການໃຫຍ່ ລັດວິສາຫະກິດໄຟຟ້າລາວ, ພ້ອມດ້ວຍ ຝ່າຍລະບົບຈຳໜ່າຍ, ຝ່າຍກວດກາ ແລະ ຝ່າຍຈັດຕັ້ງ-ບໍລິຫານ. ເຂົ້າຮ່ວມມີ ຫົວໜ້າສາຂາ ພ້ອມດ້ວຍຄະນະ, ຫົວໜ້າພະແນກລະບົບສົງພາກເໜືອ ພ້ອມດ້ວຍຄະນະ, ມີຫົວໜ້າຫ້ອງການ, ຫົວໜ້າສູນບໍລິການ, ຕະຫຼອດຮອດ ພະນັກງານ ຫຼັກແຫຼ່ງ ກໍ່ໃຫ້ກຽດເຂົ້າຮ່ວມ.


    ຈຸດປະສົງກອງປະຊຸມໃນຄັ້ງນີ້ ແມ່ນເປັນການສຶກສາອົບຮົມການເມືອງ-ແນວຄິດໃຫ້ພະນັກງານກໍາມະກອນໄຟຟ້າ ໃຫ້ເຂົ້າໃຈຕໍ່ທິດທາງ ແລະ ແນວທາງນະໂຍບາຍຂອງພັກ-ລັດຖະບານ ກໍ່ຄືແນວທາງຫຼັກການໃນການປະຕິຮູບ ລັດວິສາຫະກິດໄຟຟ້າລາວ ໃຫ້ມີປະສິດທິພາບ ແລະ ປະສິດທິຜົນສູງຂື້ນ, ໂດຍໄດ້ເລີ່ມຈາກບຸກຄະລະກອນ, ພະນັກງານ-ກໍາມະກອນ ພາຍໃນລັດວິສາຫະກິດໄຟຟ້າລາວ ໃຫ້ເປັນເຈົ້າການນໍາພາປະຕິບັດວຽກງານວິຊາສະເພາະທີ່ຮັບຜິດຊອບຢ່າງແທ້ຈີງ, ມີຄວາມຕັັດສິນໃຈເສຍລະສະສ່ວນຕົວໃຫ້ຫຼາຍຂື້ນ ເຂົ້າໃນວຽກງານ, ເພື່ອສ້າງຄວາມໜັ້ນໃຈໃຫ້ແກ່ສັງຄົມຕໍ່ການປະຕິບັດວຽກງານຂອງ ລັດວິສາຫະກິດໄຟຟ້າລາວ.


    ເຊີ່ງໃນການດຳເນີນກອງປະຊຸມ ຄະນະສາຂາ ແລະ ຫົວໜ້າພະແນກ ລະບົບສົງພາກເໜືອ ກໍ່ໄດ້ຜັດກັນຂື້ນຜ່ານບົດລາຍງານ ສະພາບການເຄື່ອນໄຫວ ການດຳເນີນທຸລະກິດຂອງຕົນຮັບຜິດ ຊອບໃຫ້ກັບທ່ານປະທານໄດ້ຮັບຊາບ.


    ຈາກນັ້ນ ທ່ານ ຄູນ ບົວແພງພັນ ຜູ້ຊ່ວຍ ຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ ທ່ານຍັງໄດ້ໂອ້ລົມອ້າຍນ້ອງພະນັກງານແຕ່ລະຂັ້ນ ໃນນັ້ນ ດ້ານດີ,ດ້ານອ່ອນ ແລະ ພ້ອມທັງມີວິທີການ ແລະ ມາດຕະການແກ້ໄຂ ເຊີ່ງທ່ານໄດ້ເໜັ້ນໜັກ : ການບໍລິການ ລູກຄ້າກໍ່ຄື ການຈົດໄຟ-ການເກັບເງິນ,ແລະ ສ້ອມແປງໄຟຕົກ,ໄຟມອດ,ບໍລິການດີວ່ອງໄວ, ທັນເວລາ, ປັດສະຈາກຫາງສຽງຈົ່ມວ່າຂອງລູກຄ້າ ແລະ ມີຄວາມປອດໄພ 100%. ເພື່ອເອົາໄປຜັນຂະຫຍາຍໃນການເຮັດວຽກງານວີຊາສະເພາະໃຫ້ດີຂື້ນ.


    ໃນຕອນທ້າຍຂອງກອງປະຊຸມ ທ່ານ ບຸນທັນ ພັນໂດລັກ ຫົວໜ້າລັດວິສາຫະກິດໄຟຟ້າລາວ ສາຂາແຂວງຫຼວງພະບາງ ໄດ້ຕາງໜ້າໃຫ້ ສາຂາແຂວງຫຼວງພະບາງ ແລະ ພະແນກ ລະບົບສົງພາກເໜືອ ຂື້ນຮັບຄຳເຫັນໂອ້ລົມຈາກທ່ານປະທານ, ນອກນັ້ນຍັງມີການ ມອບ-ຮັບ ຕູ້ຮັບຄຳຄິດເຫັນຈາກສັງຄົມ ເພື່ອໄວ້ຮັບຄຳຕິຊົມຈາກສັງຄົມ.

    LEAVE A REPLY

    Please enter your comment!
    Please enter your name here