ລັດຖະມົນຕີກະຊວງການຕ່າງປະເທດຫວຽດນາມ ຕິດເຊື້ອໂ ຄ ວິ ດ-19 ທີ່ປະເທດກໍາປູເຈຍ

0
132

ວັນທີ 18 ກຸມພາ 2022 ສໍານັກຂ່າວ Vietnamnews ໄດ້ລາຍງານວ່າ: ຕອນ​ບ່າຍ​ວັນ​ທີ 17 ກຸມພາ 2022 ຜ່ານມາ, ທ່ານ ປຣາກ ໂຊຄົນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນ ແຫ່ງຣາຊະອານາຈັກ ກໍາປູເຈຍ ​ໄດ້​ປະກາດ​ວ່າ: ທ່ານລັດຖະມົນຕີ​ກະຊວງການ​ຕ່າງປະ​ເທດ​ຫວຽດນາມ ທ່ານ ບູຍແທ່ງເຊີນ (Bùi Thanh Sơn) ​ໄດ້​ກວດ​ພົບ​ເຊື້ອ​ໂຄ​ວິດ-19 ​ຂະນະ​ທີ່​ກໍາລັງເຂົ້າ​ຮ່ວມ​ກອງ​ປະ​ຊຸມ​ລັດ​ຖະ​ມົນ​ຕີ​ຕ່າງ​ປະ​ເທດ​ອາ​ຊຽນ ແບບວົງແຄບ (AMMR) ຢູ່​ທີ່ປະເທດກຳ​ປູ​ເຈຍ.

ຜູ້ໃຫ້ຂ່າວ ເລຖິທູຫັງ (Lê Thị Thu Hằng) ໃຫ້ຮູ້ວ່າ: “ສຸ​ຂະ​ພາບ​ຂອງ​ທ່ານ​ລັດ​ຖະ​ມົນ​ຕີ ບູຍແທງເຊີນ ໃນ​ປັດ​ຈຸ​ບັນຍັງປົກກະຕິດີ. ຫຼັງ​ຈາກ​ກອງ​ປະຊຸມ​ສິ້ນ​ສຸດ​ລົງ, ທ່ານ​ລັດຖະມົນຕີ​ຈະ​ກັບ​ຄືນສູ່​ປະ​ເທດຫວຽດນາມ ​ແລະ ​ຈະເຂົ້າຮັບການກັກໂຕຕາມມາດຕະການທີ່ກໍານົດໄວ້”.

ເລຖິທູຫັງ ໄດ້​ຢືນຢັນ​ຕື່ມວ່າ: “​ໃນ​ຊ່ວງເວລາ​ເຂົ້າ​ຮ່ວມ​ກອງ​ປະຊຸມ, ທ່ານ​ລັດຖະມົນຕີ ບູຍແທງເຊີນ ​ພ້ອມດ້ວຍຄະນະ​ຜູ້​ແທນ​ຫວຽດນາມ ​ໄດ້​ປະຕິບັດ​ຕາມກົດ​ລະບຽບ​ການ ​ດ້ານ​ສາທາລະນະ​ສຸກ​ກ່ຽວ​ກັບ​ການ​ປ້ອງ​ກັນ​ພະຍາດ​ຂອງ ກຳປູ​ເຈຍ ຢ່າງ​ເຂັ້ມ​ງວດ”.