ລາອາຊີບຄູ, ລານັກຮຽນ ຫຼັງທຸ່ມເທເປັນອາສາມາ 7 ປີ

    0
    129

    ການເປັນອາສາສະໝັກ ເພື່ອລໍຖ້າໂຕເລກໂກຕ້າບັນຈຸເຂົ້າລັດ ແຕ່ການເວລາຜ່ານໄປບໍມີຄຳຕອບ ນີ້ບໍ່ແມ່ນຫາກໍ່ເກີດຂຶ້ນ ແຕ່ເປັນປະກົດການທີ່ແກ່ຍາວມາຫຼາຍປີແລ້ວ ມັນຂຶ້ນຢູ່ກັບຄົນວ່າຈະຕັດສິນໃຈສ່ຽງກັບອາຍຸທີ່ເພີ່ມຂຶ້ນ ຫຼື ຈະໄປເຮັດແນວອື່ນແລ້ວຈິ່ງຫາໂອກາດໄປເສັງເມື່ອມີປະກາດ ແຕ່ຫຼາຍຄົນກໍເລືອກທີ່ຈະຢູ່ປີແລ້ວປີເຫຼົ່າ ເຮັດໃຫ້ເສຍເວລາໄປເປັນ7-8 ປີ 10 ປີ ເພື່ອຄວາມວ່າລັດຖະກອນ ດັ່ງກໍລະນີນີ້ ເພິ່ນຢູ່ມາ 7 ປີ ສຸດທ້າຍຍອມຖອຍເພາະບໍ່ໄຫວອີກແລ້ວ.

    ມີຄູອາສາໜຶ່ງທ່ານ ທີ່ຍອມທຸ່ມເທເຮັດວຽກຟຣີມາ 7 ປີ ( ໂດຍບໍ່ມີການລະບຸວ່າ: ຈາກໂຮງຮຽນໃດ) ແຕ່ເປັນເລື່ອງທີ່ເຫັນແລ້ວກໍ່ບອກເລີຍວ່າເຫັນໃຈທີ່ສຸດໆ. ເບື້ອງຕົ້ນກໍ່ມີປະໂຫຍກອ່ານແລ້ວ ກໍ່ຍິ່ງຄີດຕາມວ່າ: ເປັນຄູອາສາມາໄດ້ 7 ປີ ຈຳໃຈລາອອກ ສອນຕໍ່ກໍອິຕົນລູກເມຍ ລາອອກກໍອິຕົນນ້ອງນັກຮຽນ.

    ໂດຍຈາກທີ່ຜູ້ໃຊ້ເຟສບຸກຊື່ Hieng San ໄດ້ໂພສວ່າ: ອຸກໃຈເດສອນຕໍ່ແຕ່ອີຕົນລູກເມຍ ຊິອອກກໍດີຕົນເດັກນ້ອຍ ເພື່ອນໆຂໍຄຳເຫັນແນ່ສອນໄດ້ 7 ປີແລ້ວບໍ່ມີວີ່ແວວໄດ້ລັດຖະກອນ. ນອກຈາກນີ້ ຍັງມີຕໍ່ອີກວ່າ: ພໍແລ້ວຊີວິດຄູອາສາມາເປັນປະຊາຊົນຂອບໃຈທາງບ້ານ ທາງໂຮງຮຽນ, ອ້າຍເອື້ອຍຄູ ແລະ ນັກຮຽນຍັງມີຂອງຂວັນໃຫ້ ລາກ່ອນເດີຊີວິດຄູອາສາ.

    ຄູຖືວ່າເປັນອາຊີບທີ່ເປັນຜູ້ສ້າງຄົນໃຫ້ເປັນຄົນດີ ໃຫ້ມີຄວາມຮູ້ ຄວາມສາມາດ ເປັນຜູ້ຖ່າຍທອດເລື່ອງລາວພື້ນຖານຂອງຊີວິດໃຫ້ກັບລູກຫຼານຜູ້ເປັນອະນາຄົດຂອງຊາດ ເພື່ອຝືກຝົນບຸກຄະລາກອນທີ່ຈະມາສືບທອດພາລະກິດຂອງຊາດຕໍ່ໄປ ເຊິ່ງຄູແມ່ນເປັນຄົນທີ່ເສຍສະຫຼະໃນການທີ່ຈະຊອກຫາຂໍ້ມູນໃໝ່ໆທີ່ຈະສອນສິດຕົນເອງໃຫ້ຮູ້ເທົ່າທັນໂລກ ຜູ້ຈະເປັນຄູຕ້ອງແມ່ນຜູ້ທີ່ມີຄວາມອົດທົນຂະຫຍັນມັກໃນອາຊີບການສອນແທ້ ແຕ່ໃນນັ້ນກໍ່ຕ້ອງເຂົ້າໃຈວ່າການເປັນຄູບໍຈຳເປັນຕ້ອງເປັນລັດຖະກອນຢ່າງດຽວ ຫາກສາມາດໄປສອນຢູ່ເອກະຊົນໄດ້ ມີເງິນເດືອນກິນບໍ່ຕ້ອງອົດຢາກເປັນເວລາຫຼາຍປີຄືດັ່ງທີ່ເຫັນຜ່ານມາ.

    LEAVE A REPLY

    Please enter your comment!
    Please enter your name here