ເຜີຍສາເຫດ ໜຸ່ມ 28 ປີ ຂັບລົດ ຕໍາປ້ອມຕໍາຫຼວດ ສີ່ແຍກໄຟແດງ ຫໍປະຊູມແຫ່ງຊາດ ມຸ່ນອັບຍັບ

    0
    91

    ໃນເວລາ 00:05 ໂມງ ວັນທີ 16 ກຸມພາ 2022 ເກີດອຸບັດຕິເຫດ ລົດເກັງສີເທົາ ບໍ່ຕິດປ້າຍທະບຽນ ແລ່ນດ້ວຍຄວາມໄວເສຍຫຼັກ ຕໍາກັບປ້ອມຕໍາຫຼວດ ຈະລາຈອນ ຢູ່ໄຟອໍານາດ 4 ແຍກຫໍປະຊຸມແຫ່ງຊາດ ຖະໜົນໄກສອນ ພົມວິຫານ ນະຄອນຫຼວງວຽງຈັນ, ເຮັດໃຫ້ຜູ້ຂັບຂີ່ ໄດ້ຮັບບາດເຈັບສົມຄວນ.

    ເຈົ້າໜ້າທີ່ຕໍາຫຼວດຈະລາຈອນ ນວ ໃຫ້ຮູ້ວ່າ: ພາຍຫຼັັງໄດ້ຮັບແຈ້ງ ມີອຸບັດຕິເຫດ ລົດເກັງຕໍາກັບປ້ອມຕໍາຫຼວດ ຈະລາຈອນ ນວ ຢູ່ຈຸດໄຟອໍານາດຫໍປະຊຸມແຫ່ງຊາດ ຈຶ່ງໄດ້ລົງກວດກາຊັນນະສູດ ວັດແທກ ເກັບກໍາຂໍ້ມູນ ສະຖານທີ່ເກີດເຫດ ຊາບຊື່ຜູ້ຂັບຂີ່ລົດ ຊື່ ທ້າວ ຈັນທະຄານ ອາຍຸ 28 ປີ ກໍາມະກອນ ຢູ່ບ້ານທາດຫຼວງໃຕ້ ເມືອງໄຊເສດຖາ ນວ ຂັບຂີ່ລົດມຸ່ງໜ້າມາແຕ່ເຂດ ບ້ານພະຂາວ ໂຮງແຮມໂກສໂມ້ ຫາ ໄຟອໍານາດໂພນພະເນົາ.

    ແຕ່ເນື່ອງຈາກຂັບຂີ່ລົດມາດ້ວຍຄວາມໄວເກີນກຳນົດ ພໍຮອດຈຸດເກີດເຫດ ໄດ້ເສຍຫຼັກຕໍາກັບປ້ອມຕໍາຫຼວດຈະລາຈອນ ນວ ເຮັດໃຫ້ຜູ້ຂັບຂີ່ ໄດ້ຮັບບາດເຈັບສົມຄວນ ແລະ ຖືກນໍາສົ່ງປິ່ນປົວ ຢູ່ໂຮງໝໍມິດຕະພາບ 150 ຕຽງ.

    ສ່ວນປ້ອມຕໍາຫຼວດຈະລາຈອນແມ່ນມຸ່ນອຸ້ຍປຸ້ຍ ແລະ ສ່ວນພາຫະນະຂອງຜູ້ຂັບຂີ່ ເປ່ເພເສຍຫາຍຫຼາຍສົມຄວນ.

    ສາເຫດຂອງອຸບັດຕິເຫດຄັ້ງນີ້ແມ່ນຍ້ອນຜູ້ຂັບຂີ່ໃຊ້ຄວາມໄວ້ເກີນຂອບເຂດ,ປັດຈຸບັນ ຍັງຢູ່ຂັ້ນຕອນໃນການເກັບກໍາຂໍ້ມູນຫຼັກຖານຂອງ ພະແນກຕໍາຫຼວດ ຈະລາຈອນ ນວ.

    LEAVE A REPLY

    Please enter your comment!
    Please enter your name here