ເຂົ້າຊ່ວຍເຫຼືອ ຊາຍໜຸ່ມນັກປີນເຂົາທີ່ຕິດຢູ່ໜ້າຜາ 45 ຊົ່ວໂມງ

    0
    183

    ເຂົ້າຊ່ວຍເຫຼືອ ຊາຍໜຸ່ມນັກປີນເຂົາທີ່ຕິດຢູ່ໜ້າຜາ 45 ຊົ້ວໂມງ

    ຕັ້ງແຕ່ວັນຈັນທີ 7 ກຸມພາ 2022 ໜຸ່ມນັກປີນເຂົາຄົນນີ້ມີອາຍຸ 23 ປີ ໄດ້ໄປປີນເຂົາທີ ລັດ ເກຣລະ ປະເທດອິນເດຍກັບໝູ່ຂອງລາວ ແລະ ໄດ້ເກີດອຸບັດຕິເຫດພັດຕົກໜ້າຜາທີ່ມີຄວາມສູງເຖີງ 1,000 ແມັດ

    ເຊີ່ງຖືວ່າຍັງໂຊກດີທີ່ບໍ່ໄດ້ຮັບອັນຕະລາຍເຖິງຊີວິດ ແຕ່ລາວຕ້ອງຕິດຢູ່ຊອກໜ້າຜາດົນເຖິງ 45 ຊົ່ວໂມງ ຕ້ອງພົບກັບອາກາດຮ້ອນຕອນກາງເວັນ ແລະ ອາກາດໜາວໃນກາງຄືນ ບໍ່ມີແມ້ນໍ້າ ແລະ ອາຫານເລີຍ

    ແຕ່ຖືວ່າຍັງບໍ່ຮອດຄາວເຄາະເພາະໃນຄະນະທີ່ກຳລັງຕິດຢູ່ໃນຊອກໜ້າຜານັ້ນລາວໄດ້ຖ່າຍຮູບຈາກມືຖືສົ່ງໃຫ້ໝູ່ ແລະ ຄອບຄົວ ເພື່ອຂໍຄວາມຊ່ວຍເຫຼືອ ເຮັດໃຫ້ທຸກຄົນຮີບຊອກຕາມຫາເພື່ອເຂົ້າຊ່ວຍເຫຼືອທັນທີ່ ແລະ ຕໍ່ມາກໍ່ບໍ່ສາມາດຕິດຕໍ່ກັບລາວໄດ້ເພາະວ່າແບັດເຕີລີ່ໝົດເສຍກ່ອນ

    ໃນວັນອັງຄານທີ 8 ກຸມພາ 2022 ກູ້ໄພ ແລະ ຕຳຫຼວດໄດ້ລົງພື້ນທີ່ພະຍາຍາມເຂົ້າໄປຊ່ວຍເຫຼືອແຕ່ບໍ່ສຳເລັດ ຈື່ງຂໍຄວາມຊ່ວຍເຫຼືອໄປຍັງກອງທັບ ແລະ ທີມກູ້ໄພຂອງທະຫານ ພາລະກິດດັ່ງກ່າວຈື່ງປະສົບຜົນສຳເລັດໃນວັນທີ 9 ກຸມພາ 2022 ໃນເວລາ 10:00 ໂມງ ພົບວ່າຊາຍນັກປີນເຂົາມີອາການອ່ອນເພຍ ເນື່ອງຈາກຂາດນໍ້າ ແລະ ອາຫານຫຼາຍມື້ ຈື່ງສົ່ງໂຕໄປຍັງໂຮງໝໍດ່ວນ

    ທີ່ມາ: ຂ່າວເດັ່ນ

    LEAVE A REPLY

    Please enter your comment!
    Please enter your name here