ທາງເວັ້ນກໍ່ບໍເວັ້ນ ຖືກນ້ຳຝົນກວາດໄປ ທາງຫ້ວຍຊ້າງຫີນເຫີບ

    0
    100

    ຝົນລົງຊຸດນີ້ທາງແຂວງວຽງຈັນ ເສຍຫາຍຫຼາຍບ່ອນບໍ່ວ່າທາງເມືອງຫີນເຫີບ, ວັງວຽງ ແລະຍັງບໍ່ມີລາຍງານຈາກເມືອງອື່ນໆ ແຕ່ທີ່ໜ້າເສຍດາຍແມ່ນລ້ວນກະທົບຕໍ່ລະບົບພື້ນຖານໂຄງລ່າງທີ່ປະຊາຊົນຈຳເປັນຕ້ອງໃຊ້ໃນແຕ່ລະວັນ.

    ຕາມຂ່າວລາຍງານວ່າ ຕອນເຊົ້າວັນທີ 20 ກຸມພາ 2022 ນີ້, ທາງເວັ້ນຂົວຫ້ວຍຊ້າງ ລະຫວ່າງເຂດບ້ານບໍ່ຈ່ານ ແລະ ບ້ານໂພມມ່ວງ ເມືອງຫີນເຫີບ ແຂວງວຽງຈັນ, ຫ່າງຈາກສາມແຍກຫີນເຫີບ ໄປປະມານ 15 ກິໂລແມັດ ຖືກນໍ້າເຊາະເຈື່ອນ ເຮັດໃຫ້ເສັ້ນທາງດັ່ງກ່າວຖືກຕັດຂາດ ແລະ ລົດບໍ່ສາມາດສັນຈອນໄປ-ມາໄດ້.


    ສະນັ້ນ, ບັນດາທ່ານທີ່ຈະເດີນທາງໄປເມືອງເຟືອງ ຫລື ຈາກເມືອງເຟືອງໄປຫາ ເມືອງຫີນເຫີບ ຄວນສຶກສາເບິ່ງເສັ້ນທາງກ່ອນເດີນທາງ ເນື່ອງຈາກໄລຍະນີ້ ມີຝົນຕົກຢ່າງຕໍ່ເນື່ອງ ອາດເຮັດໃຫ້ການເດີນທາງໄປມາບໍ່ສະດວກ.
    ຂະນະທີ່ ກົມອຸຕຸນິຍົມ ແລະ ອຸທົກກະສາດ ກໍໄດ້ອອກແຈ້ງເຕືອນຝົນຕົກໜັກ ໃນວັນທີ 20 ກຸມພາ 2022 ເວລາ 7:00 ໂມງ ຄວາມກົດດັນອາກາດສູງຂອງອາກາດເຢັນຈະເພີ່ມກໍາລັງແຮງຂຶ້ນ ແພ່ລົງມາປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງອ່ອນ ຫາ ປານກາງ ສົມທົບກັບກະແສລົມຕາເວັນອອກປົກຄຸມພາກເໜືອ ແລະ ຕາເວັນອອກສ່ຽງໃຕ້ພັດປົກຄຸມພາກກາງ ແລະ ພາກໃຕ້, ເຊິ່ງຈະເຮັດ ໃຫ້ອາກາດເຢັນໃນຕອນເຊົ້າ ແລະ ຍັງມີຝົນຕົກໃນລະດັບຄ່ອຍ ຫາ ປານກາງຢູ່ໃນແຕ່ລະພາກ ແລະ ຕົກໜັກ ພ້ອມມີລົມພັດແຮງຢູ່ ບາງທ້ອງຖິ່ນ ຢູ່ແຂວງພາກເໜືອ ແລະ ພາກກາງ.
    ດັ່ງນັ້ນຈຶ່ງແຈ້ງເຕືອນ ເຖິງອໍານາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າ ທີ່ອາໃສຢູ່ແຂວງພາກເໜືອ ແລະ ພາກກາງ ໃຫ້ມີສະຕິລະມັດລະວັງ ຕໍ່ສະພາບຝົນຕົກໜັກ, ຟ້າຮ້ອງ, ຟ້າເຫລື້ອມ ດິນເຈື່ອນ ແລະ ລົມພັດ ແຮງທີ່ອາດຈະເຮັດໃຫ້ຕົ້ນໄມ້, ເສົາໄຟຟ້າ ແລະ ປ້າຍໂຄສະນາຫັກລົ້ມ, ຫລັງຄາເຮືອນເປ່ເພ ແລະ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.

    LEAVE A REPLY

    Please enter your comment!
    Please enter your name here