ກົມອຸຕຸນິຍົມອອກແຈ້ງການ..!! ເຕືອນໄພຝົນຕົກໜັກຫຼາຍພື້ນທີ່ໃນປະເທດລາວ ໄລຍະ 19-20 ກຸມພາ 2022 ນີ້.

    0
    87

    ແຈ້ງເຕືອນຝົນຕົກໜັກ ປະຈໍາວັນທີ 19/02/2022 ເວລາ 12:00 ໂມງ.

    ກົມອຸຕຸນິຍົມ ແລະ ອຸທົກກະສາດ ໄດ້ອອກແຈ້ງເຕືອນຝົນຕົກໜັກ ປະຈຳວັນທີ 19 ກຸພາ 2022 ອອກຂ່າວເວລາ 12:00 ໂມງ ໃຫ້ຮູ້ວ່າຄວາມກົດດັນອາກາດຕໍ່າໄດ້ປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງອ່ອນ ສົມທົບກັບກະແສລົມຕາເວັນຕົກພັດປົກຄຸມພາກເໜືອ ແລະ ຕາເວັນອອກສ່ຽງໃຕ້ພັດປົກຄຸມພາກກາງ ແລະ ພາກໃຕ້, ເຊິ່ງຈະ ເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງຢູ່ໃນແຕ່ລະພາກ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນຢູ່ ແຂວງພາກເໜືອ ແລະ ພາກກາງ.

    ດັ່ງນັ້ນຈຶ່ງແຈ້ງເຕືອນອໍານາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ອາໃສຢູ່ບັນດາແຂວງ ຜົ້ງສາລີ, ຫົວພັນ, ຊຽງຂວາງ, ຫລວງນໍ້າທາ, ບໍ່ແກ້ວ, ອຸດົມໄຊ, ຫລວງພະບາງ, ໄຊຍະບູລີ, ແຂວງວຽງຈັນ ແລະ ບໍລິຄໍາໄຊ ໃຫ້ມີສະຕິລະມັດລະວັງຕໍ່ສະພາບຝົນຕົກໜັກ, ຟ້າຮ້ອງ, ຟ້າເຫລືອມ, ໝາກເຫັບຕົກ, ດິນເຈື່ອນ ແລະ ລົມພັດແຮງທີ່ອາດຈະເຮັດ ໃຫ້ຕົ້ນໄມ້, ເສົາໄຟຟ້າ ແລະ ປ້າຍໂຄສະນາຫັກລົ້ມ, ຫລັງຄາເຮືອນເປ່ເພ ແລະ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ໃນໄລຍະວັນທີ 19-20 ກຸມພາ 2022.

    LEAVE A REPLY

    Please enter your comment!
    Please enter your name here